San Juan 7:3 - Ti Baro a Naimbag a Damag Biblia

³ Daytoy ti gapuna a kinuna dagiti lallaki a kakabsat ni Jesus, “Pumanawka ditoy ket inka idiay Judea, tapno makita dagiti adalam dagiti trabaho nga ar-aramidem.

Ti Biblia (1973)

³ Kinunada ngarud kencuana dagiti cacabsatna: Pumanawca ditoy ket inca idiay Judea, tapno dagiti adalam makitada met dagiti aramidmo nga aramidem.

San Juan 7:3 Iomraidhean Croise

Genesis 37:20

“Patayentayo ket itappuaktayo ti bangkayna iti maysa kadagiti bubon. Ibagatayo a pinatay ti atap nga animal. Kitaentay man no ania ti pagbanagan dagiti tagtagainepna.”

Jeremias 12:6

Uray dagiti kakabsatmo, liniputandaka; dagiti kameng ti bukodmo a familia, tumiponda kadagiti mangdarup kenka. Dika agtalek kadakuada uray no nasayaat ti panagsaoda.”

San Mateo 12:46

Madama pay laeng nga agsasao ni Jesus kadagiti tattao idi sumangpet ni inana ken dagiti kakabsatna a lallaki. Nagyanda iti ruar ket kayatda ti makisao ken ni Jesus.

San Marcos 3:21

Apaman a nadamag daytoy dagiti kabagianna, napanda iti ayan ni Jesus tapno ipanawda. “Agmauyongen,” kunkuna ngamin dagiti tattao.

San Marcos 3:31

Simmangpet ti ina ken dagiti lallaki a kakabsat ni Jesus. Nagtatakderda iti ruar ket nangibaonda iti mangayab kenkuana.

San Lucas 8:19

Napan ken ni Jesus ni inana ken dagiti lallaki a kakabsatna, ngem dida makaasideg kenkuana gapu iti kaadu ti tao.

San Lucas 8:20

“Adda idiay ruar ni inam ken dagiti lallaki a kakabsatmo, ket kayatdaka a makita,” adda nagkuna ken ni Jesus.

San Juan 2:2

ket naawis met ni Jesus ken dagiti adalanna.

San Juan 6:60

Adu kadagiti adalanna ti nakangngeg iti daytoy. “Narikut unay daytoy a pannursuro,” kinunada. “Siasino ti umanamong iti sasawenna?”

San Juan 6:66

Gapu iti daytoy, pinanawan dagiti adu a pasurotna ket saandan a kimmuyog kenkuana.

San Juan 7:10

Napan met laeng nakifiesta ni Jesus idi nakapanen dagiti kakabsatna. Ngem saan a nagpadlaw a napan.

San Juan 7:4

Ta awan ti tao a mangilimed iti aramidna no tarigagayanna ti aglatak. Yantangay ar-aramidem dagitoy, ipakaammom ngarud ti bagim iti entero a lubong!” (

San Juan 7:5

Uray dagiti kakabsatna dida namati kenkuana.)

Dagiti Aramid 2:14

Timmakder ngarud ni Pedro ken dagiti 11 nga apostoles, ket kinunana iti napigsa a timek, “Padak a Judio ken kadakayo nga agnaed iti Jerusalem! Palubosandak a mangilawlawag iti kaipapanan daytoy.

1 Samuel 17:28

Nangngeg ni Eliab a kabsat ni David ti pannakisarsarita ti adingna kadagiti tattao. Nakapungtot ken ni David ket kinunana, “Apay nga addaka ditoy? Siasino itan ti mangay-aywan kadagiti karnero idiay let-ang? Kaska la kalaingan. Immayka laeng tapno umaymo buyaen ti gubat!”