San Juan 7:28 - Ti Baro a Naimbag a Damag Biblia

²⁸ Idi madama a mangisursuro ni Jesus idiay Templo, kinunana iti napigsa a timek, “Pudno kadi nga am-ammodak? Ammoyo kadi ti naggapuak? Diak immay a naknakemko. Ti nangibaon kaniak isu ti pudno, ngem diyo am-ammo.

Ti Biblia (1973)

²⁸ Ni Jesus ngarud a mangisursuro iti templo impigsana ti timecna a cuncunana: Amammodac ket ammoyo met ti naggapuac; ket saanac a naggapu caniac met laeng; ngem ti nangibaon caniac napudno, isu a dicay amammo.

San Juan 7:28 Iomraidhean Croise

Dagiti Salmo 9:10

Talkendaka, O Apo, dagiti makaammo kenka, dagiti agkamang kenka dimo baybay-an ida.

Jeremias 31:34

Saanton a masapul nga isuroda dagiti kaarruba ken kailianda a mangammo ken ni Yahweh. Ammodakto amin a tattao, natan-ok man wenno nanumo. Pakawanekto dagiti basolda, ket lipatekton dagiti dakes nga inaramidda. Siak, ni Yahweh, ti nagsao iti daytoy.”

Oseas 4:1

Adda pammabasol ti Apo kadagiti agnaed iti daga. Israel, dumngegka iti ibagana: “Awan kinapudno wenno panagiinnayat iti daytoy a pagilian ket saandak a bigbigen dagiti tattao a kas Dios.

Oseas 5:4

Gapu iti dakes nga inaramid dagiti tattao, saanda a makasubli iti Dios. Saanda a maikkat ti panagdaydayawda kadagiti didiosen ket dida bigbigen ni Yahweh.

San Mateo 11:27

“Inted kaniak ni Amak ti isuamin a banag. Awan ti makaam-ammo iti Anak no di laeng ti Ama. Awan met ti makaam-ammo iti Ama no di laeng ti Anak ken dagiti kayat ti Anak a pangipakaammoan kenkuana.

San Mateo 2:23

Nagtaeng iti ili a maawagan iti Nazaret. Iti kasta, natungpal ti kinuna dagiti profeta, “Maawaganto iti Nazareno.”

San Mateo 26:55

“Tulisanak aya, ta nagtagikampilan ken nagtagipang-orkayo nga umay mangtiliw kaniak?” kinuna ni Jesus kadagiti tattao. “Inaldaw nga agtugtugawak a mangisursuro idiay Templo ket didak tiniliw.

San Lucas 10:22

“Intalek kaniak ni Amak dagiti amin. Awan makaam-ammo iti Anak no di laeng ti Ama. Awan met makaam-ammo iti Ama no di laeng ti Anak ken dagiti kayat ti Anak a pangipakaammoan.”

San Lucas 2:11

Ita nga aldaw, ditoy ili ni David, naipasngay ti mangisalakan kadakayo—ni Cristo nga Apo!

San Lucas 2:39

Idi naaramiden da Jose ken Maria ti amin nga ipaannurot ti linteg ti Apo, nagsublida iti ilida a Nazaret idiay Galilea.

San Lucas 2:4

Agsipud ta nagtaud ni Jose iti kaputotan ni David, pimmanaw iti ili a Nazaret idiay Galilea, ket napan iti ili a Betlehem idiay Judea. Idiay Betlehem ti nakayanakan ni Ari David.

San Lucas 2:51

Nakikuyog ni Jesus kadakuada a nagawid idiay Nazaret, ket sadiay, nagbalin a natulnog nga anak. Sinalimetmetan amin dagitoy ni inana iti pusona.

San Juan 1:46

“Adda aya naimbag a tumaud idiay Nazaret?” sinaludsod ni Natanael. “Umaymo kitaen,” insungbat ni Felipe.

San Juan 10:36

No maipapan kaniak, pinilinak ti Ama ket imbaonnak ditoy lubong. Gapu ta kinunak a siak ti Anak ti Dios, kunayon a nagsaoak iti maikontra iti Dios?

San Juan 12:49

Wen, ta diak nagsao iti bukbukodko a turay no di ket imbilin ti Ama a nangibaon kaniak no ania ti sawek ken ibagak.

San Juan 14:10

Dimo kad patien nga addaak iti Ama ket ti Ama adda kaniak? Saan a naggapu kaniak dagiti insaok kadakayo. Ti Ama nga agtaeng kaniak, aramidenna dagiti aramidna.

San Juan 14:31

ngem masapul a maammoan ti lubong nga ayatek ti Ama. Dayta ti gapuna nga aramidek ti amin nga ibilinna kaniak. “Ala, umaykayon ket pumanawtayo ditoy.”

San Juan 16:3

Aramidendanto dagitoy kadakayo ta didak am-ammo, kasta met ti Ama.

