San Juan 5:19 - Ti Baro a Naimbag a Damag Biblia

¹⁹ Isut' gapuna a kinuna ni Jesus kadakuada, “Ibagak ti pudno kadakayo: Awan ti maaramid ti Anak a bukbukodna, no di laeng ti makitana nga ar-aramiden ti Ama. Ta ti aniaman nga aramiden ti Ama, aramiden met ti Anak.

Ti Biblia (1973)

¹⁹ Simmungbat ngarud ni Jesus ket kinunana cadacuada: Pudno, pudno cunac cadacayo: Ti Anac saanna a mabalinan ti agbucbucod nga agaramid iti uray ania no di ket ti makitana nga aramiden ti Ama, ta amin nga aramiden ti Ama dagitoy ti Anac aramidenna met a casta.

San Juan 5:19 Iomraidhean Croise

Genesis 1:1

Idi punganay, pinarsua ti Dios ti lubong.

Genesis 1:26

Kalpasanna, kinuna ti Dios, “Ita, aramidentayo ti tao. Umaspingdanto kadatayo, ket kalanglangatayto ida. Iturayandanto dagiti ikan, dagiti tumatayab, ken amin nga animal a naamo ken naatap, dadakkel ken babassit.”

Dagiti Salmo 138:3

Impangagnak idi immawagak kenka, pinapigsanak ti bilegmo.

Dagiti Salmo 27:14

Agtalekka iti Apo: Mamatika ket dimo pukawen ti namnamam. Wen, agtalekka iti Apo!

Dagiti Salmo 50:6

Ibunannag ti langit a nalinteg ti Dios, ket isu met laeng ti ukom.

Exodo 4:11

Kinuna ni Yahweh kenkuana, “Siasino ti mangted iti ngiwat ti tao? Siasino ti adda pannakabalinna a mamagtuleng wenno mamagumel iti maysa a tao? Siasino ti mangted iti panagkitana wenno mamagbulsek kenkuana? Saan kadi a siak ni Yahweh?

Dagiti Proverbio 2:6

Ta ti Apo ti mangted iti kinasirib. Isut' pagtaudan ti ammo ken pannakaawat.

Isaias 44:24

“Siak ni Yahweh a namarsua ken mangisalakan kenka; siak ni Yahweh a namarsua iti isu amin a banag. Sisiak ti nangyukrad kadagiti langit; idi aramidek ti daga, awan timmulong kaniak.

Isaias 45:24

“Kunadanto a siak lat' pagtaudan ti balligi ken pigsa; ngem maibabainto amin a gumura kaniak.

Jeremias 17:10

Siak, ni Yahweh, ammok ti pampanunoten ti tao; sukimatek ti naguneg iti pusona. Supapakak ti siasinoman a tao, kas mayannurot iti panagbiagna, ket gunggonaak kas mayannurot iti aramidna.”

San Mateo 26:39

Immadayo bassit sa nagpakleb iti daga ket nagkararag: “Ama, no mabalin, ilisinak iti daytoy a kopa ti panagsagaba. Nupay kasta, saan a ti pagayatak ti maaramid no di ket ti pagayatam.”

San Lucas 21:15

Ta siakto met laeng ti mangted kadakayo kadagiti sao ken sirib a dinto masuppiat wenno masungbatan dagiti kabusoryo.

San Juan 10:18

Awan ti makaala iti biagko. Itedko kas pagayatak. Adda kalintegak a mangited iti biagko, ket adda met kalintegak a mangala met laeng. Daytoy ti imbilin ti Amak nga aramidek.”

San Juan 12:49

Wen, ta diak nagsao iti bukbukodko a turay no di ket imbilin ti Ama a nangibaon kaniak no ania ti sawek ken ibagak.

San Juan 12:50

Ket ammok a makaited iti biag nga agnanayon ti bilinna. Ngarud, no ania ti sawek, sawek ti imbilin kaniak ti Ama.”

San Juan 14:10

Dimo kad patien nga addaak iti Ama ket ti Ama adda kaniak? Saan a naggapu kaniak dagiti insaok kadakayo. Ti Ama nga agtaeng kaniak, aramidenna dagiti aramidna.

San Juan 2:19

“Rebbaenyo daytoy a Templo ket iti uneg ti tallo nga aldaw, bangonekto met laeng,” insungbat ni Jesus.

San Juan 3:3

“Ibagak kenka ti pudno,” kinuna ni Jesus. “Awan ti makakita iti Pagarian ti Dios malaksid no mayanak manen.”

