San Juan 5:23 - Ti Baro a Naimbag a Damag Biblia

²³ tapno padayawan dagiti amin a tattao ti Anak a kas iti panangpadayawda iti Ama. Ti saan a mangpadayaw iti Anak, saanna met a padayawan ti Ama a nangibaon kenkuana.

Ti Biblia (1973)

²³ Tapno dagiti isu-amin padayawanda ti Anac a cas met iti panangpadayawda iti Ama. Ti saan a mangpadayaw iti Anac, saanna a padayawan ti Ama a nangibaon kencuana.

San Juan 5:23 Iomraidhean Croise

Dagiti Salmo 2:12

agrukbab kenkuana amangan no sumged lattan ti pungtotna ket pukawennakayo. Nagasat dagiti amin nga agkamang kenkuana.

Isaias 42:8

“Siak ni Yahweh, dayta ti naganko. Awan ti didiosen a mairanud iti dayagko; diak ipalubos dagiti imahen a mairaman iti pannakaidaydayawko.

Isaias 44:6

Kastoy ti kuna ti Apo a Mannakabalin-amin, ni Yahweh a mangituray ken mangsalaknib iti Israel: “Siak ti umuna ken siak ti maudi; awan sabali a Dios no di la siak.

Isaias 45:15

Ti Dios ti Israel, maysa a Dios a saan a makita; isalakanna dagiti tattaona.

Isaias 45:21

Umaykayo ket idatagyo dagiti kasoyo iti pangukoman, bay-anyo nga agiinnuman dagiti naidarum. Siasino ti nangipadto idi un-unana, a daytoyto ti mapasamak? Saan aya a siak, ni Yahweh, ti Dios a mangisalakan kadagiti tattaona? Awanen ti sabali a Dios, malaksid kaniak.

Zacarias 9:9

Agrag-okayo, tattao ti Sion, agrag-okayo! Agdir-ikay iti ragsak, tattao ti Jerusalem! Kitaenyo, umayen kadakayo ti ariyo! Umay a sibaballigi ngem napakumbaba; umay a nakasakay iti asno, iti urbon ti asno.

San Mateo 10:37

“Ti dakdakkel ti panagayatna iti amana wenno iti inana ngem ti panagayatna kaniak, saan a maikari nga agbalin nga adalak; ti dakdakkel ti panagayatna kadagiti annakna ngem ti panagayatna kaniak, saan a maikari nga agbalin nga adalak.

San Mateo 11:27

“Inted kaniak ni Amak ti isuamin a banag. Awan ti makaam-ammo iti Anak no di laeng ti Ama. Awan met ti makaam-ammo iti Ama no di laeng ti Anak ken dagiti kayat ti Anak a pangipakaammoan kenkuana.

San Mateo 12:21

Ket mangnamnamanto kenkuana dagiti amin a tattao.”

San Mateo 15:8

‘Kuna ti Dios, dagitoy a tattao kunkunada a dayawendak, Ngem adayo ti pusoda kaniak.

San Mateo 28:19

Inkay ngarud kadagiti amin a tattao iti amin a lugar, ket pagbalinenyo ida nga adalak: buniaganyo ida iti nagan ti Ama, ti Anak ken ti Espiritu Santo,

San Lucas 10:16

Kinuna ni Jesus kadagiti adalanna, “Ti siasinoman a dumngeg kadakayo, siak ti denggenna. Ngem ti saan nga umawat kadakayo, siak ti saanna nga awaten. Ket ti saan nga umawat kaniak, ti nangibaon kaniak ti saanna nga awaten.”

San Juan 14:1

Kinuna ni Jesus kadakuada: “Saankayo a madanagan ken mariribukan. Mamatikayo iti Dios, ken mamatikayo met kaniak.

San Juan 16:14

Itan-oknakto, ta idanonnanto ti kayatko nga ibaga kadakayo.

San Juan 17:10

Kukuam amin a kukuak ket kukuak met amin a kukuam. Ket maidaydayawak kadakuada.

Taga-Roma 1:7

Daytoy ti gapuna a nagsuratak kadakay amin nga adda dita Roma, dakayo nga ay-ayaten ken inayaban ti Dios nga agbalin a tattaona. Sapay koma ta parabur ken talna ti ited kadakayo ti Dios nga Amatayo ken ni Apo Jesu-Cristo.

