San Juan 5:24 - Ti Baro a Naimbag a Damag Biblia

²⁴ “Ibagak ti pudno kadakayo: Ti siasinoman a dumngeg kadagiti saok ken mamati iti nangibaon kaniak, maaddaan iti biag nga agnanayon. Saanton a maukom, no di ket nalasatnan ni patay ket simreken iti biag.

Ti Biblia (1973)

²⁴ Pudno, pudno, cunac cadacayo: Ti dumngeg iti saoc ket patienna ti nangibaon caniac, adda biagna nga agnanayon; ket saanto nga umay iti pannacaocom, no di ket nanipud ken patay immalis iti biag.

San Juan 5:24 Iomraidhean Croise

San Mateo 25:46

Ngarud, dagitoyto ti mapan iti agnanayon a pannakadusa. Ngem mapanto dagiti nalinteg iti agnanayon a biag.”

San Marcos 16:16

Ti mamati ken mabuniagan, maisalakanto. Ngem ti di mamati, madusanto.

San Juan 11:26

Ket ti siasinoman nga agbiag ken mamati kaniak, pulos a dinto matay. Patiem daytoy?”

San Juan 12:44

Kinuna ni Jesus iti napigsa a timek, “Ti mamati kaniak, saan la a sisiak ti patienna, no di pay ket ti nangibaon kaniak.

San Juan 20:31

Dagiti nailanad iti daytoy a libro, naisuratda tapno mamatikayo a ni Jesus isu ti Cristo nga Anak ti Dios, ket babaen iti daytoy a pammati, maaddaankayo koma iti biag gapu kenkuana.

San Juan 3:16

Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.

San Juan 3:18

Saan a maukom ti siasinoman a mamati iti Anak. Ngem naukomen ti di mamati agsipud ta saan a namati iti Bugbugtong nga Anak ti Dios.

San Juan 3:36

Ti siasinoman a mamati iti Anak maaddaan iti biag nga agnanayon. Siasinoman a di agtulnog iti Anak, dinanto maragpat ti biag, no di ket agtalinaed kenkuana ti pannusa ti Dios.

San Juan 4:36

Matangdanan ti agani ket urnongenna ti apit para iti biag nga agnanayon. Iti kasta, agpadpada nga agragsak ti agmula ken ti agani.

San Juan 6:40

Ta pagayatan ni Amak nga amin a makakita ken mamati iti Anak adda biagna nga agnanayon. Ket pagungarekto ida inton maudi nga aldaw.”

San Juan 6:47

“Ibagak kadakayo ti pudno: Ti mamati adda biagna nga agnanayon.

San Juan 6:50

Ngem saan a matay ti uray siasino a mangan iti tinapay nga aggapu sadi langit.

San Juan 6:51

Siak ti sibibiag a tinapay a naggapu sadi langit. No kanen ti siasinoman daytoy a tinapay, agbiagto nga agnanayon. Ket ti tinapay nga itedkonto isu ti lasagko. Wen, itedko tapno agbiag ti lubong.”

San Juan 6:58

Daytoy ti tinapay a naggapu sadi langit: Saan a kas iti tinapay a kinnan idi dagiti kapuonanyo ta natayda met laeng kalpasanna. Ti mangan iti daytoy a tinapay, agbiagto nga agnanayon.”

San Juan 8:51

Ibagak ti pudno kadakayo: Dinto matay ti siasinoman a mangtungpal iti saok.”

Taga-Roma 8:1

Ngarud, saan a masentensiaan a madusa dagiti agbibiag ken ni Cristo Jesus.

1 Taga-Tesalonica 5:9

Saannatay a pinili ti Dios tapno agsagabatayo iti pungtotna, no di ket tapno magun-odtayo ti pannakaisalakan babaen ken ni Apotayo a Jesu-Cristo

1 Pedro 1:21

Gapu ta namatikayo kenkuana, nagtalekkay iti Dios a namagungar ken namagbalin kenkuana a mannakabalin unay. Naiturong iti Dios ti pammati ken namnamayo.

1 Pedro 1:5

Agpaay dagitoy kadakayo. Babaen iti pammati, aywanannakayo ti Dios agingga a dumteng ti pannakaisalakan a naisagana a maipaduyakyak iti kamaudianan a tiempo.

1 Juan 3:14

Ammotayo a pinanawantayo ni patay ket simrektayo iti biag. Ammotayo daytoy agsipud ta ay-ayatentayo dagiti kakabsattayo. Ti saan nga agayat, adda pay laeng ken ni patay.

1 Juan 5:1

Anak ti Dios ti siasinoman a mamati a ni Jesus isu ti Cristo, ket ti siasinoman nga agayat iti maysa nga ama, ayatenna met ti anak dayta nga ama.