San Juan 17:25

Nalinteg nga Ama, saannaka nga am-ammo ti lubong, ngem am-ammoka, ket ammoda nga imbaonnak.

San Juan 17:3

Ket ti biag nga agnanayon isu daytoy: ti pannakaammo dagiti tattao kenka, a sika ti kakaisuna a pudno a Dios, ken ti pannakaammoda ken ni Jesu-Cristo nga imbaonmo.

San Juan 3:2

Iti maysa a rabii, napan ni Nicodemo ken ni Jesus. “Rabbi,” kinunana, “ammomi a maysaka a maestro nga imbaon ti Dios. Awan ti makaaramid kadagitoy a milagro nga ar-aramidem malaksid no adda kenkuana ti Dios.”

San Juan 3:33

Ti siasinoman nga umawat iti mensahena, pasingkedanna a pudno ti Dios.

San Juan 5:32

Ngem adda sabali a mangpaneknek kaniak, ket ammok a pudno ti ibagana.

San Juan 5:43

Immayak iti turay ni Amak ngem didak inawat. Nupay kasta, no adda umay iti bukodna a turay, awatenyo.

San Juan 6:42

Kinunada, “Saan aya a daytoy ni Jesus nga anak ni Jose? Am-ammotayo ti ama ken inana. Apay ngarud a kunana ita a bimmaba manipud langit?”

San Juan 7:14

Iti katengngaan ti fiesta, napan nangisuro ni Jesus idiay Templo.

San Juan 8:14

“Uray no saksiak ti bukodko a bagi,” insungbat ni Jesus, “pudno ti ibagbagak ta ammok ti naggapuak ken ti papanak. Diyo ammo ti naggapuak ken ti papanak.

San Juan 8:16

Ngem no mangukomak, umno ti panangukomko, ta saan a sisiak ti mangukom no di ket kaduak pay ti Ama a nangibaon kaniak.

San Juan 8:19

“Sadino ti ayan ni amam?” sinaludsodda. “Saandak nga am-ammo,” insungbat ni Jesus, “ket diyo met am-ammo ni Amak. No am-ammodak koma, am-ammoyo met koma ni Amak.”

San Juan 8:26

No maipapan kadakayo, adu ti masaok ken babalawek. Ngem pudno ti nangibaon kaniak, ket ibagak iti lubong ti nangngegko kenkuana,” insungbat ni Jesus.

San Juan 8:42

“No agpayso met laeng nga amayo ti Dios,” kinuna ni Jesus, “ayatendak met koma; ta naggapuak iti Dios, ket ita, addaak ditoyen. Diak immay a naknakemko, no di ket imbaonnak ti Dios.

San Juan 9:29

Ammomi a nagsao ti Dios ken ni Moises. Ngem no maipapan iti dayta a tao, dimi pay ammo ti naggapuanna!”

Dagiti Aramid 17:23

Ta iti panagpasiarko iti siudadyo ken pannakakitak kadagiti disso a pagdaydayawanyo, nasarakak ti maysa nga altar a nakaisuratan ti kastoy: ‘Maipaay iti Dios a di Am-ammo.’ Nupay diyo am-ammo dayta a pagdaydayawanyo, isu ita ti ipakaammok kadakayo.

Taga-Roma 1:28

Agsipud ta di bigbigen dagita a tattao ti kinapudno maipapan iti Dios, binaybay-an ida ti Dios nga agpanunot iti dakes ken agaramid kadagiti saan a maiparbeng.

Taga-Roma 3:4

Saan! Napudno latta ti Dios, uray naulbod ti amin a tao. Kas kuna ti Nasantoan a Surat: “Masapul a maipakita a nalintegka no agsaoka, Masapul a mangabakka iti aniaman a pangidarumanda kenka.”

2 Taga-Corinto 1:18

Ngem kas iti kinapudno ti Dios, saan nga agbalbaliw a “Wen” ken “Saan” ti karimi kadakayo.

2 Taga-Corinto 4:6

Ti Dios a nagkuna, “Agraniag ti silaw manipud iti kasipngetan!” ket isu met laeng ti Dios a nangted iti silawna kadagiti pusomi tapno maammoanmi ti dayag ti Dios iti rupa ni Cristo.

Hebreo 6:18

Saan nga agbalbaliw dagitoy dua: ti kari ti Dios ken ti sapatana. Gapu kadagitoy, dinatayo mabalin nga ulboden ti Dios. Isut' gapuna a datayo a nagkamang kenkuana, mapapigsatayo nga agtalinaed a natibker iti namnama nga adda iti masangoanantayo.

1 Juan 5:10

Ngarud, siasinoman a mamati iti Anak ti Dios adda kenkuana daytoy a pammaneknek. Ngem ti di mamati iti Dios, pinagbalinna nga ulbod ti Dios, ta dina pinati ti pammaneknekna maipapan iti Anakna.

1 Samuel 2:12

Rinuker dagiti annak ni Eli. Saanda nga ikankano ni Yahweh