San Juan 5:25 - Ti Baro a Naimbag a Damag Biblia

²⁵ “Ibagak ti pudno kadakayo: Adtoyen ti tiempo a mangngeg dagiti natay ti timek ti Anak ti Dios, ket agbiagto dagiti makangngeg.

Ti Biblia (1973)

²⁵ Pudno, pudno, cunac cadacayo. Umay ti horas, ket adda itan, a dagiti natay mangngegdanto ti timec ti Anac ti Dios; ket dagiti agdengngeg, agbiagdanto.

San Juan 5:25 Iomraidhean Croise

San Lucas 15:24

Ta natay daytoy nga anakko, ngem nagungar. Napukaw ngem nasapulan met laeng.’ Ket nangrugin ti ramrambak.

San Lucas 15:32

Ngem masapul nga agrambak ken agragsaktayo, ta natay ti kabsatmo ngem nagungar. Napukaw ngem nasapulan met laeng.’”

San Lucas 9:60

Kinuna ni Jesus kenkuana, “Bay-am dagiti natay a mangipumpon kadagiti minatayda. Inka ketdi ikasaba ti Pagarian ti Dios.”

San Juan 13:1

Bisperas idi ti Fiesta ti Paskua. Ammo ni Jesus a dimtengen ti oras nga ipapanawna ditoy lubong ken isusublina iti Ama. Inay-ayatna dagiti tattaona ditoy lubong. Wen, ay-ayatenna ida agingga iti panungpalan.

San Juan 17:1

Kalpasan ti panangisao ni Jesus iti daytoy, timmangad sadi langit. “Ama,” kinunana, “dimtengen ti oras. Itan-okmo toy Anakmo tapno itan-oknaka met.

San Juan 4:21

“Babai,” kinuna ni Jesus, “patiem ti kunak nga umayto ti tiempo a saan a ditoy a bantay wenno idiay Jerusalem ti pagdaydayawan iti Ama.

San Juan 4:23

Ngem umasideg ti tiempo, ket dimtengen, a dagiti napaypayso nga agdaydayaw, daydayawendanto ti Ama iti espiritu ken kinapudno. Ta dagiti kakasta ti sapsapulen ti Ama nga agdayaw kenkuana.

San Juan 5:21

Ta kas iti panamagungar ti Ama kadagiti natay ket biagenna ida, kasta met a ti Anak ikkanna iti biag dagiti kayatna nga ikkan.

San Juan 5:28

“Diyo pagsiddaawan daytoy, ta umayen ti tiempo a dagiti amin a natay nga adda kadagiti tantanem mangngegdanto ti timekna,

San Juan 6:60

Adu kadagiti adalanna ti nakangngeg iti daytoy. “Narikut unay daytoy a pannursuro,” kinunada. “Siasino ti umanamong iti sasawenna?”

San Juan 8:43

Apay a diyo maawatan ti ibagbagak? Gapu ta diyo maibturan a denggen ti mensahek?

San Juan 8:47

Ti agtaud iti Dios, denggenna dagiti sao ti Dios. Ngem saankayo a nagtaud iti Dios, ket daytoy ti gapuna a dikay dumngeg.”

San Juan 9:27

“Imbagak la ngaruden kadakayo, ngem didak met patien,” insungbatna. “Apay a kayatyo manen a denggen? Kayatyo met kadi ti agbalin nga adalanna?”

Taga-Roma 6:4

Ngarud, idi nabuniagantayo, naikaduatayo ken ni Cristo a naitanem, ket nairanudtayo iti ipapatayna tapno, kas iti pannakapagungar ni Cristo babaen iti nakaskasdaaw a pannakabalin ti Ama, sumurottayo met koma iti baro a panagbiag.

Taga-Efeso 2:1

Adda idi tiempo a naibilangkayo a natay iti espiritu gapu ta sinukiryo ti Dios ket nagbasolkayo.

Taga-Efeso 2:5

isu nga uray nataytayo iti espiritu gapu iti kinasukirtayo, pinagbiagnatayo a mairaman ken Cristo. Insalakannakayo ti Dios gapu iti paraburna.

Taga-Efeso 5:14

Ta ti aniaman a maipalgak a silalawag agbalin a lawag. Daytoy ti gapuna a makunkuna, “Agriingka, sika a matmaturog, Bumangonka ken ni patay! Ket lawagannakanto ni Cristo.”

Taga-Colosas 2:13

Adda idi panawen a naibilangkayo a natay iti espiritu gapu ta managbasolkayo ken gapu ta saankayo a Judio, kayatna a sawen, awan ti linteg ni Moises kadakayo. Ngem ita, pinagungarnakayo ti Dios kas iti pinangpagungarna ken ni Cristo. Pinakawan ti Dios ti amin a basoltayo.

Paltiing 3:1

Ket kinunana kaniak, “Kastoy ti isuratmo iti anghel ti iglesia idiay Sardis: “Daytoy ti mensahe nga aggapu iti addaan kadagiti pito nga espiritu ti Dios ken kadagiti pito a bituen: Ammok dagiti aramidmo. Ammok nga agdindinamag a sibibiagka, ngem ti kinapudnona, nataykan!