San Juan 7:15 - Ti Baro a Naimbag a Damag Biblia

¹⁵ Kasta unay ti siddaaw dagiti Judio. “Naggapuan ngata ti adu unay nga ammo daytoy a tao, idinto ta di met nagad-adal a pulos?” kunkunada.

Ti Biblia (1973)

¹⁵ Nasnasdaaw ngarud dagiti Judio, a cuncunada: Casano ti pannacaammo daytoy a tao cadagiti pagbasaan idin to a di nagadal?

San Juan 7:15 Iomraidhean Croise

Isaias 29:12

No itedmo iti tao a dina ammo ti agbasa ket dawatem a basaenna, kunananto a dina ammo ti agbasa.

San Mateo 13:54

ket nagsubli iti ilina. Nangisuro iti sinagogada ket nagsiddaaw dagiti nagdengngeg kenkuana. “Sadino ti nangalaanna iti kasta a sirib ken pannakabalin nga agaramid kadagiti milagro?” sinaludsodda.

San Mateo 22:22

Nasdaawda idi mangngegda daytoy, ket pinanawanda ni Jesus.

San Mateo 22:33

Idi mangngeg daytoy dagiti tattao, nasdaawda iti pannursurona.

San Lucas 2:47

Nagsiddaaw amin a nakangngeg kenkuana gapu kadagiti nainsiriban a sungbatna.

San Lucas 4:22

Dinayaw dagiti amin a tattao, ket nagsiddaawda kadagiti agkakapintas nga imbalikasna. Kinunada, “Saan aya nga isu ti anak ni Jose?”

San Juan 1:19

Nangibaon dagiti Judio a papangulo idiay Jerusalem iti sumagmamano a papadi ken Levita a mapan ken ni Juan tapno saludsodenda kenkuana, “Siasinoka?”

San Juan 7:11

Bayat ti fiesta, binirbirok dagiti pangulo a Judio. “Sadino ngata ti yanna?” kunkunada.

San Juan 7:13

Nupay kasta, awan ti nagsao a silalatak maipapan kenkuana ta mabutengda kadagiti papangulo a Judio.

San Juan 7:46

“Awan pay ti nagsao a kas iti panagsao daytoy a tao!” insungbat dagiti guardia.

Dagiti Aramid 26:24

Iti kasta a panangikalintegan ni Pablo iti bagina, binugkawan ni Festo a kunana, “Agmauyongka, Pablo. Pagmauyongennaka ti adu nga adalmo.”

Dagiti Aramid 4:13

Nasdaaw dagiti kamkameng ti Sanhedrin iti tured nga impakita da Pedro ken Juan, aglalo idi naammoanda a tattaoda laeng a gagangay ken awanan adal. Daytoy ti nakailasinanda a kadua ida idi ni Jesus.

1 Samuel 10:11

Nakita dagiti makaam-ammo nga agipadpadto ket nagsisinnaludsodda, “Ania ti napasamak ken ni Saul nga anak ni Kis? Nagbalin kadi metten a profeta?”