San Juan 5:21

Ta kas iti panamagungar ti Ama kadagiti natay ket biagenna ida, kasta met a ti Anak ikkanna iti biag dagiti kayatna nga ikkan.

San Juan 6:38

Ta bimmabaak manipud langit tapno aramidek ti pagayatan ti nangibaon kaniak, saan a ti pagayatak.

San Juan 8:28

Iti kasta, kinuna ni Jesus kadakuada, “Inton maibayogyo ti Anak ti Tao, maammoanyonton a ‘Siak’ ti ibagbagak. Kasta met nga awan ti aramidek a sisiak, ngem sawek laeng ti insuro kaniak ti Ama.

San Juan 9:4

Masapul nga aramidentayo dagiti ipaaramid ti nangibaon kaniak ta aldaw pay. Dumteng ti rabii ket awan ti makatrabaho.

Dagiti Aramid 2:24

Ngem pinagungar ti Dios agsipud ta winayawayaanna manipud pannakabalin ni patay. Saan ngamin a mabalin nga iturayan ni patay.

Taga-Roma 6:4

Ngarud, idi nabuniagantayo, naikaduatayo ken ni Cristo a naitanem, ket nairanudtayo iti ipapatayna tapno, kas iti pannakapagungar ni Cristo babaen iti nakaskasdaaw a pannakabalin ti Ama, sumurottayo met koma iti baro a panagbiag.

Taga-Roma 8:11

No agtaeng kadakayo ti Espiritu ti Dios a namagungar ken ni Jesus, itedto met daytoy a namagungar ken ni Cristo ti biag kadagiti agrupsa a bagiyo babaen iti kaadda ti Espirituna kadakayo.

1 Taga-Corinto 15:12

Ita, yantangay ta ikaskasabami ti pannakapagungar ni Cristo, apay a kuna ti sumagmamano kadakayo a saan a mapagungar dagiti natay?

2 Taga-Corinto 4:14

Ammomi a ti Dios a nangpagungar ken ni Apo Jesus, pagungarennakaminto met a kas ken ni Jesus ket ikuyognatayto iti saklangna.

2 Taga-Corinto 5:10

Ta masapul a dumatagtay amin iti pangukoman ni Cristo tapno awatentayo ti rumbeng nga agpaay kadatayo, segun ti inaramidtayo, naimbag man wenno dakes, bayat ti panagbiagtayo.

Taga-Efeso 2:5

isu nga uray nataytayo iti espiritu gapu iti kinasukirtayo, pinagbiagnatayo a mairaman ken Cristo. Insalakannakayo ti Dios gapu iti paraburna.

Taga-Efeso 3:16

Iti kinabaknang ti gloriana, dawatek nga itedna kadakayo ti pannakabalin babaen iti Espirituna tapno bumileg ti akin-uneg a kinataoyo.

Taga-Filipos 3:21

Baliwannanto daytoy nakapuy ken matay a bagitayo. Pagbalinennanto a kas iti nagloriaan a bagina babaen iti isu met laeng a pannakabalin a mamagturay kenkuana iti amin a banag.

Taga-Filipos 4:13

Kabaelak a sarangten ti aniaman a banag babaen iti pannakabalin nga ited kaniak ni Cristo.

Taga-Colosas 1:11

Sapay koma ta mapakiredkayo babaen iti amin a pigsa nga aggapu iti nagloriaan a pannakabalinna, tapno maibturanyo a siaanus ken siraragsak ti uray aniaman a mapasamak.

Taga-Colosas 1:16

Ta babaen kenkuana, pinarsua ti Dios dagiti amin nga adda idiay langit ken ditoy daga, dagiti makita ken saan a makita agraman dagiti naespirituan a pannakabalin; trono, panagturay, kinatan-ok ken bileg. Pinarsua ti Dios ti entero a lubong babaen kenkuana ken maipaay kenkuana.

1 Taga-Tesalonica 4:14

Mamatitayo a natay ni Jesus ngem nagungar met laeng. Isut' gapuna a patientayo nga alaento ti Dios dagiti natay a nagtalinaed iti pammati tapno makipagyanda ken ni Jesus.

1 Pedro 3:18

Naminsan a natay ni Cristo a maipaay iti amin tapno mapakawan dagiti basbasoltayo. Natay ti nalinteg a tao gapu kadagiti nakillo tapno yasidegnakayo iti Dios. Napapatay iti bagi ngem napagungar iti espiritu,

Paltiing 2:23

Papatayekto met dagiti annakna tapno maammoan dagiti iglesia nga ammok ti panunot ken tarigagay dagiti tattao. Dusaekto ti tunggal maysa kadakayo, segun ti inaramidyo.