San Juan 7:27 - Ti Baro a Naimbag a Damag Biblia

²⁷ Inton umay ti Cristo, awan ti makaammo no sadino ti paggapuanna. Ngem ammotayo ti naggapuan daytoy a tao.”

Ti Biblia (1973)

²⁷ Ngem daytoy a tao, ammomi no adino ti naggapuanna: ngem ti Cristo, inton umay, awanto ti macaammo no adino ti paggapuanna.

San Juan 7:27 Iomraidhean Croise

Isaias 11:1

Addanto saringit a tumaud iti puon ni Jesse. Manipud iti ramutna, addanto sanga nga agbunga.

Isaias 53:8

Natiliw ken naikeddeng a madusa, ket naipanaw a mapapatay; awan ti nangay-ay iti gasatna. Napapatay gapu kadagiti basol ti sangkataoan.

Jeremias 23:5

Kuna ti Apo, “Umayen ti tiempo a panangpilik iti pagbalinek nga ari nga agtaud iti kaputotan ni David. Agturayto a sisisirib daytoy nga ari ket aramidennanto ti naimbag ken nalinteg iti entero a daga.

Jeremias 30:21

Agtaudto iti nasionda ti mangituray kadakuada, agtaudto ti prinsipeda kadagiti tattaoda. Ayabakto ket umasidegto kaniak, ta awan ti umay a saan a naawis. Isudanto dagiti tattaok, ket siakto ti Diosda. Siak, ni Yahweh, ti nagsao iti daytoy.”

Mikias 5:2

Kuna ti Apo, “Betlehem iti Efrata, sika ti maysa kadagiti kabassitan nga ili ti Juda. Ngem pataudek kenka ti maysa a mangituray iti Israel a nagtaud ti kapuonanna idi ugma.”

San Marcos 6:3

Saan aya nga isu ti karpintero nga anak ni Maria, ken kabsat da Santiago, Jose, Judas ken Simon? Saan aya nga agnanaed ditoy dagiti kakabsatna a babbai?” Dagitoy ti kinunkuna dagiti nagdengngeg kenkuana gapu iti siddaawda. Iti kasta, inumsida ni Jesus.

San Lucas 4:22

Dinayaw dagiti amin a tattao, ket nagsiddaawda kadagiti agkakapintas nga imbalikasna. Kinunada, “Saan aya nga isu ti anak ni Jose?”

San Juan 6:42

Kinunada, “Saan aya a daytoy ni Jesus nga anak ni Jose? Am-ammotayo ti ama ken inana. Apay ngarud a kunana ita a bimmaba manipud langit?”

San Juan 7:15

Kasta unay ti siddaaw dagiti Judio. “Naggapuan ngata ti adu unay nga ammo daytoy a tao, idinto ta di met nagad-adal a pulos?” kunkunada.

San Juan 9:29

Ammomi a nagsao ti Dios ken ni Moises. Ngem no maipapan iti dayta a tao, dimi pay ammo ti naggapuanna!”

Dagiti Aramid 8:33

Iti pannakairurumenna, naikkat ti kalinteganna. Awanto ti makaibaga maipapan iti kaputotanna, Ta naggibusen ti biagna ditoy daga.”