San Juan 5:17 - Ti Baro a Naimbag a Damag Biblia

¹⁷ Kinuna ni Jesus kadakuada, “Agtartrabaho ni Amak agingga ita, ket masapul met nga agtrabahoak.”

Ti Biblia (1973)

¹⁷ Ngem ni Jesus simmungbat cadacuada: Ni Amac agingga ita agar-aramid, ket agararamidac met.

San Juan 5:17 Iomraidhean Croise

Dagiti Salmo 65:6

Babaen iti pigsam, impasdekmo dagiti bantay a mangipakita iti nabileg a pannakabalinmo.

Isaias 40:26

Tumangadkayo iti tangatang! Siasino ti nangparsua kadagiti bituen a makitayo? Ti mangidalan kadakuada a kasla armada, ammona no mano ti bilangda, ket awaganna ti nagan ti tunggal maysa! Dakkel unay ti bileg ken pannakabalinna, awan ti mapukaw uray maysa kadakuada!

San Mateo 10:29

Iti maysa a sentimo makagatangkayo iti dua a sallapingaw. Nupay kasta, awan matnag uray maysa kadakuada no di ipalubos ni Amayo.

San Juan 10:36

No maipapan kaniak, pinilinak ti Ama ket imbaonnak ditoy lubong. Gapu ta kinunak a siak ti Anak ti Dios, kunayon a nagsaoak iti maikontra iti Dios?

San Juan 14:10

Dimo kad patien nga addaak iti Ama ket ti Ama adda kaniak? Saan a naggapu kaniak dagiti insaok kadakayo. Ti Ama nga agtaeng kaniak, aramidenna dagiti aramidna.

San Juan 5:16

Gapu iti daytoy, rinugianda nga indadanes ni Jesus agsipud ta nangpaimbag iti Aldaw a Panaginana.

San Juan 5:18

Gapu iti daytoy a saona, ad-adda manen ti pinget dagiti Judio a mangpapatay kenkuana ta saanna laeng a sinalungasing ti linteg ti Aldaw a Panaginana, ngem imbagana pay nga Amana ti Dios, ket iti kasta, impadana ti bagina iti Dios.

San Juan 9:4

Masapul nga aramidentayo dagiti ipaaramid ti nangibaon kaniak ta aldaw pay. Dumteng ti rabii ket awan ti makatrabaho.

Dagiti Aramid 14:17

Nupay kasta, dina impalubos nga awan pakakitaan iti kaaddana kadagiti aramidna a naimbag: Ikkannakay iti tudo manipud langit ken iti adu nga apit; ikkannakay iti taraon ken ragsak a mangpunno kadagiti pusoyo.”

Dagiti Aramid 17:28

ta kastay kunadan, ‘Agbiag, aggunay ken addatayo kenkuana.’ Kas iti kuna ti sumagmamano a mannaniwyo, ‘Ta uray datayo, annakna met.’

1 Taga-Corinto 12:6

Nadumaduma ti kabaelan nga agserbi, ngem isu met la a Dios ti mangted iti kabaelan ti tunggal maysa.

Taga-Colosas 1:16

Ta babaen kenkuana, pinarsua ti Dios dagiti amin nga adda idiay langit ken ditoy daga, dagiti makita ken saan a makita agraman dagiti naespirituan a pannakabalin; trono, panagturay, kinatan-ok ken bileg. Pinarsua ti Dios ti entero a lubong babaen kenkuana ken maipaay kenkuana.

1 Taga-Tesalonica 2:13

Adda pay sabali a gapu no apay a kanayon nga agyamankami iti Dios. Idi impakaammomi kadakayo ti mensahe ti Dios, inawatyo, saan a kas mensahe ti tao, no di ket kas pudno a mensahe ti Dios. Ket pudno nga aggapu iti Dios daytoy a mensahe. Ngamin, adda nga agtartrabaho ti Dios kadakayo a mamati.

Hebreo 1:3

Ti Anak ti mangipakita iti dayag ti Dios. Isu ti napaypayso a ladawan ti kinadiosna. Isu pay ti mangtartarawidwid iti amin a lubong babaen iti mannakabalin a saona. Kalpasan ti pananggun-odna iti pannakapakawan ti basol ti sangkataoan, nagtugaw sadi langit iti makannawan ti Kangatoan a Pannakabalin.