San Juan 6:27 - Ti Baro a Naimbag a Damag Biblia

²⁷ “Dikay agbannog gapu iti taraon a madadael. Agbannogkayo ketdi gapu iti taraon nga agpaut iti biag nga agnanayon. Daytoy ti taraon nga itedto kadakayo ti Anak ti Tao, ta inted ti Dios Ama kenkuana ti yaanamongna.”

Ti Biblia (1973)

²⁷ Agtrabajocayo, saan a gapu ti taraon a mapucaw, no di ket gapu iti taraon a mataginayon a maipaay iti biag nga agnanayon, nga itedto cadacayo ti Anac ti tao: ta isu pinanecnecan ti Ama a Dios.

San Juan 6:27 Iomraidhean Croise

Dagiti Salmo 2:7

Kuna ti ari, “Ipakaammok ti imbilin ti Apo. Kinunana kaniak, ‘Sika ti anakko, Ita nga aldaw, nagbalinak nga amam.

Dagiti Salmo 40:7

iti kasta kinunak, “Adtoyak. Adda dagiti bilbilinmo kaniak iti libro ti Linteg.

Dagiti Proverbio 9:5

“Umaykayo, kanenyo ti taraonko ket inumenyo ti tinemplak nga arak.

Eclesiastes 6:7

Aramiden ti maysa a tao ti amin a trabahona tapno adda laeng kanenna ngem awanto latta ti pannakapnekna.

Isaias 42:1

Kuna ti Apo, “Adtoy ti adipenko nga itan-okko— ti pinilik ken ti pakaay-ayoak. Intedko ti Espirituk kenkuana ket yegnanto ti hustisia kadagiti pagilian.

Isaias 55:2

Apay a gastosenyo ti kuartayo iti taraon a saan a makan? Apay a gastoenyo ti sueldoyo, ket kaskasdi nga awan pannakapnekyo? Denggendak ket aramidenyo ti ibagak tapno maramananyo ti kaimasan a makan.

Jeremias 15:16

Nagsaoka kaniak ket impangagko ti amin nga imbagam. Kukuanak, O Apo a Dios a Mannakabalin-amin, isut' gapuna a ti saom pinunnona ti pusok iti rag-o ken ragsak.

Habakuk 2:13

Agbambannog dagiti nasion a pinarmekmo iti awan serserbina, ket mauram dagiti amin a binangonda. Inaramid daytoy ni Yahweh a Mannakabalin-amin.

San Mateo 17:5

Agsasao pay laeng ni Pedro idi adda naraniag nga ulep a nanglinong kadakuada. Adda timek a naggapu iti ulep a nagkuna, “Daytoy ti Anakko a dungdungngoek ken pakaragsakak unay. Dumngegkayo kenkuana!”

San Mateo 25:46

Ngarud, dagitoyto ti mapan iti agnanayon a pannakadusa. Ngem mapanto dagiti nalinteg iti agnanayon a biag.”

San Mateo 3:17

Ket kinuna ti maysa a timek a naggapu sadi langit, “Daytoy ti dungdungngoek nga Anak a pakaragsakak unay.”

San Mateo 6:19

“Dikay agurnong iti kinabaknang nga agpaay kadakayo ditoy daga, ta ditoy dadaelen ti sanga ken lati, ket serken ken takawen dagiti mannanakaw.

San Mateo 8:20

Simmungbat ni Jesus kenkuana, “Adda rukib dagiti musang, ken adda umok dagiti tumatayab, ngem awan pagiddaan ken paginanaan ti Anak ti Tao.”

San Marcos 1:11

Adda maysa a timek a naggapu iti langit. “Sika ti Anakko a dungdungngoek,” kinunana. “Maay-ayoak unay kenka.”

San Marcos 9:7

Nagparang ti ulep a nanglinong kadakuada ket adda nangngegda a timek a naggapu iti ulep. Kinunana, “Daytoy ti Anakko a dungdungngoek. Dumngegkayo kenkuana.”

San Lucas 3:22

ket bimmaba kenkuana ti Espiritu Santo a kas maysa a kalapati. Adda timek a naggapu sadi langit. “Sika ti dungdungngoek nga Anakko,” kinunana. “Maay-ayoak unay kenka.”

