San Juan 7:39 - Ti Baro a Naimbag a Damag Biblia

³⁹ (Sinao daytoy ni Jesus maipapan iti Espiritu ti Dios a dandanin awaten dagiti namati kenkuana. Ta iti dayta a tiempo, saan pay a naited ti Espiritu, agsipud ta di pay naitan-ok ni Jesus.)

Ti Biblia (1973)

³⁹ Ngem sinaona daytoy a maipapan iti Espiritu nga awatento dagiti mamati kencuana, ta saan pay idi a naited ti Espiritu, ta ni Jesus saan pay idi a naipanayag.

San Juan 7:39 Iomraidhean Croise

Dagiti Salmo 68:18

Ikuyogna ti adu a balud a sumang-at iti nangato a disso. Umawat kadagiti sagut nga aggapu kadagiti nasukir a tattao. Agtaengto sadiay ti Apo a Dios.

Dagiti Proverbio 1:23

Ipangagdak no tubngarenkayo. Balakadankay iti naimbag, ket ipakaammok kadakayo ti adda kaniak a kinasirib.

Isaias 12:3

Kas iti mawaw a siraragsak a mangtako iti danum, kasta met dagiti tattao ti Dios no isalakanna ida.”

Isaias 32:15

Ngem ibaonto manen ti Dios ti espirituna kadatayo. Nadam-egto manen ti natikag a daga ket nawadwadto ti maapit kadagiti taltalon.

Isaias 44:3

“Ibuyatkonto ti danum iti namaga a daga; pataudekto dagiti karayan iti let-ang. Ibukbukkonto ti Espirituk kadagiti annakmo; bendisionakto dagiti kaputotam.

Joel 2:28

Kuna ti Apo: “Kalpasanna, ibuyatkonto ti Espirituk iti amin a tao. Ipakaammonto dagiti annakyo ti mensahek; agdarepdepto dagiti lallakayyo, ket agparmatanto dagiti lallaki nga agtutuboyo.

San Mateo 16:14

“Sika kano ni Juan a Mammuniag,” insungbatda. “Kuna met ti sumagmamano a sika ni Elias. Kuna pay dagiti dadduma a sika ni Jeremias wenno maysa kadagiti profeta.”

San Mateo 21:11

“Daytoy ni Jesus a profeta a taga-Nazaret idiay Galilea,” insungbat dagiti tattao.

San Lucas 24:49

Ita, ibaonko kadakayo ti inkari ni Amak. Dikayo ngarud pumampanaw iti siudad agingga iti maawatyo ti pannakabalin nga aggapu sadi langit.”

San Lucas 3:16

Kinuna ni Juan kadakuada: “Buniagankayo iti danum, ngem sumarsaruno kaniak ti maysa a dakdakkel ti pannakabalinna ngem siak. Diak pay maikari a mangwarwar iti sandaliasna. Buniagannakayto iti Espiritu Santo ken apuy.

San Lucas 7:16

Nagbuteng dagiti amin a tattao ket indaydayawda ti Dios. “Nagparang kadatayo ti maysa a naindaklan a profeta!” kinunkunada. “Immay ti Dios a mangisalakan kadagiti tattaona!”

San Juan 1:21

“Siasinoka ngarud?” sinaludsodda manen. “Sika kadi ni Elias?” “Saan,” insungbat ni Juan. “Sika kadi ti Profeta?” kinunada. “Saan,” insungbatna.

San Juan 1:25

Sinaludsodda ngarud kenkuana, “No saan a sika ti Cristo, wenno ni Elias, wenno ti Profeta, apay ngarud a mamumbuniagka?”

San Juan 1:33

Diak pay am-ammo idi no siasino, ngem ti Dios a nangibaon kaniak a mamuniag iti danum, kinunana kaniak, ‘Makitamto ti Espiritu a bumaba ken agdisso iti maysa a tao. Daytoy ti mamuniag iti Espiritu Santo.’

San Juan 12:16

Iti dayta a tiempo, saan a naawatan dagiti adalanna ti kaipapanan daytoy, ngem idi naitan-oken ni Jesus, nalagipda a naisurat maipapan kenkuana ket naaramid daytoy.

San Juan 12:23

Kinuna ni Jesus kadakuada, “Dimtengen ti oras a maitan-ok ti Anak ti Tao.

San Juan 14:13

Aramidekto ti aniaman a dawatenyo iti naganko tapno maitan-ok ti Ama babaen iti Anak.

