San Juan 7:6 - Ti Baro a Naimbag a Damag Biblia

⁶ Kinuna ni Jesus kadakuada, “Di pay dimteng ti tiempok. Dakayo, kukuayo ti amin a tiempo.

Ti Biblia (1973)

⁶ Cuna ngarud ni Jesus cadacuada: Ti aldawco saan pay a dimteng; ngem ti aldawyo cancanayon a sisa sagana.

San Juan 7:6 Iomraidhean Croise

Dagiti Salmo 102:13

Tumakderka ket kaasiam ti Sion, bumangonka; dimtengen ti tiempo ti panangngaasim kenkuana!

San Mateo 26:18

Kinunana kadakuada, “Inkayo iti maysa a tao iti siudad ket ibagayo kenkuana, ‘Kuna ti Maestro: Dimtengen ti orasko. Ditanto balaymo ti pangrambakanmi iti Paskua kadagiti adalak.’ ”

San Juan 13:1

Bisperas idi ti Fiesta ti Paskua. Ammo ni Jesus a dimtengen ti oras nga ipapanawna ditoy lubong ken isusublina iti Ama. Inay-ayatna dagiti tattaona ditoy lubong. Wen, ay-ayatenna ida agingga iti panungpalan.

San Juan 17:1

Kalpasan ti panangisao ni Jesus iti daytoy, timmangad sadi langit. “Ama,” kinunana, “dimtengen ti oras. Itan-okmo toy Anakmo tapno itan-oknaka met.

San Juan 2:4

“Babai,” insungbat ni Jesus, “saan a masapul nga ibagam ti aramidek. Saan pay a dimteng ti orasko.”

San Juan 7:30

Gapu iti daytoy, pinanggepda a tiliwen, ngem awan mayat a mangtengngel kenkuana, ta di pay dimteng ti tiempo a mapasamak kenkuana daytoy.

San Juan 7:8

Dakayo ti mapan makifiesta. Saanak a mapan iti daytoy a fiesta, ta di pay dimteng ti tiempok.”

San Juan 8:20

Insao ni Jesus dagitoy bayat ti panangisursurona idiay Templo, iti kuarto a nakaikabilan dagiti kaha ti daton. Ngem awan ti nangtiliw kenkuana, ta di pay dimteng ti oras.

Dagiti Aramid 1:7

Simmungbat ni Jesus: “Intuding ni Amak, babaen iti turayna, dagiti tiempo ken pasamak ket saan a masapul a maammoanyo ida.