San Juan 5:44 - Ti Baro a Naimbag a Damag Biblia

⁴⁴ “Agpipinnadayawkayo, ngem diyo met kalikaguman ti pammadayaw nga aggapu iti maymaysa a Dios. Kasano ngarud ti panamatiyo kaniak?

Ti Biblia (1973)

⁴⁴ Casano ti pannacabalinna a mamaticayo, nga awatenyo ti dayaw iti maysa ken maysa, ket dicay biruken ti dayaw nga aggapu iti maymaysa laeng a Dios?

San Juan 5:44 Iomraidhean Croise

2 Cronicas 6:8

Ngem kinuna ti Apo kenkuana, ‘Napintas ti tarigagaymo a mangipatakder iti templok

Jeremias 13:23

Masuktan aya ti nangisit a tao ti kolor ti kudilna? Maikkat aya ti leopardo ti labangna? Saan! No kasta ti mapasamak dakayo nga agar-aramid iti dakes masursuroyo met koma ti agaramid iti naimbag.

San Mateo 23:5

Aramidenda amin tapno madlaw dagiti tattao a relihiosoda. Kitaenyo ti kaakaba ti nakaisuratan dagiti paset ti Nasantoan a Surat nga adda kadagiti muging ken takiagda! Kitaenyo ti kagayad ti baruyboy dagiti kawesda!

San Lucas 19:17

“‘Nasayaat ti inaramidmo,’ kinuna ti ari. ‘Naimbagka nga adipen. Agsipud ta mapagtalkanka kadagiti babassit a bambanag, pagturayenkanto iti sangapulo a siudad.’

San Juan 12:43

Ad-adda nga ayatenda ti pammadayaw dagiti tattao ngem ti pammadayaw ti Dios.

San Juan 17:3

Ket ti biag nga agnanayon isu daytoy: ti pannakaammo dagiti tattao kenka, a sika ti kakaisuna a pudno a Dios, ken ti pannakaammoda ken ni Jesu-Cristo nga imbaonmo.

San Juan 3:20

Ti siasinoman nga agaramid iti dakes, kagurana ti lawag ket saan nga umasideg iti silaw agsipud ta dina kayat a maipakita dagiti dakes nga aramidna.

San Juan 5:41

“Diak sapulen a padayawandak dagiti tattao.

San Juan 8:43

Apay a diyo maawatan ti ibagbagak? Gapu ta diyo maibturan a denggen ti mensahek?

Taga-Roma 2:10

Ngem itedto ti Dios ti dayag, dayaw ken talna kadagiti amin nga agaramid iti naimbag, umuna kadagiti Judio kasta met kadagiti Hentil.

Taga-Roma 2:29

Ngem ti pudno a Judio, isu ti Judio iti uneg, kayatna a sawen, nakugit ti pusona babaen iti Espiritu ti Dios a saan ket a babaen iti naisurat a Linteg. Ti pannakaidaydayaw ti kasta a tao aggapu iti Dios, saan a kadagiti tattao.

Taga-Roma 2:7

Adda tattao a naanus nga agaramid iti naimbag tapno magun-odda ti dayag, dayaw ken biag nga awan patinggana. Itedto ti Dios kadakuada ti biag nga agnanayon.

1 Taga-Corinto 4:5

Ngarud, saankay a mangukom agingga iti dumteng ti naituding a tiempo. Wen, urayenyo ti yaay ti Apo ta isunto ti mangilatak kadagiti palimed ken mangibutaktak kadagiti panggep a naitalimeng iti puso ti tao. Ket awatento ti tunggal tao ti kaikarianna a pammadayaw nga aggapu iti Dios.

2 Taga-Corinto 10:18

Ta saan nga anamongan ti Dios dagiti tattao a mangidaydayaw iti bagida. Anamonganna laeng dagiti tattao nga idaydayawna.

Taga-Filipos 2:3

Dikay agaramid iti aniaman gapu iti kinaagum wenno kinapalangguad. Agpakumbabakayo ketdi iti maysa ken maysa ket diyo ipagarup a naim-imbagkayo ngem dagiti dadduma.

1 Taga-Tesalonica 2:6

Kasta met a dimi kinalikaguman ti panangdayaw ti siasinoman kadakami, dakayo man wenno dagiti sabsabali,

1 Timoteo 1:17

Iti agnanayon nga Ari a saan a matay ken saan a makita, isu a kakaisuna a Dios, maited koma ti dayaw ken dayag iti agnanayon nga awan inggana. Amen.

Hebreo 3:12

Kakabsatko iti pammati, agannadkayo tapno awan kadakayo ti agbalin a dakes ken awanan iti pammati ket laksidenna ti sibibiag a Dios.

Santiago 2:1

Kakabsatko, kas mamati ken ni Apotayo a Jesu-Cristo, ti nadayag nga Apo, awan koma ti idumdumayo.

1 Pedro 1:7

Nairanta dagitoy a pangpaneknek iti kinapudno ti pammatiyo. Uray pay ti balitok a madadael, magugoran iti apuy. Ket ti pammatiyo a napatpateg ngem balitok, masapul met a masuot tapno mataginayon. Iti kasta, awatenyonto ti dayaw, dayag ken tan-ok inton maiparangarang ni Jesu-Cristo.

1 Samuel 15:30

Kinuna ni Saul, “Pudno a nagbasolak. Ngem iti daytoy a gundaway, ipakitam koma ti panagraemmo kaniak iti imatang dagiti pangulo dagiti tattaok ken iti amin nga Israel. Kumuyogka koma kaniak nga agsubli tapno agdaydayawak iti Apo a Diosmo.”

1 Samuel 2:30

Siak, ni Yahweh a Dios ti Israel, ti nangikari idi iti familiam ken iti kaputotam nga agserbida kaniak a padi iti agnanayon. Ngem ita, ibabawikon! Ta raemek laeng dagiti agraem kaniak, ket umsiek met dagiti mangumsi kaniak.