San Juan 7:23 - Ti Baro a Naimbag a Damag Biblia

²³ No maipalubos a makugit ti ubing iti Aldaw a Panaginana tapno saan a masalungasing ti Linteg ni Moises, apay a kaungetdak gapu ta pinaimbagko ti maysa a tao iti Aldaw a Panaginana?

Ti Biblia (1973)

²³ No ti tao awatenna ti pannacacugit iti aldaw a panaginana tapno ti linteg ni Moises saan a masalungasing, marurodcayo aya caniac agsipud ta pinaimbagco nga awan pagcuranganna ti maysa a tao iti aldaw a panaginana?

San Juan 7:23 Iomraidhean Croise

Exodo 31:14

Nasagradoan ti Aldaw a Panaginana ket masapul a ngilinenyo. Mapapatay ti saan a mangngilin iti aldaw a panaginana ket mapagtalaw ti siasinoman nga agtrabaho iti dayta nga aldaw.

San Mateo 12:10

Adda lalaki sadiay a paralitiko ti maysa nga imana. Ket gapu ta kayat ti sumagmamano a tattao sadiay nga idarum ni Jesus, sinaludsodda, “Iparit aya ti Lintegtayo ti panangagas iti Aldaw a Panaginana?”

San Mateo 12:2

Idi makita dagiti Fariseo daytoy, kinunada ken ni Jesus, “Kitaem, iparit ti Lintegtayo ti ar-aramiden dagiti adalam iti Aldaw a Panaginana.”

San Mateo 12:5

Wenno diyo aya nabasa iti Linteg ni Moises nga iti Aldaw a Panaginana saan a makabasol dagiti papadi iti uneg ti Templo nupay salungasingenda ti Linteg ti Panaginana?

San Juan 5:10

isut' gapuna a kinuna dagiti pangulo a Judio iti lalaki a napaimbag, “Maiparit nga awitem ti iddam iti Aldaw a Panaginana.”

San Juan 7:21

“Maysa a milagro ti inaramidko ket nasdaawkay amin,” kinuna ni Jesus.

San Juan 9:16

Kinuna ti sumagmamano a Fariseo, “Saan a naggapu iti Dios ti tao a nangaramid iti daytoy, agsipud ta dina annuroten ti paglintegan iti Aldaw a Panaginana.” Kinuna met ti dadduma, “Kasano ti pannakabalin ti maysa a managbasol nga agaramid kadagiti kakasta a nakaskasdaaw a pagilasinan?” Agsusupadi ti pampanunotda.