San Juan 8:11 - Ti Baro a Naimbag a Damag Biblia

¹¹ “Awan, Apo,” insungbatna. Kinuna ni Jesus, “Uray siak, saanka a dusaen. Inkan, ket saanka nga agbasolen.”]

Ti Biblia (1973)

¹¹ Ket isu kinunana: Apo, awan. Ket ni Jesus kinunana: Uray siac saanca a dusaen: incan ket manipud ita dica agbasolen.

San Juan 8:11 Iomraidhean Croise

Ti Libro ni Job 34:31

Job, impudnom kadin dagiti basolmo iti Dios? Inkarim kadin kenkuana a saanka nga agbasolen?

Dagiti Proverbio 28:13

Pulos a dikanto agballigi no padasem nga ilemmeng dagiti basolmo. Ipudnom ida ken agbabawika, ket kaasiannakanto ti Dios.

Isaias 55:6

Birokenyo ti Apo, ita ta masarakan pay, umawagkayo kenkuana, ita ta asideg pay.

San Lucas 13:3

Saan! Ibagak kadakayo a no saankayo nga agbabawi kadagiti basbasolyo, mataykayto amin a kas kadakuada.

San Lucas 13:5

Saan! Ibagak kadakayo a no saankayo nga agbabawi kadagiti basbasolyo, mataykayto amin a kas kadakuada.”

San Lucas 15:10

“Kasta met, ibagak kadakayo, nga agragsak dagiti angheles ti Dios gapu iti maysa a managbasol nga agbabawi.”

San Lucas 15:32

Ngem masapul nga agrambak ken agragsaktayo, ta natay ti kabsatmo ngem nagungar. Napukaw ngem nasapulan met laeng.’”

San Lucas 15:7

“Kasta met, ibagak kadakayo a dakdakkelto ti ragsak sadi langit gapu iti maysa a managbasol nga agbabawi, ngem gapu iti 99 a di makasapul iti panagbabawi.”

San Lucas 5:32

Saanak nga immay tapno ayabak dagiti nalinteg ngem immayak agayab kadagiti managbasol ket iti kasta agbabawida.”

San Lucas 9:56

Kalpasanna, napan ni Jesus ken dagiti adalanna iti sabali a barrio.

San Juan 18:36

“Saan a ditoy lubong ti ayan ti pagariak,” kinuna ni Jesus. “No ditoy lubong koma, makigubat dagiti pasurotko tapno saanak a mayawat kadagiti agtuturay a Judio. Ngem saan a ditoy lubong ti ayan ti pagariak!”

San Juan 3:17

Ta saan nga imbaon ti Dios ti Anakna ditoy lubong tapno ukomenna ti lubong, no di ket tapno isalakanna.

San Juan 5:14

Iti saan a mabayag, nasarakan ni Jesus ti lalaki idiay Templo. “Kitaem, naimbagankan!” kinunana. “Dika agbasolen, amangan no addanto dakdakes a mapasamak kenka.”

San Juan 8:15

Mangukomkayo kas mayannurot iti pagalagadan ti tao. Diak mangukom iti uray siasino.

Taga-Roma 2:4

Wenno, tagibassitem kadi ti aglaplapusanan a kinaimbag, panagibtur ken kinaanus ti Dios? Awan duadua nga ammom a manangngaasi ti Dios gapu ta ikalkalikagumna a maiturongka nga agbabawi.

1 Taga-Corinto 5:12

Ania ngamin ti karbengak a mangukom kadagiti saantayo a kakadua? Ti Dios ti mangukomto kadakuada. Saan aya a rumbeng a dakayo ti mangukom kadagiti kakaduayo iti iglesia? Kas kuna ti Nasantoan a Surat, “Pagtalawenyo ti dakes a tao iti grupoyo.”

Deuteronomio 16:18

“Mangdutokkayo kadagiti ukom ken dadduma nga ofisiales iti tunggal ili nga ited kadakayo ti Apo a Diosyo. Kas ukom, ibanagda dagiti kaso dagiti tattao nga awan ti idumdumada.

Deuteronomio 17:9

ket idatagyo ti kasoyo kadagiti papadi a Levita ken iti agdama nga ukom tapno risutenda ti kaso.

2 Pedro 3:15

Naanus ti Dios ket ibilangyo ti kinaanusna a kas gundaway nga itedna tapno maisalakankayo. Kasta met ti insurat kadakayo ni Pablo nga ingungotentayo a kabsat babaen iti panangaramatna iti kinasirib nga inted ti Dios kenkuana.