San Juan 7:37 - Ti Baro a Naimbag a Damag Biblia

³⁷ Iti maudi ken kangrunaan nga aldaw ti fiesta, nagtakder ni Jesus ket kinunana iti napigsa a timek, “Ti siasinoman a mawaw, umay kaniak tapno uminum.

Ti Biblia (1973)

³⁷ Idi camaudianan ken dackel nga aldaw ti rambac, ni Jesus nagtacder ket nagpuccaw a kinunana: No adda mawaw, umay caniac ket uminum.

San Juan 7:37 Iomraidhean Croise

Nehemias 8:18

Manipud iti umuna nga aldaw ti fiesta agingga iti maudi, inaldaw nga adda mabasa a paset ti Linteg ti Dios. Pito nga aldaw a nagrarambakda, ket iti maikawalo nga aldaw, adda naangay a seremonia a panggibus iti fiesta, kas mayannurot iti alagaden.

Dagiti Salmo 143:6

Ingatok dagiti imak nga agkararag kenka kasla natikag a daga toy kararuak a mawaw kenka.

Dagiti Salmo 42:2

Mawawak iti sibibiag a Dios; Kaanonto a mabalinko ti mapan agdaydayaw iti sangoananna?

Dagiti Salmo 63:1

O Dios, sika ti Diosko, ket mailiwak kenka, ti amin a kinataok tarigagayannaka. Wen, mawaw toy kararuak kenka a kas iti namaga, nautoyan ken natikag a daga.

Dagiti Proverbio 1:20

Denggem! Umaw-awag ti kinasirib kadagiti kalsada ken kadagiti plasa.

Dagiti Proverbio 8:1

Denggem! Umaw-awag ti Kinasirib. Agpukpukkaw iti pannakaawat.

Dagiti Proverbio 8:17

Ay-ayatek dagiti agayat kaniak, masarakannak ti mangsapul kaniak.

Dagiti Proverbio 8:3

Iti pagserkan ti siudad, iti abay dagiti ruangan, ipukkawna:

Dagiti Proverbio 9:3

Imbaonna dagiti katulonganna a babbai iti kangatoan a disso iti ili a mangipakaammo:

Kanta ni Solomon 5:1

“Addaak iti hardinko, ay-ayatek ken nobiak. Agal-alaak iti mirra ken balsamok; kankanek ti rara ken ti dirok, in-inumek ti arak ken gatasko.” “Mangan ken uminumkayo, agayan-ayat, agingga a mabartekkayo iti ayat!”

Isaias 12:3

Kas iti mawaw a siraragsak a mangtako iti danum, kasta met dagiti tattao ti Dios no isalakanna ida.”

Isaias 40:2

Paregtaenyo dagiti tattao ti Jerusalem. Ibagayo kadakuada nga umdasen ti nabayag a panagsagsagabada, ket napakawanen dagiti basbasolda. Naan-anay ti panangdusak kadakuada gapu kadagiti amin a basolda.”

Isaias 40:6

Adda timek a mangipukkaw, “Ipakaammom!” Saludsodek: “Ania ti ipakaammok?” “Ipakaammom a mayarig iti ruot ti amin a tao, agpautda a kas iti balang a sabong.

Isaias 44:3

“Ibuyatkonto ti danum iti namaga a daga; pataudekto dagiti karayan iti let-ang. Ibukbukkonto ti Espirituk kadagiti annakmo; bendisionakto dagiti kaputotam.

Isaias 55:1

Kuna ti Apo, “Umaykayo, dakay amin a mawaw— adtoy ti danum! Umaykayo, dakayo nga awan kuartana— gumatangkay iti taraon ket mangankayo! Umaykayo gumatang iti arak ken gatas— gumatangkay ngem awan ti bayadanyo.

Isaias 55:3

“Ipangagdak ita, dakay a tattaok, ket umaykayo kaniak; umaykayo ket maaddaankayto iti biag. Makitulagak kadakayo iti agnanayon a tulag, ket itedkonto kadakayo dagiti bendision nga inkarik ken ni David.

Isaias 58:1

Kuna ti Apo, “Agpukkawka iti amin a pigsam! Ipakaammom kadagiti tattaok nga Israelita dagiti basolda!

Jeremias 16:19

O Apo, sika ti mangsalaknib kaniak ken mangted iti pigsak. Tulongannak iti tiempo ti rigat. Umayto kenka dagiti nasion nga aggapu iti amin a paset ti daga ket kunada, “Pasig a sinan-dios ti adda kadagidi kapuonanmi. Awan ti adda kadakuada no di laeng dagiti awan serserbina nga imahen.

Jeremias 2:2

nga innak ipakaammo daytoy a mensahe kadagiti amin nga agnaed idiay Jerusalem: “Malagipko ti kinapudnom idi ubingka; malagipko met ti ayatmo kaniak idi kakaskasarta. Sinurotnak idiay let-ang, iti maysa a daga nga awan pay mulana.

Ezekiel 47:9

Sadinoman a pagayusan daytoy a karayan, maaddaan iti amin a kita ti animal ken ikan. Pasayaaten daytoy a danum ti raman ti danum ti Natay a Baybay. Mangted iti biag iti sadinoman a pagayusanna.

