San Juan 6:14 - Ti Baro a Naimbag a Damag Biblia

¹⁴ Idi makita dagiti tattao sadiay ti milagro nga inaramid ni Jesus, kinunada, “Awan duadua a daytoy ti Profeta nga umay ditoy lubong!”

Ti Biblia (1973)

¹⁴ Dagiti tao idi makitada ngarud daydi pagilasinan nga inaramidna, kinunada: Kinapudnona a daytoy ti mammadto nga umay ditoy lubong.

San Juan 6:14 Iomraidhean Croise

Genesis 49:10

Ikutan ni Juda ti setro, agnanayon nga agturay dagiti kaputotanna. Yegto dagiti nasion dagiti sagut a pagbayadda kenkuana. Ket agtamedda a mangipakita iti panagtulnogda.

San Mateo 11:3

“Sika kadi ti umayto a kas inkaskasaba ni Juan, wenno agpadaankami iti sabali?” sinaludsodda kenkuana.

San Mateo 21:11

“Daytoy ni Jesus a profeta a taga-Nazaret idiay Galilea,” insungbat dagiti tattao.

San Lucas 24:19

“Ania a napaspasamak?” sinaludsod ni Jesus. “Dagiti naaramid ken ni Jesus a taga-Nazaret,” insungbatda. “Maysa a profeta daytoy a tao nga imbilang ti Dios ken amin a tattao a mannakabalin iti amin a sao ken aramidna.

San Lucas 7:16

Nagbuteng dagiti amin a tattao ket indaydayawda ti Dios. “Nagparang kadatayo ti maysa a naindaklan a profeta!” kinunkunada. “Immay ti Dios a mangisalakan kadagiti tattaona!”

San Juan 1:21

“Siasinoka ngarud?” sinaludsodda manen. “Sika kadi ni Elias?” “Saan,” insungbat ni Juan. “Sika kadi ti Profeta?” kinunada. “Saan,” insungbatna.

San Juan 11:27

“Wen, Apo,” insungbatna. “Patiek a sika ti Cristo, ti Anak ti Dios nga umay ditoy lubong.”

San Juan 2:11

Inaramid ni Jesus daytoy umuna a milagro idiay Cana, maysa nga ili ti Galilea. Impakitana ti dayagna sadiay, ket namati kenkuana dagiti adalanna.

San Juan 4:19

“Apo,” kinuna ti babai, “mabigbigko a profetaka.

San Juan 4:25

Kinuna kenkuana ti babai, “Ammok nga umayto ti Mesias a maawagan iti Cristo. Inton umay, ibagananto dagiti amin a bambanag.”

San Juan 4:42

Kinuna dagiti tattao iti babai, “Mamatikamin, saanen a gapu iti saom, ngem gapu ta dakami a mismo ti nakangngeg kenkuana, ket ammomi a pudno nga isu ti Mangisalakan iti lubong.”

San Juan 6:2

Simmurot kenkuana ti nakaad-adu a tattao, agsipud ta nakitada dagiti nakaskasdaaw nga inaramidna idi pinaimbagna dagiti masaksakit.

San Juan 6:26

“Ibagak kadakayo ti pudno: Sapsapulendak gapu ta nangankay iti tinapay ket nabsogkayo, saan a gapu ta nakitayo dagiti nakaskasdaaw nga aramidko,” insungbat ni Jesus.

San Juan 6:30

Kinunada ngarud kenkuana: “Ania ti maipakitam a milagro tapno mamatikami kenka? Ania ti aramidem?

San Juan 7:40

Adu kadagiti tattao a naitaripnong ti nakangngeg iti daytoy nga imbaga ni Jesus. “Pudno nga isu daytoy ti profeta!” kinunada.

Dagiti Aramid 7:37

Daytoy met la a Moises ti nagkuna kadagiti Israelita, ‘Mangibaonto ti Dios iti maysa a profeta nga agtaud iti pagilianyo a kas iti panangibaonna kaniak.’