San Juan 8:12 - Ti Baro a Naimbag a Damag Biblia

¹² Nagsao manen ni Jesus kadagiti Fariseo, “Siak ti silaw ti lubong,” kinunana. “Siasinoman a sumurot kaniak maaddaan iti silaw ti biag, ket dinto magna iti kasipngetan.”

Ti Biblia (1973)

¹² Ni Jesus kinasaona manen ngarud idan, a cuncunana: Siac ti silaw ti lubong; ti sumurot caniac, saanto a magna iti sipnget; no di ket addanto kencuana ti silaw ti biag.

San Juan 8:12 Iomraidhean Croise

Ti Libro ni Job 33:28

Dina impalubos a mapanak iti lubong dagiti natay, ket ita, addaak pay la a biag.”

Dagiti Salmo 18:28

Ni Yahweh ti mangted iti silawko; lawagan ti Diosko ti nasipnget a biagko.

Dagiti Salmo 49:19

matayto met laeng a kas kadagiti kapuonanna, ket maitiponto kadakuada iti sipnget nga awan inggana.

Dagiti Salmo 97:11

Agraniag ti silaw kadagiti nalinteg; adda rag-o a maipaay kadagiti naimbag a tattao.

Isaias 49:6

Kinuna ti Apo kaniak, “Adda nangnangruna a trabaho nga ipaaramidko kenka nga adipenko! Saanmonto la nga isubli ti kinatan-ok dagiti Israelita a nakalasat, ngem pagbalinenkanto pay a silaw kadagiti pagilian— tapno maisalakan ti sangalubongan.”

Isaias 50:10

Dakay nga agbuteng iti Apo ken agtungpal kadagiti sao ti adipenna— nalabit a nasipnget ti pagnaanyo ngem agtalekkayo iti Apo, agpannuraykayo iti Diosyo.

Isaias 9:2

Dagiti tattao a nagna iti kasipngetan nakitada ti lawag a nagpaidumat' raniagna! Nagnaedda iti daga dagiti anniniwan ngem ita agraniag kadakuada ti lawag.

Oseas 6:3

Agpakumbabatayo iti imatang ti Apo. Ikagumaantayo ti mangbigbig kenkuana. Awan duadua ti yaayna kadatayo, kas iti idadateng ti parbangon, kas iti damo a tudo a mangsibog iti daga.”

Malakias 4:2

Ngem kadakayo nga agtungpal kaniak, kaslanto init a lumgak ti pannakabalinko a mangisalakan ken mangyeg iti pannakapaimbag. Rumuarkayto a siraragsak a kas kadagiti urbon ti baka a naipupok.

San Mateo 5:14

“Dakayo ti pannakasilaw ti lubong. Saan a mailinged ti ili a nabangon iti rabaw ti maysa a bantay.

San Lucas 2:32

Maysa a silaw a mangipakaammo kadagiti Hentil ti pagayatam. Ken mangyeg iti dayaw iti ilim nga Israel.”

San Juan 12:35

“Bassit laengen a tiempo ti kaadda ti silaw kadakayo,” insungbat ni Jesus. “Agawaanyo ti agbiag ta adda pay la ti silaw kadakayo tapno dinakayo makamakam ti sipnget. Ta ti magna iti sipnget, dina ammo ti turturongenna.

San Juan 12:36

Ngarud, mamatikay iti silaw bayat ti kaaddana kadakayo tapno agbalinkayo a tattao ti lawag.” Idi naisaon ni Jesus daytoy, pimmanaw ket inlemmenganna ida.

San Juan 12:46

Immayak ditoy lubong a kas silaw tapno saan nga agtaeng iti sipnget dagiti amin a mamati kaniak.

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

San Juan 3:19

Daytoy ti pakaukoman: Immayen ti silaw ditoy lubong, ngem gapu ta dakes dagiti aramid dagiti tattao, ad-adda nga ayatenda ti sipnget ngem ti lawag.

San Juan 7:17

“Ti siasinoman a mayat nga agaramid iti pagayatan ti Dios, maammoannanto no agtaud iti Dios ti isursurok wenno agsaoak iti kabukbukodak a turay.

San Juan 9:5

Bayat ti kaaddak ditoy lubong, siak ti silaw ti lubong.”

Dagiti Aramid 13:47

Ta daytoy ti bilin ti Apo kadakami: ‘Insaadka a mangsilaw kadagiti Hentil, Tapno maisalakan ti entero a lubong.’”

Dagiti Aramid 26:23

a masapul nga agsagaba ti Cristo, ket isunto ti umuna nga agungar tapno ipakaammona ti lawag ti pannakaisalakan kadagiti Judio kasta met kadagiti Hentil.”

2 Pedro 2:17

Mayarig dagitoy a tattao iti namagaan nga ubbog. Kasda la ulep a mayang-angin iti napigsa. Insaganan ti Dios ti pagyananda iti mangliwengliweng a sipnget.

2 Pedro 2:4

Saan a kinaasian ti Dios dagiti angheles a nagbasol. Intappuakna ketdi ida idiay infierno, iti kasipngetan a lugar a nakakawaranda, a pangur-urayanda iti idadateng ti Aldaw ti Panangukom.

1 Juan 1:6

No kunatayo a makikadkaduatayo kenkuana, ngem agbibiagtayo met iti sipnget, ulbodtayo iti sao ken aramid.

San Judas 1:13

Mayarigda kadagiti nadawel a dalluyon iti baybay. Kasla labutab a narugit dagiti nakababain nga aramidda. Kasda la kadagiti agalla-alla a bituen nga insaganaan ti Dios iti pagyanan iti agnanayon a mangliwengliweng a sipnget.

San Judas 1:6

Laglagipenyo dagiti angheles a di nagtalinaed iti sigud a kasasaadda, no di ket pinanawanda dagiti pagtaenganda. Impupok ti Dios ida iti kasipngetan iti baba. Agnanayon a nakawaranda agingga a dumteng ti naindaklan nga Aldaw a maukomda.

Paltiing 21:24

Iti lawagna, magnanto dagiti amin a tattao ket ipanto sadiay dagiti ari ditoy daga ti kinadayagda.