San Juan 5:20 - Ti Baro a Naimbag a Damag Biblia

²⁰ Ta ayaten ti Ama ti Anak ket ipakitana kenkuana ti amin nga ar-aramidenna. Ipakitana kenkuana dagiti aramid a daddadakkel pay ngem dagitoy, tapno agsiddaawkayo.

Ti Biblia (1973)

²⁰ Ta ti Ama ayatenna ti Anac, ket ipakitana kencuana dagiti amin nga aramidenna: ket ipakitananto kencuana dagiti dacdackel pay nga ar-aramid ngem dagitoy, tapno agsiddaawcayo.

San Juan 5:20 Iomraidhean Croise

San Mateo 11:27

“Inted kaniak ni Amak ti isuamin a banag. Awan ti makaam-ammo iti Anak no di laeng ti Ama. Awan met ti makaam-ammo iti Ama no di laeng ti Anak ken dagiti kayat ti Anak a pangipakaammoan kenkuana.

San Mateo 17:5

Agsasao pay laeng ni Pedro idi adda naraniag nga ulep a nanglinong kadakuada. Adda timek a naggapu iti ulep a nagkuna, “Daytoy ti Anakko a dungdungngoek ken pakaragsakak unay. Dumngegkayo kenkuana!”

San Mateo 3:17

Ket kinuna ti maysa a timek a naggapu sadi langit, “Daytoy ti dungdungngoek nga Anak a pakaragsakak unay.”

San Mateo 4:8

Impan ti Diablo iti nakangatngato a bantay ket impakitana kenkuana dagiti amin a pagarian ditoy lubong, agraman dayagda.

San Lucas 10:22

“Intalek kaniak ni Amak dagiti amin. Awan makaam-ammo iti Anak no di laeng ti Ama. Awan met makaam-ammo iti Ama no di laeng ti Anak ken dagiti kayat ti Anak a pangipakaammoan.”

San Juan 1:18

Awan pay ti nakakita iti Dios. Ti laeng Bugbugtong nga Anak, a kadua ti Ama, isu ti nangipakaammo kenkuana.

San Juan 10:32

“Adu ti naimbag nga aramid nga impaaramid kaniak ti Ama iti imatangyo,” kinuna ni Jesus kadakuada. “Ania kadagitoy ti gapu a panguboranyo kaniak?”

San Juan 14:12

Ibagak ti pudno kadakayo: Ti mamati kaniak, aramidennanto met dagiti aramidek; wen, dakdakkelto pay ngem dagitoy ti aramidenna ta innak iti Ama.

San Juan 15:15

Saankayon nga ibilang nga adipen, ta saan nga ammo ti adipen ti ar-aramiden ti apona. Ngem ibilangkayo a gagayyem ta impakaammok kadakayo ti amin a nangngegko ken ni Amak.

San Juan 17:26

Impakaammoka kadakuada, ket diak mamingga a mangipakaammo tapno ti ayatmo kaniak adda kadakuada ket addaak met kadakuada.”

San Juan 3:35

Ti Ama ayatenna ti Anakna ket impaimana kenkuana dagiti isuamin.

San Juan 5:21

Ta kas iti panamagungar ti Ama kadagiti natay ket biagenna ida, kasta met a ti Anak ikkanna iti biag dagiti kayatna nga ikkan.

San Juan 5:25

“Ibagak ti pudno kadakayo: Adtoyen ti tiempo a mangngeg dagiti natay ti timek ti Anak ti Dios, ket agbiagto dagiti makangngeg.

San Juan 5:29

agungardanto ket rummuarda kadagiti tantanemda. Agungarto a maipaay iti biag nga agnanayon dagiti nagaramid iti naimbag ngem agungarto a maipaay iti pannakadusa dagiti nagaramid iti dakes.”

2 Pedro 1:17

Addakam idi iti sibayna idi maited kenkuana ti dayaw ken dayag a naggapu iti Dios Ama, idi kuna ti timek manipud iti Katan-okan a Dayag, “Daytoy ti Anakko a dungdungngoek a pakaragsakak unay!”