San Juan 14:26

Ti Mammagbaga nga ibaonto ti Ama iti naganko, isu ti Espiritu Santo. Isuronakayto iti amin a banag ken ipalagipnanto dagiti amin nga imbagak kadakayo.

San Juan 16:14

Itan-oknakto, ta idanonnanto ti kayatko nga ibaga kadakayo.

San Juan 16:7

Ngem ibagak ti pudno kadakayo: Pagimbaganyo met laeng no pumanawak, ta no diak pumanaw, dinto umay kadakayo ti Mammagbaga. Ngem no pumanawak, ibaonkonto kadakayo.

San Juan 17:1

Kalpasan ti panangisao ni Jesus iti daytoy, timmangad sadi langit. “Ama,” kinunana, “dimtengen ti oras. Itan-okmo toy Anakmo tapno itan-oknaka met.

San Juan 17:5

Ama, itan-oknak ita iti imatangmo, kas iti panangitan-okmo kaniak idi addaak iti dennam sakbay a naparsua daytoy lubong.

San Juan 20:22

Idi masaonan daytoy, sinang-awanna ida ket kinunana, “Awatenyo ti Espiritu Santo.

San Juan 6:14

Idi makita dagiti tattao sadiay ti milagro nga inaramid ni Jesus, kinunada, “Awan duadua a daytoy ti Profeta nga umay ditoy lubong!”

San Juan 7:12

Adu ti saosao dagiti tattao maipapan kenkuana. Kinuna ti sumagmamano kadakuada, “Isu ket naimbag a tao.” “Saan,” kinuna met dagiti dadduma, “ta allilawenna dagiti tattao.”

San Juan 8:54

“No idaydayawko ti bagik a mismo,” insungbat ni Jesus, “awan serserbi dayta a pammadayaw. Ti mangidayaw kaniak isu ni Amak a kunayo a Diosyo.

Dagiti Aramid 19:2

“Inawatyo kadin ti Espiritu Santo idi nagbalinkayo a mamati?” sinaludsodna kadakuada. “Saan,” insungbatda. “Dimi pay nangnangngeg nga adda Espiritu Santo.”

Dagiti Aramid 2:17

‘Daytoy ti aramidekto kadagiti maud-udi nga aldaw, kuna ti Dios, Ibuyatkonto ti Espirituk iti sangkataoan. Ipakaammonto dagiti annakyo ti mensahek; Makakitanto iti sirmata dagiti agtutuboyo a lallaki; Ket agtagtagainepto dagiti lallakay kadakayo.

Dagiti Aramid 2:33

Naitan-ok iti makannawan ti Dios nga Amana ket inawatna kenkuana ti Espiritu Santo kas inkarina. Daytoy ti imbuyatna kas makitkita ken mangmangngegyo ita.

Dagiti Aramid 2:38

Kinuna kadakuada ni Pedro, “Agbabawikayo kadagiti basbasolyo. Pabuniagankayo iti nagan ni Jesu-Cristo tapno mapakawan dagiti basbasolyo ket awatenyonto ti sagut ti Espiritu Santo.

Dagiti Aramid 2:4

Iti kasta, napnoda amin iti Espiritu Santo ket nangrugida nga agsao iti nadumaduma a pagsasao, kas inted ti Espiritu kadakuada.

Dagiti Aramid 3:13

Ti Dios da Abraham, Isaac ken Jacob—ti Dios dagiti kapuonantayo—intan-okna ni Jesus nga adipenna, ni Jesus nga inyawatyo kadagiti agtuturay, ket linaksidyo iti saklang ni Pilato uray idi nalpasnan nga inkeddeng ti pannakawayawayana.

Dagiti Aramid 4:31

Nagunggon ti balay a naguummonganda kalpasan ti panagkararagda. Napnoda amin iti Espiritu Santo, ket situturedda a nangiwaragawag iti sao ti Dios.

Taga-Roma 8:9

Ngem saankayo nga agbibiag kas mayannurot iti lasag. Agbibiagkayo ketdi kas mayannurot iti Espiritu—no pudno nga agtaeng kadakayo ti Espiritu ti Dios. No awan kenka ti Espiritu ni Cristo, saannaka a tao ni Cristo.

2 Taga-Corinto 3:8

saan aya a dakdakkel pay ti dayag ti aramid ti Espiritu?

Taga-Efeso 4:30

Ket diyo pagleddaangen ti Espiritu Santo ti Dios, ta isu ti marka ti Dios iti panangtagikuana kadatayo, maysa a pammatalged a dumtengto ti Aldaw a panangwayawaya ti Dios kadatayo.