San Juan 5:39 - Ti Baro a Naimbag a Damag Biblia

³⁹ “Ad-adalenyo dagiti Sursurat agsipud ta ipagarupyo a masarakan kadagitoy ti biag nga agnanayon. Ket dagitoy met laeng a Sursurat ti agsao maipapan kaniak.

Ti Biblia (1973)

³⁹ Dacayo sukimatenyo dagiti Sursurat, agsipud ta pagarupenyo nga adda cadacuada ti biagyo nga agnanayon; ket dagitoy isuda ti mangpanecnec ti maipapan caniac;

San Juan 5:39 Iomraidhean Croise

Dagiti Salmo 1:2

Pagragsakanna ketdi ti Linteg ni Yahweh; aldaw-rabii a basbasaen ken ut-utobenna.

Dagiti Salmo 119:11

Idulinko dagiti lintegmo iti pusok tapno saanak nga agbasol kenka.

Dagiti Salmo 133:3

Kas iti linnaaw idiay Bantay Hermon nga agtinnag iti katurturodan ti Sion! Sadiay ti nangikarian ni Yahweh iti bendisionna— biag nga agnanayon awan inggana.

Dagiti Salmo 16:11

Isurom kaniak ti dalan nga agturong iti biag; ti kaaddam kaniak, punnoennak iti rag-o, ket ikkannak iti agnanayon a ragsak.

Dagiti Salmo 21:4

Nagkiddaw iti biag ket intedmo kenkuana, biag a napaut nga awan inggana.

Dagiti Salmo 36:9

Sika ti pagtaudan ti amin a biag, ket gapu iti silawmo, makitami ti lawag.

Dagiti Proverbio 6:23

Mayarig iti naraniag a silaw dagiti pannursuroda; isurodaka nga agbiag.

Isaias 34:16

Sukimatenyo ti libro ti Apo ket basaenyo ti kunana. Addanto amin dagitoy ket awanto ti uray maysa nga awan ti kaparehana. Kasta ti imbilin ti Apo, ket ti Espiritu met laeng ti mamagtitipon kadakuada.

Isaias 8:20

Kastoyto ti isungbatyo kadakuada, “Ipangagyo ti isursuro kadakayo ti Apo! Diyo ipangag dagiti makiuman kadagiti natay ta awan magunggonayo iti ibagada kadakayo.”

Jeremias 8:9

Naibabain dagiti mamasirib a tattaoyo; nariribuk ken nasiloanda. Dida inawat ti saok, ania ngarud ita ti sirib ti adda ita kadakuada?

Daniel 12:2

Adunto kadagiti natay ti agbiagto manen. Agbiagto iti agnanayon ti dadduma kadakuada, ket dagiti dadduma, iti agnanayon a pannakaibabain.

San Mateo 22:29

“Agbiddutkayo!” insungbat ni Jesus. “Diyo ngamin maawatan dagiti Nasantoan a Sursurat wenno ti pannakabalin ti Dios.

San Marcos 10:3

Simmungbat ni Jesus babaen ti maysa met a saludsod, “Ania kadi ti imbilin ni Moises kadakayo?”

San Marcos 12:10

Nabasayo kadin daytoy a paset ti Nasantoan a Surat? ‘Ti bato nga imbelleng dagiti agipatpatakder, Nagbalin a kangrunaan a bato.

San Lucas 16:29

“Ngem kinuna ni Abraham, ‘Adda ni Moises ken dagiti profeta a mamagbaga kadakuada. Masapul a dumngeg dagiti kakabsatmo iti saoda.’

San Lucas 16:31

“Ngem kinuna ni Abraham, ‘No dida denggen ni Moises ken dagiti profeta, didanto met la mamati, uray pay no adda agungar kadagiti natay.’”

San Lucas 24:25

“Nagnengnengkayon!” kinuna ni Jesus kadakuada. “Nagrigatkayo ketdin a mamati kadagiti sinao dagiti profeta!

San Lucas 24:27

Ket impalawagna kadakuada dagiti bambanag maipapan kenkuana kas masarakan kadagiti amin a Sursurat manipud kadagiti libro ni Moises ken dagiti sursurat dagiti amin a profeta.

San Lucas 24:44

Kalpasanna, kinunana kadakuada, “Dagitoy dagiti imbagbagak kadakayo idi addaak pay laeng iti arpadyo. Masapul a matungpal amin a naisurat maipapan kaniak iti Linteg ni Moises, kadagiti sursurat dagiti profeta, ken kadagiti Salmo.”

San Juan 1:45

Nasarakan ni Felipe ni Natanael ket kinunana kenkuana, “Nasapulanmi ti tao a sinarita ni Moises iti libro ti Linteg, ken dagiti Profeta. Isu ni Jesus a taga-Nazaret nga anak ni Jose.”

