San Juan 5:30 - Ti Baro a Naimbag a Damag Biblia

³⁰ Intuloy ni Jesus: “Awan ti maaramidko iti bukodko a pannakabalin. Mangukomak laeng kas ibaga kaniak ti Dios, isut' gapuna a nalinteg ti panangukomko, ta saan a ti pagayatak ti aramidek, no di laeng ti pagayatan ti nangibaon kaniak.

Ti Biblia (1973)

³⁰ Awan ti pannacabalinco nga agaramid a sisiac iti uray ania; cas iti mangngegco, mangocomac, ket ti panangocomco nalinteg, ta diac sapulen ti nakemco, no di ket ti nakem ti nangibaon caniac.

San Juan 5:30 Iomraidhean Croise

Genesis 18:25

Awan duadua a dimo iraman a patayen dagiti awanan basol kadagiti adda basolna. Saan a mabalin nga aramidem ti kasta. No kasta ti aramidem, mairaman a madusa dagiti awan basolna kadagiti adda basolna. Masapul a nainkalintegan ti panangukom ti Hues iti entero a lubong.”

Dagiti Salmo 96:13

Inton umay ukomen ti Apo ti daga, nalinteg ken awan idumdumana iti panangukomna iti amin a tattao ditoy lubong.

Isaias 28:6

Ikkannanto dagiti ukom iti sirib tapno nalinteg ti ipaulogda a sentensia. Paturdennanto dagiti guardia tapno maparmekda dagiti kabusor a mangraut kadagiti ruangan ti siudad.

Sofonias 3:15

Impanawen ti Apo dagiti gumurgura kenka; inikkatna amin a kabusormo. Adda kenka ti Apo nga ari ti Israel; awan itan ti gapu ti pagbutngam.

San Mateo 26:39

Immadayo bassit sa nagpakleb iti daga ket nagkararag: “Ama, no mabalin, ilisinak iti daytoy a kopa ti panagsagaba. Nupay kasta, saan a ti pagayatak ti maaramid no di ket ti pagayatam.”

San Juan 14:10

Dimo kad patien nga addaak iti Ama ket ti Ama adda kaniak? Saan a naggapu kaniak dagiti insaok kadakayo. Ti Ama nga agtaeng kaniak, aramidenna dagiti aramidna.

San Juan 17:4

Indaydayawka ditoy daga. Lineppasko ti trabaho nga intedmo nga aramidek.

San Juan 18:11

Kinuna ni Jesus ken ni Pedro, “Ibalaymo ta bunengmo. Ipagarupmo kadi a diak inumen ti kopa ti panagsagaba nga inted kaniak ni Amak?”

San Juan 4:34

“Ti taraonko isut' panangtungpalko iti pagayatan ti nangibaon kaniak ken ti panangileppasko iti paaramidna,” kinuna ni Jesus kadakuada.

San Juan 5:19

Isut' gapuna a kinuna ni Jesus kadakuada, “Ibagak ti pudno kadakayo: Awan ti maaramid ti Anak a bukbukodna, no di laeng ti makitana nga ar-aramiden ti Ama. Ta ti aniaman nga aramiden ti Ama, aramiden met ti Anak.

San Juan 6:38

Ta bimmabaak manipud langit tapno aramidek ti pagayatan ti nangibaon kaniak, saan a ti pagayatak.

San Juan 8:28

Iti kasta, kinuna ni Jesus kadakuada, “Inton maibayogyo ti Anak ti Tao, maammoanyonton a ‘Siak’ ti ibagbagak. Kasta met nga awan ti aramidek a sisiak, ngem sawek laeng ti insuro kaniak ti Ama.

San Juan 8:42

“No agpayso met laeng nga amayo ti Dios,” kinuna ni Jesus, “ayatendak met koma; ta naggapuak iti Dios, ket ita, addaak ditoyen. Diak immay a naknakemko, no di ket imbaonnak ti Dios.

San Juan 8:50

Diak sapulen ti pakaidayawak. Ngem adda sabali a mangsapul iti dayta ket isunto ti ukom.

Taga-Roma 15:3

Ta ni Cristo saan a ti bukodna a bagi ti pinampanunotna, no di ket, kas kuna ti Nasantoan a Surat, “Pinadpadakesdaka dagiti tattao ngem iti kinapudnona, siak ti nagtinnagan dagiti pammadpadakesda.”

Taga-Roma 2:2

Ammotayo a nalinteg ti panangukom ti Dios kadagiti agaramid kadagitoy.

Taga-Roma 2:5

Ngem gapu ta natangken ti panagul-ulom ken nasukirka, nakarkaronto ti pannakadusam inton Aldaw a maiparangarang ti pungtot ti Dios ken ti nalinteg a panangukomna.