San Lucas 9:35

Adda timek a naggapu iti ulep a nagkuna: “Daytoy ti Anakko, ti pinilik. Isu ti denggenyo.”

San Juan 10:28

Ikkak ida iti biag nga agnanayon, ket pulos a didanto matay. Awan ti makarabsut kadakuada kaniak.

San Juan 11:42

Ammok nga ipangagnak a kanayon, ngem kunak daytoy gapu kadagitoy a tattao tapno patienda nga imbaonnak.”

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

San Juan 15:24

Awan koma ti pakabasolanda no diak inaramid iti imatangda dagiti banag nga awan sabali a makaaramid. Ngem ita, nakitadan ti inaramidko ket guraendakami a dua ken ni Amak.

San Juan 17:2

Ta inikkam iti pannakabalin nga agturay kadagiti amin a tattao tapno ikkanna met iti biag nga agnanayon dagiti amin nga intedmo kenkuana.

San Juan 3:15

tapno agbiag nga agnanayon ti siasinoman a mamati kenkuana.”

San Juan 3:33

Ti siasinoman nga umawat iti mensahena, pasingkedanna a pudno ti Dios.

San Juan 6:40

Ta pagayatan ni Amak nga amin a makakita ken mamati iti Anak adda biagna nga agnanayon. Ket pagungarekto ida inton maudi nga aldaw.”

San Juan 6:47

“Ibagak kadakayo ti pudno: Ti mamati adda biagna nga agnanayon.

San Juan 6:51

Siak ti sibibiag a tinapay a naggapu sadi langit. No kanen ti siasinoman daytoy a tinapay, agbiagto nga agnanayon. Ket ti tinapay nga itedkonto isu ti lasagko. Wen, itedko tapno agbiag ti lubong.”

San Juan 6:53

“Ibagak ti pudno kadakayo,” kinuna ni Jesus kadakuada. “No saanyo a kanen ti lasag ken inumen ti dara ti Anak ti Tao, awan ti biag kadakayo.

San Juan 6:54

Ti mangan iti lasagko ken uminum iti darak, adda biagna nga agnanayon, ket pagungarekto inton maudi nga aldaw.

San Juan 6:58

Daytoy ti tinapay a naggapu sadi langit: Saan a kas iti tinapay a kinnan idi dagiti kapuonanyo ta natayda met laeng kalpasanna. Ti mangan iti daytoy a tinapay, agbiagto nga agnanayon.”

San Juan 6:62

Anianto la ketdin no makitayo ti Anak ti Tao nga umuli iti sigud a yanna?

San Juan 6:68

“Apo,” insungbat ni Simon Pedro, “siasino pay aya ti papananmi? Adda kenka dagiti sao a makaited iti biag nga agnanayon.

San Juan 8:18

Saksiak met laeng ti bukodko a bagi, ket saksiannak met ti Ama a nangibaon kaniak.”

Dagiti Aramid 10:38

“Ammoyo ti maipapan ken ni Jesus a taga-Nazaret, ken ti panangkonsagrar ti Dios kenkuana babaen iti pannangtedna kenkuana iti Espiritu Santo ken pannakabalin. Iti sadinoman a lugar a napanan ni Jesus, nagar-aramid iti naimbag ken nangpapaimbag kadagiti pinarparigat ti Diablo, gapu ta adda kenkuana ti Dios.

Dagiti Aramid 2:22

“Kakabsat nga Israelita, denggenyo dagitoy innak ibalikas! Nadiosan a panggep ti nakaibaonan ni Jesus a taga-Nazaret. Napaneknekan kadagiti milagro, datdatlag ken pagilasinan nga inaramid ti Dios babaen kenkuana. Ammoyo daytoy ta naaramidda iti imatangyo.

Taga-Roma 4:11

Naud-udi ti pannakakugitna, ket ti pannakakugitna ti mangpaneknek nga inawat ti Dios a kas nalinteg ni Abraham gapu iti pammatina sakbay a nakugit. Iti kasta, ni Abraham ti naespirituan nga ama dagiti amin a mamati iti Dios, ket awaten ti Dios a kas nalintegda uray pay no saanda a nakugit.

