San Juan 5:42 - Ti Baro a Naimbag a Damag Biblia

⁴² Ngem am-ammokayo ket ammok nga awan ayatyo iti Dios.

Ti Biblia (1973)

⁴² Ngem siac amammocayo nga awan cadacayo ti panagayat iti Dios.

San Juan 5:42 Iomraidhean Croise

San Lucas 16:15

Kinuna ni Jesus kadakuada, “Agparangkayo a kasla nalinteg iti imatang dagiti tattao. Ngem ammo ti Dios ti naguneg iti pusoyo. Ta dagiti ibilang ti tao a kas napateg awan kaes-eskanna iti imatang ti Dios.

San Juan 2:25

Saanna a masapul ti siasinoman a mangibaga kenkuana maipapan iti tao ta ammona a mismo ti panunot ken kababalin ti tao.

San Juan 21:17

Pinitlo ni Jesus a sinaludsod, “Simon nga anak ni Juan, ay-ayatennak kadi?” Nagliday ni Pedro gapu ta namitlon a sinaludsod ni Jesus kenkuana, “Ay-ayatennak kadi?” Kinuna ni Pedro, “Apo, ammom amin a banag. Ammom nga ay-ayatenka!” Kinuna ni Jesus kenkuana, “Aywanam dagiti karnerok.

San Juan 5:41

“Diak sapulen a padayawandak dagiti tattao.

San Juan 5:43

Immayak iti turay ni Amak ngem didak inawat. Nupay kasta, no adda umay iti bukodna a turay, awatenyo.

San Juan 5:44

“Agpipinnadayawkayo, ngem diyo met kalikaguman ti pammadayaw nga aggapu iti maymaysa a Dios. Kasano ngarud ti panamatiyo kaniak?

San Juan 8:42

“No agpayso met laeng nga amayo ti Dios,” kinuna ni Jesus, “ayatendak met koma; ta naggapuak iti Dios, ket ita, addaak ditoyen. Diak immay a naknakemko, no di ket imbaonnak ti Dios.

San Juan 8:47

Ti agtaud iti Dios, denggenna dagiti sao ti Dios. Ngem saankayo a nagtaud iti Dios, ket daytoy ti gapuna a dikay dumngeg.”

San Juan 8:55

Saanyo nga am-ammo, ngem am-ammok. No kunak a diak am-ammo, ulbodak a kas kadakayo. Ngem am-ammok ket tungpalek ti saona.

Taga-Roma 8:7

Iti kasta, no paiturayan ti tao iti kababalin ti kinatao, agbalin a kabusor ti Dios, ta saanna a tungpalen ti linteg ti Dios. Kinapudnona, saanna a matungpal daytoy a linteg.

1 Juan 2:15

Diyo ayaten ti lubong wenno uray ania nga adda iti lubong. No ayatenyo ti lubong, awan ti panagayatyo iti Ama.

1 Juan 3:17

No addaanka ket makitam ti maysa a kabsat a makasapul iti tulong ngem dika pulos mangrikna, kasano ti panagkunam nga ay-ayatem ti Dios?

1 Juan 4:20

Ulbod ti agkuna nga ay-ayatenna ti Dios ngem guraenna met ti kabsatna. Ta dina mabalin nga ayaten ti Dios a dina makita, no dina ayaten ti kabsatna a makitana.

Paltiing 2:23

Papatayekto met dagiti annakna tapno maammoan dagiti iglesia nga ammok ti panunot ken tarigagay dagiti tattao. Dusaekto ti tunggal maysa kadakayo, segun ti inaramidyo.