Taga-Roma 15:12

Kuna pay ni Isaias, “Addanto umay nga agtaud iti kaputotan ni Jesse; Mapadakkelto a mangituray kadagiti Hentil, Ket isunto ti pangnamnamaanda.”

Taga-Roma 6:22

Ngem ita, nawayawayaankayon iti basol, ket tagabunakayon ti Dios. Nagun-odyo ti biag a naan-anay a naidaton kenkuana, ket biag nga agnanayon ti banagna.

Taga-Roma 8:9

Ngem saankayo nga agbibiag kas mayannurot iti lasag. Agbibiagkayo ketdi kas mayannurot iti Espiritu—no pudno nga agtaeng kadakayo ti Espiritu ti Dios. No awan kenka ti Espiritu ni Cristo, saannaka a tao ni Cristo.

1 Taga-Corinto 10:31

Daytoy ti sungbatko: No adda aniaman nga aramidenyo, mangan man wenno uminumkayo, aramidenyo a pakaidayawan ti Dios.

1 Taga-Corinto 16:22

Mailunod koma ti siasinoman a di agayat iti Apo! Maranatha—Umayka, Apomi!

1 Taga-Corinto 6:19

Diyo kadi ammo a ti bagiyo ket templo ti Espiritu Santo? Diyo kadi ammo nga agtaeng kadakayo daytoy nga Espiritu nga inted ti Dios? Saanyo a kukua ti bagiyo, no di ket kukua ti Dios.

2 Taga-Corinto 1:9

Kasla nasentensiaankami a matay. Ngem napasamak daytoy tapno saankami nga agpannuray iti bagimi, no di laeng iti Dios a mamagungar kadagiti natay.

2 Taga-Corinto 5:14

Iturayannakami ti ayat ni Cristo, ta mabigbigmi a natay ti maysa a tao nga agpaay iti amin, kayatna a sawen, nairaman ti amin a tattao iti ipapatay ni Cristo.

2 Taga-Corinto 5:19

Daytoy ti mensahemi: Nakikappia ti Dios iti amin a tattao babaen ken ni Cristo. Saan nga imbilang ti Dios dagiti basolda a maibusor kadakuada ket intalekna kadakami ti mensahe a mangibaga no kasano ti pannakikappiana kadakuada.

Taga-Efeso 6:24

Sapay koma ta adda ti parabur ti Dios kadagiti amin a di agressat ti panagayatna ken ni Apotayo a Jesu-Cristo.

2 Timoteo 1:12

Daytoy ti gapuna a sagsagabaek dagitoy. Ngem saanak a maupay, agsipud ta ammok no siasino ti pinatik ket awan duaduak a kabaelanna nga aywanan ti intalekna kaniak agingga iti dayta nga Aldaw.

Hebreo 1:6

Ngem kuna ti Dios idi dandanina ibaon ti inauna nga Anakna ditoy lubong, “Masapul nga agdaydayaw kenkuana dagiti amin nga angheles ti Dios.”

2 Pedro 1:1

Patgek a Kakabsat: Kablaawankayo, dakayo a naaddaan iti pammati a napateg kas iti pammati nga adda kadakami. Naawattayo ti maymaysa a pammati gapu ta nalinteg ti Dios ken ni Jesu-Cristo a Mangisalakan kadatayo. Sapay koma ta umad-adu ti paraburyo ken maikkankay iti talna iti pannakaammoyo iti Dios ken ni Jesus nga Apotayo. Naggapu kaniak daytoy a surat—ni Simon Pedro nga adipen ken apostol ni Jesu-Cristo.

2 Pedro 3:18

Dumur-askayo iti parabur ken pannakaammoyo ken ni Jesu-Cristo nga Apo ken Mangisalakan kadatayo. Itan-ok ken idaydayawtayo ni Cristo, ita agingga iti agnanayon! Amen.

1 Juan 2:23

Ta ti saan a mangbigbig iti Anak, saanna met a bigbigen ti Ama. Ti mangbigbig iti Anak, bigbigenna met ti Ama.

2 Juan 1:9

Ti siasinoman a saan nga agtalinaed iti pannursuro ni Cristo, awan kenkuana ti Dios. Ti agtalinaed iti pannursuro, adda kenkuana ti Ama ken ti Anak.