San Juan 6:57 - Ti Baro a Naimbag a Damag Biblia

⁵⁷ Imbaonnak ti sibibiag nga Ama, ket agbiagak met gapu kenkuana. Kasta met a ti mangan kaniak, agbiagto gapu kaniak.

Ti Biblia (1973)

⁵⁷ Cas ti Ama a sibibiag imbaonnac, ket agbiagac gapu iti Ama; casta met a ti mangan caniac, agbiagto gapu caniac.

San Juan 6:57 Iomraidhean Croise

Dagiti Salmo 18:46

Agbiag ti Apo! Madaydayaw ti salaknibko! Ipakaammoyo ti kinatan-ok ti nangisalakan kaniak.

Jeremias 10:10

Ngem sika, O Apo, ti pudno a Dios, sika ti sibibiag a Dios, ken ti agnanayon nga ari. No makapungtotka, agginggined ti daga; saan a maibturan dagiti nasion ti ungetmo. (

San Mateo 16:16

“Sika ti Cristo, ti Anak ti sibibiag a Dios,” insungbat ni Simon Pedro.

San Juan 14:19

Bassit laengen a tiempo ket dinakto makitan ti lubong, ngem dakayo, makitadakto. Ket gapu ta agbiagak, agbiagkayto met.

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

San Juan 17:21

Ikarkararagko nga agmaymaysada amin. Ama, addada koma kadata, a kas iti kaaddam kaniak ken iti kaaddak kenka. Agmaymaysada koma tapno patien ti lubong nga imbaonnak.

San Juan 3:17

Ta saan nga imbaon ti Dios ti Anakna ditoy lubong tapno ukomenna ti lubong, no di ket tapno isalakanna.

San Juan 5:26

Ta ti Ama met laeng ti pagtaudan ti biag. Pinagbalinna met ti Anakna a pagtaudan ti biag.

San Juan 6:29

“Daytoy ti kayat ti Dios nga aramidenyo: Patienyo ti imbaonna,” insungbat ni Jesus.

San Juan 6:38

Ta bimmabaak manipud langit tapno aramidek ti pagayatan ti nangibaon kaniak, saan a ti pagayatak.

1 Taga-Corinto 15:22

Kas iti ipapatay ti amin a tao gapu iti pannakipagmaymaysada ken ni Adan, kasta met ti panagungarto ti amin a tao gapu iti pannakipagmaymaysada ken ni Cristo.

1 Taga-Corinto 15:45

Ta kuna ti Nasantoan a Surat: “Ni Adan a kaunaan a tao, naparsua a naikkan iti biag.” Ngem ti maudi nga Adan, isu ti Espiritu a mangted iti biag.

2 Taga-Corinto 13:4

Ta uray no iti kinakapsut ti nakaigapuan ti ipapatayna iti krus, sibibiag babaen iti pannakabalin ti Dios. Iti pannakipagmaymaysami kenkuana, nakapuykami met ngem ti pannakilangenlangenmi kadakayo, makipagbiagkaminto kenkuana babaen iti pannakabalin ti Dios.

Taga-Galacia 2:20

Iti kasta, saanen a siak ti agbibiag, no di ket ni Cristo ti agbibiag kaniak. No kasano ti panagbiagko itan, agbiagak a maipaay iti pammati iti Anak ti Dios a nagayat kaniak ken nangted iti biagna gapu kaniak.

1 Taga-Tesalonica 1:9

Saritaen amin dagidiay a tattao ti panangawatyo kadakami idi simmarungkarkami kadakayo, ken ti panangtallikudyo kadagiti didiosen tapno agserbikayo iti napaypayso ken sibibiag a Dios.

Hebreo 9:14

Ngem ad-adda pay ti pannakabalin ti dara ni Cristo! Ta babaen iti agnanayon nga Espiritu, impaayna iti Dios ti bagina a kas daton nga awan pakapilawanna. Ti darana ti mangugas kadagiti konsensiatayo kadagiti awan serserbina a panagdaydayaw tapno aramidentayo ti pagayatan ti sibibiag a Dios.

1 Juan 4:9

Kastoy ti panangipakita ti Dios nga ay-ayatennatayo: Imbaonna ditoy lubong ti bugbugtong nga Anakna tapno maaddaantayo iti biag babaen kenkuana.