Taga-Roma 6:23

Ta patay ti supapak ti basol. Ngem biag nga agnanayon ti isagut ti Dios gapu iti pannakikaykaysatayo ken ni Cristo Jesus nga Apotayo.

1 Taga-Corinto 6:13

Kuna met ti sabali: “Agpaay ti taraon iti tian, ket ti tian, para iti taraon.” Pudno dayta. Ngem agpadpadadanto a gibusan ti Dios. Ta saan nga agpaay ti bagi iti immoralidad, no di ket iti Apo. Ket ti Apo agpaay met iti bagi.

1 Taga-Corinto 9:2

Uray no di bigbigen dagiti dadduma a maysaak nga apostol, awan duadua a dakayo, bigbigendak, ta ti kaaddayo iti sidong ti Apo ipaneknekna ti kinaapostolko.

2 Taga-Corinto 4:18

Ta dagiti banag a di makita ti kitaenmi, saan a dagiti makita. Apagbiit laeng ti banag a makita, ngem agpaut iti agnanayon ti banag a di makita.

Taga-Galacia 5:6

Ta iti pannakikaysami ken ni Cristo Jesus, awan paggiddiatan ti pannakakugit wenno saan a pannakakugit. Ti nasken ketdi, isu ti pammati nga agtrabaho babaen iti ayat.

Deuteronomio 30:13

Saan met nga adda iti ballasiw ti taaw. Saan a masapul a saludsodenyo, ‘Siasino ti mapan mangala iti ballasiw ti taaw tapno yegna kadakami ket mangngeg ken tungpalenmi?’

Taga-Filipos 2:13

Kankanayon ngamin nga agtrabaho ti Dios kadakayo tapno pagbalinennakayo a siaayat ken madadaan nga agtungpal iti panggepna.

Taga-Colosas 1:29

Tapno maaramid daytoy, agbannog ken agrigatak ket aramatek ti amin a bileg ken pannakabalin nga agtaud ken ni Cristo.

Taga-Colosas 2:22

Mayaplikar amin daytoy kadagiti bambanag nga agbalin nga awan serserbina apaman a mausarda. Pagalagadan ken pannursuro laeng ida ti tao.

Taga-Colosas 3:2

Panunotenyo dagiti adda sadiay, saan a dagiti adda ditoy daga.

1 Taga-Tesalonica 1:3

Ta tunggal agkararagkami iti Dios ken Amatayo, malagipmi no kasano ti panangipakitayo iti pammatiyo babaen iti panagbiagyo, ti gagetyo nga agtrabaho gapu iti ayat ken no kasano ti kinatibker ti namnamayo ken ni Apotayo a Jesu-Cristo.

2 Timoteo 2:19

Ngem natibker ken di magunggon ti fondasion nga impasdek ti Dios. Nailanad dagitoy a balikas: “Ammo ti Apo no siasino dagiti tattaona,” ken “Siasinoman nga agkuna a mamati iti Apo, masapul nga adaywanna dagiti dakes nga aramid.”

Hebreo 4:11

Masapul nga ikagumaantayo ti makagteng iti dayta a panaginana tapno awan ti uray maysa kadatayo a mapaay a kas kadakuada gapu iti kaawan ti pammatida.

Santiago 1:11

No nakangaton ti init, malanet ti mula iti makasinit a darang. Malaylay ti mula, maregreg ti sabongna, ket madadael metten ti pintasna. Kasta met ti pannakadadael ti nabaknang bayat ti panangas-asikasona kadagiti aramidna.

1 Pedro 1:24

Kas kuna ti Nasantoan a Surat: “Kasla ruot dagiti amin a tattao Ket mayarig kadagiti sabong ti dayagda, Magango ti ruot, ket maregreg ti sabongna

2 Pedro 1:17

Addakam idi iti sibayna idi maited kenkuana ti dayaw ken dayag a naggapu iti Dios Ama, idi kuna ti timek manipud iti Katan-okan a Dayag, “Daytoy ti Anakko a dungdungngoek a pakaragsakak unay!”