San Juan 6:20 - Ti Baro a Naimbag a Damag Biblia

²⁰ Ngem kinuna ni Jesus kadakuada, “Dikay agbuteng, siak ni Jesus!”

Ti Biblia (1973)

²⁰ Ngem isu cunana cadacuada: Siac; dicay agbuteng.

San Juan 6:20 Iomraidhean Croise

Dagiti Salmo 35:3

Isaganam ti gayang ken wasaymo, ket sarangtem dagiti kumamat kaniak! Ikarim kaniak nga isalakannak.

Isaias 41:10

Dikay agbuteng—addaak kadakayo! Siak ti Diosyo— diyo ipalubos nga adda mangbutbuteng kadakayo. Papigsaen ken tulongankayo; salakniban ken isalakankayo.

Isaias 41:14

Kuna ni Yahweh, “Israel, uray no bassit ken nakapuyka, saanka nga agbuteng ta tulonganka. Siak a Nasantoan a Dios ti Israel, siak ti mannubbotmo.

Isaias 44:8

Dikay agbuteng, dakay a tattaok! Ammoyo a manipud idi un-unana agingga ita, impakpakaunak dagiti amin a mapasamak, ket dakayo ti mangsaksi kaniak! Adda kadi sabali pay a Dios? Adda kadi mannakabalin a Dios a diak pay nadamdamag?”

San Marcos 16:6

Kinuna ti lalaki, “Dikay masdaaw! Ammok a sapsapulenyo ni Jesus a taga-Nazaret a nailansa iti krus. Awan ditoy. Napagungaren! Kitaenyo, adtoy ti disso a nangikabilanda kenkuana.

San Marcos 6:50

Nagbutengda a nakakita kenkuana. Ngem dagus a kinuna ni Jesus, “Dikay agbuteng! Siak ni Jesus. Dikay agdanag!”

San Juan 6:19

Nakapaggauden dagiti adalan iti aglima wenno innem a kilometro idi makitada ni Jesus a magmagna iti rabaw ti danum. Kasta unay ti butengda idi umas-asideg iti bangka.

San Juan 6:21

Siraragsakda a nangilugan kenkuana iti bangka. Iti apagbiit, simmangladda iti disso a papananda.