San Juan 5:32 - Ti Baro a Naimbag a Damag Biblia

³² Ngem adda sabali a mangpaneknek kaniak, ket ammok a pudno ti ibagana.

Ti Biblia (1973)

³² Sabali ti mangpanecnec iti maipapan caniac; ket ammoc a ti panecnec a pangpanecnecna iti maipapan caniac pudno.

San Juan 5:32 Iomraidhean Croise

San Mateo 17:5

Agsasao pay laeng ni Pedro idi adda naraniag nga ulep a nanglinong kadakuada. Adda timek a naggapu iti ulep a nagkuna, “Daytoy ti Anakko a dungdungngoek ken pakaragsakak unay. Dumngegkayo kenkuana!”

San Mateo 3:17

Ket kinuna ti maysa a timek a naggapu sadi langit, “Daytoy ti dungdungngoek nga Anak a pakaragsakak unay.”

San Marcos 1:11

Adda maysa a timek a naggapu iti langit. “Sika ti Anakko a dungdungngoek,” kinunana. “Maay-ayoak unay kenka.”

San Lucas 3:22

ket bimmaba kenkuana ti Espiritu Santo a kas maysa a kalapati. Adda timek a naggapu sadi langit. “Sika ti dungdungngoek nga Anakko,” kinunana. “Maay-ayoak unay kenka.”

San Juan 1:33

Diak pay am-ammo idi no siasino, ngem ti Dios a nangibaon kaniak a mamuniag iti danum, kinunana kaniak, ‘Makitamto ti Espiritu a bumaba ken agdisso iti maysa a tao. Daytoy ti mamuniag iti Espiritu Santo.’

San Juan 12:50

Ket ammok a makaited iti biag nga agnanayon ti bilinna. Ngarud, no ania ti sawek, sawek ti imbilin kaniak ti Ama.”

San Juan 5:34

Saanko a masapul ti pammaneknek ti tao, ngem ibagak daytoy tapno maisalakankayo.