Levitico 23:36

Iti las-ud ti pito nga aldaw, inaldaw a mangidatagkayo iti daton a mapuoran. Iti maikawalo nga aldaw, aguummongkayo manen nga agdaydayaw ket mangidatagkay iti daton a mapuoran. Aldaw daytoy ti panagdaydayaw ket dikay agtrabaho iti uray ania. (

Levitico 23:39

Inton nalpasen ti panagapityo, pito nga aldaw a rambakanyo daytoy a fiesta a mangrugi iti maika-15 nga aldaw iti maikapito a bulan. Naisangsangayan nga aldaw a panaginana ti umuna ken maikawalo nga aldaw.

Mikias 6:9

Maibilang a kinasirib ti panagbuteng iti Apo. Aw-awaganna ti siudad. Kunana, “Dumngegkayo, dakayo a tattao a natipontipon iti siudad.

Zacarias 9:15

Salaknibanto ti Apo a Mannakabalin-amin dagiti tattaona, ket papatayendanto dagiti kabusorda. Kasdanto la nabartek nga agpukkaw iti paggugubatan, ket pagayusendanto ti dara dagiti kabusorda. Agayusto a kas iti dara ti sakrifisio a maibuyat iti rabaw ti altar manipud iti malukong.

Numero 29:35

Iti maika-8 nga aldaw, aguummongkayo nga agdaydayaw ket dikay agtrabaho.

San Mateo 11:28

“Umaykayo kaniak, dakayo amin a nabannog ken madagdagsenan, ket paginanaenkayo.

San Mateo 3:3

Ni Juan ti kayat a sawen ni profeta Isaias idi kinunana, “Idiay let-ang, adda mangipukpukkaw: ‘Isaganayo ti dalan ti Apo, Pasayaatenyo ti pagnaanna!’”

San Mateo 5:6

“Nagasat dagiti nasged ti tarigagayda a mangtungpal iti pagayatan ti Dios, ta mapnekdanto.

San Juan 1:23

Simmungbat ni Juan babaen iti panangibagana iti padto ni profeta Isaias: “Siak ti timek ti maysa nga agpukpukkaw iti let-ang: ‘Palintegenyo ti dalan a pagnaan ti Apo!’”

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

San Juan 4:10

“No ammom la koma ti sagut nga ited ti Dios ken no siasino ti dumawdawat kenka iti inumen, dumawatka koma kenkuana ket ikkannaka iti nabiag a danum,” insungbat ni Jesus.

San Juan 4:11

“Apo,” kinuna ti babai, “nauneg ti bubon ket awan met ti pagsakdum. Pangalaam ngarud iti nabiag a danum?

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

San Juan 5:40

Ngem diyo met kayat ti umay kaniak tapno agbiagkayo.

San Juan 6:35

Kinuna ni Jesus kadakuada, “Siak ti tinapay ti biag. Ti umay kaniak, dinto mabisinan, ket ti mamati kaniak, dinto mawaw.

San Juan 6:37

Umayto kaniak dagiti amin nga ited ni Amak. Ket ti umay kaniak, diakto pagtalawen.

San Juan 6:55

Ta ti lasagko ti napaypayso a taraon, ket ti darak ti napaypayso nga inumen.

San Juan 7:28

Idi madama a mangisursuro ni Jesus idiay Templo, kinunana iti napigsa a timek, “Pudno kadi nga am-ammodak? Ammoyo kadi ti naggapuak? Diak immay a naknakemko. Ti nangibaon kaniak isu ti pudno, ngem diyo am-ammo.

1 Taga-Corinto 10:21

Diyo mabalin nga inuman ti kopa ti Apo ket kalpasanna, inumanyo met ti kopa dagiti demonio. Diyo mabalin ti sumango iti panganan ti Apo ket kalpasanna, sumangokayo iti lamisaan dagiti demonio.

1 Taga-Corinto 10:4

Imminumda amin iti maymaysa a naespirituan a danum. Imminumda manipud iti naespirituan a bato a kimmuykuyog kadakuada. Ni Cristo dayta a bato.

1 Taga-Corinto 11:25

Kasta met a kalpasan ti pangrabii, innala ni Jesus ti kopa ket kinunana, “Daytoy ti kopa ti baro a tulag a napatalgedan babaen iti darak. Tunggal uminumkayo iti daytoy, aramidenyo a panglagip kaniak.”

1 Taga-Corinto 12:13

Kasta met kadatayo amin—Judio man wenno Hentil, tagabu man wenno siwawayawaya—nabuniagantayo a naikamang iti maymaysa a bagi babaen iti maymaysa nga Espiritu nga isu met laeng ti naited nga inumentayo.

Taga-Efeso 5:18

Dikay agbarbartek ta isut' pakadadaelanyo. Ikagumaanyo koma ketdi nga agtaeng kadakayo ti Espiritu.

Paltiing 21:6

Kinunana pay, “Natungpalen! Siak ti Alfa ken ti Omega, ti pangrugian ken ti panungpalan. Siasinoman a mawaw, ikkakto iti kalintegan nga uminum iti ubbog ti danum ti biag.

Paltiing 22:1

Impakita pay ti anghel ti karayan ti danum ti biag. Nalitnaw a kas kristal ti danumna nga agubbog manipud iti trono ti Dios ken ti Kordero.

Paltiing 22:17

“Umayka!” kuna ti Espiritu ken ti Babai a Maikallaysa. “Umayka!” kuna met ti amin a makangngeg iti daytoy. Umasideg ti siasinoman a mawaw. Awaten ti siasinoman a mayat ti danum ti biag a kas sagut.