San Juan 8:14 - Ti Baro a Naimbag a Damag Biblia

¹⁴ “Uray no saksiak ti bukodko a bagi,” insungbat ni Jesus, “pudno ti ibagbagak ta ammok ti naggapuak ken ti papanak. Diyo ammo ti naggapuak ken ti papanak.

Ti Biblia (1973)

¹⁴ Ni Jesus simmungbat ket kinunana cadacuada: Uray sacsiac ti maipapan caniac, pudno ti pangpanecnecco, ta ammoc no adino ti naggapuac ken no adino ti papanac; ngem dicay ammo no adino ti paggapuac ken no adino ti papanac.

San Juan 8:14 Iomraidhean Croise

Dagiti Proverbio 8:7

Kinapudno amin nga ibagak; kagurak ti ulbod.

Numero 12:3

Napakumbaba ni Moises. Kinapudnona, napakpakumbaba ngem ti uray siasinoman a tao ditoy daga.)

San Juan 10:36

No maipapan kaniak, pinilinak ti Ama ket imbaonnak ditoy lubong. Gapu ta kinunak a siak ti Anak ti Dios, kunayon a nagsaoak iti maikontra iti Dios?

San Juan 13:3

Ammo ni Jesus nga inted ti Ama kenkuana ti amin a pannakabalin. Ammona met a naggapu iti Dios ket agsublinto iti Dios.

San Juan 14:10

Dimo kad patien nga addaak iti Ama ket ti Ama adda kaniak? Saan a naggapu kaniak dagiti insaok kadakayo. Ti Ama nga agtaeng kaniak, aramidenna dagiti aramidna.

San Juan 16:28

Naggapuak iti Ama ket immayak ditoy lubong. Ita, panawakon ti lubong ket agsubliak iti Ama.”

San Juan 17:8

Intedko kadakuada ti mensahe nga intedmo kaniak, ket inawatda. Ammoda a pudno a naggapuak kenka ket patienda nga imbaonnak.

San Juan 18:37

Isut' gapuna a sinaludsod ni Pilato, “No kasta, maysaka nga ari?” “Nasaomon,” insungbat ni Jesus. “Nayanakak ditoy lubong tapno paneknekak ti pudno. Dumngeg kaniak ti siasinoman nga adda iti pudno.”

San Juan 5:31

“No saksiak ti bukodko a bagi, saan a maawat ti saok kas pammaneknek.

San Juan 8:42

“No agpayso met laeng nga amayo ti Dios,” kinuna ni Jesus, “ayatendak met koma; ta naggapuak iti Dios, ket ita, addaak ditoyen. Diak immay a naknakemko, no di ket imbaonnak ti Dios.

2 Taga-Corinto 11:31

Ti Dios ken Ama ni Apo Jesus—madaydayaw koma ti naganna iti agnanayon—ammona a saanak nga agul-ulbod.

2 Taga-Corinto 12:11

Kaslaak la maag—ngem dakayo ti nangpilit kaniak nga agbalin a kasta. Dakayo koma ketdi ti mangipakita iti yaanamongyo kaniak. Ta uray no awan serserbik, saanak a maatiw iti uray siasino kadagita naisangsangayan unay nga “apostolesyo.”

2 Taga-Corinto 12:19

Nalabit nga ipagarupyo nga agingga ita, padpadasenmi nga ikalintegan ti bagimi kadakayo. Saan! Agsaokami a kas iti kayat ni Cristo a panagsaomi iti imatang ti Dios, ket amin nga aramidenmi, patgek a kakabsat, maaramidda tapno matulongankayo.

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.

Paltiing 3:14

“Kastoy ti isuratmo iti anghel ti iglesia idiay Laodicea: “Daytoy ti mensahe nga aggapu ken ni Amen, ti matalek ken napudno a saksi, ti pangrugian ti amin a pinarsua ti Dios: