San Juan 7:52 - Ti Baro a Naimbag a Damag Biblia

⁵² “Taga-Galileaka met kadi?” kinunada kenkuana. “Sukimatem dagiti Sursurat ket maammoamto nga awan a pulos ti profeta a tumaud idiay Galilea.”

Ti Biblia (1973)

⁵² Simmungbatda ket kinunada kencuana: Sica met taga Galileaca aya? Sukimatem ket kitaem a manipud idiay Galilea awan ti tumaud a mammadto.

San Juan 7:52 Iomraidhean Croise

Genesis 19:9

Ngem kinunada, “Saanka a bumiang, sika a ganggannaet. Siasinoka koma a mangisuro iti aramidenmi? Aglisika iti pagnaanmi amangan no dakdakes ti aramidenmi kenka ngem ti aramidenmi kadakuada.” Induronda ni Lot ket immasidegda tapno rakrakenda ti ridaw.

1 Ar-ari 22:24

Inasitgan ni Zedekias ni Micaias sana tinungpa ket kinunana, “Kasano a rimmuar kaniak ti espiritu ti Apo tapno agsao kenka?”

Exodo 2:14

“Apay? Siasino kadi ti nangisaad kenka a mangituray ken mangukom kadakami?” insungbatna. “Patayennak met kadi a kas iti panangpataymo iti Egipcio?” Nagdanag ni Moises ket kinunana iti nakemna, “Naammoanda gayamen ti inaramidko.”

San Juan 1:46

“Adda aya naimbag a tumaud idiay Nazaret?” sinaludsod ni Natanael. “Umaymo kitaen,” insungbat ni Felipe.

San Juan 5:39

“Ad-adalenyo dagiti Sursurat agsipud ta ipagarupyo a masarakan kadagitoy ti biag nga agnanayon. Ket dagitoy met laeng a Sursurat ti agsao maipapan kaniak.

San Juan 7:41

Kinuna dagiti dadduma, “Isu ti Cristo!” Ngem adda met nagkuna, “Saan nga idiay Galilea ti paggapuan ti Cristo!

San Juan 9:34

“Nayanak ken dimmakkelka iti basol, dakam ket ti isuromon?” insungbatda kenkuana ket pinagtalawda iti sinagoga.