San Juan 5:32

Ngem adda sabali a mangpaneknek kaniak, ket ammok a pudno ti ibagana.

San Juan 5:36

Ngem adda agsaksi kaniak a nangnangruna ngem ni Juan. Isu dagiti aramidko nga impaaramid kaniak ti Ama. Dagitoy nga aramid ti mangipakita nga imbaonnak ti Ama.

San Juan 5:40

Ngem diyo met kayat ti umay kaniak tapno agbiagkayo.

San Juan 5:46

No agpayso met laeng a namatikayo ken ni Moises, pinatidak met koma, ta nagsurat iti maipapan kaniak.

San Juan 7:52

“Taga-Galileaka met kadi?” kinunada kenkuana. “Sukimatem dagiti Sursurat ket maammoamto nga awan a pulos ti profeta a tumaud idiay Galilea.”

Dagiti Aramid 13:27

Ta saan a nabigbig dagiti agnaed idiay Jerusalem ken dagiti panguloda a ni Jesus ti Mangisalakan. Dida met naawatan ti sao dagiti profeta a maibasbasa iti tunggal Aldaw a Panaginana. Ngem isuda met laeng ti nangipatungpal iti sao dagiti profeta idi inukomda ni Jesus.

Dagiti Aramid 17:11

Mannakaawat dagiti taga-Berea. Saanda a kas kadagiti taga-Tesalonica. Sigagagarda a nagdengngeg iti mensahe. Inaldaw nga adalenda dagiti Nasantoan a Sursurat tapno ammoenda no pudno met laeng ti sasawen ni Pablo.

Dagiti Aramid 26:27

Ari Agripa, mamatika kadi kadagiti profeta? Ammok a mamatika!”

Taga-Roma 1:2

Nabayagen nga inkari ti Dios daytoy Naimbag a Damag a nailanad kadagiti Nasantoan a Sursurat. Inaramatna dagiti profeta a nangipakaammo iti daytoy.

Taga-Roma 3:2

Adu la ketdi! Umuna, intalek ti Dios ti saona kadagiti Judio.

Deuteronomio 18:15

Mangpatanorto iti profeta a kas kaniak nga agtaud iti Israel. Masapul nga agtulnogkayo kenkuana.

Deuteronomio 18:18

Mangibaonakto iti profeta a kas kenka nga agtaud kadakuada. Ibagakto kenkuana ti isaona ket ibagananto met kadagiti tattao ti amin nga ibilinko.

Deuteronomio 29:29

“Adda dagiti palimed a saan nga impakaammo ti Apo a Diostayo. Ngem kukuatayo iti agnanayon, datayo ken dagiti kaputotantayo, dagiti naipakaammo a palimed tapno tungpalentayo dagiti amin nga alagaden daytoy a linteg.”

Deuteronomio 32:47

Saan nga ubbaw dagitoy a pannursuro. Isuda ti biagyo. Tungpalenyo ida ket napautto ti biagyo iti daga a sakupenyo iti ballasiw ti Jordan.”

Taga-Colosas 3:16

Agtalinaed koma kadagiti pusoyo ti mensahe ni Cristo iti amin a kinabaknangna. Agsisinnuro ken agbibinnalakadkayo iti amin a kinasirib. Agkantakayo kadagiti salmo, himno ken naespirituan a kankanta, a napno ti pusoyo iti panagyaman iti Dios.

Hebreo 11:16

Ngem tartarigagayanda ti nasaysayaat a lugar, kayatna a sawen, ti nailangitan a lugar. Isut' gapuna a saan a mabainan ti Dios no awaganda a Diosda agsipud ta insaganaanna ida iti maysa a siudad.

Hebreo 11:35

Inawat dagiti babbai dagiti napagungar a minatayda. Saan a kinayat dagiti dadduma ti mawayawayaan. Kinaykayatda ketdi ti maparparigat agingga a natayda tapno mapagungarda iti nasaysayaat a biag.

Josue 1:8

Laglagipem a basaen ken adalen ti libro ti Linteg iti aldaw ken rabii tapno maannurotmo amin a sagudayenna ket rumang-ay ken agballigikanto.

Paltiing 19:10

Nagpaklebak iti sakaananna tapno agdaydayawak kenkuana, ngem kinunana, “Dimo aramiden ti kasta! Adipenak met a kas kenka ken kas kadagiti kakabsatmo a nangpaneknek iti pudno maipapan ken ni Jesus. Ti Dios laeng ti pagdaydayawam!” Ta ti pammaneknek maipapan ken ni Jesus isu ti mangtignay kadagiti profeta.