San Juan 5:10 - Ti Baro a Naimbag a Damag Biblia

¹⁰ isut' gapuna a kinuna dagiti pangulo a Judio iti lalaki a napaimbag, “Maiparit nga awitem ti iddam iti Aldaw a Panaginana.”

Ti Biblia (1973)

¹⁰ Kinuna ngarud dagiti Judio idi napaimbag: aldaw a panaginana ket di maipalubos kenca a bagcatem ti iddam.

San Juan 5:10 Iomraidhean Croise

Isaias 58:13

Kuna ti Apo, “No ibilangyo a nasagradoan ti Aldaw a Panaginana, ket diyo biroken ti bukodyo a pagimbagan iti dayta nga aldaw; no ipategyo ti nasantoan nga aldawko ket kas panangipakitayo iti panagdayawyo, dikay agbiahe, agtrabaho, wenno agsao iti awan kapapay-anna iti dayta nga aldaw,

Jeremias 17:21

Ibagam a no ilalaenda ti biagda, saanda nga agaw-awit iti aniaman iti Aldaw a Panaginana. Awan koma ti awitda a rummuar kadagiti ruangan ti Jerusalem.

Jeremias 17:27

Ngem masapul nga agtulnogda kaniak, ket ngilinenda ti Aldaw a Panaginana a kas nasagradoan nga aldaw. Saanda nga agawit iti uray ania nga iruar kadagiti ruangan ti Jerusalem iti dayta nga aldaw. Ta no saanda a tungpalen dagitoy, puorakto dagiti ruangan ti Jerusalem. Mauramto dagiti palasio ti Jerusalem, ket awanto ti makaiddep iti apuy.”

San Mateo 12:10

Adda lalaki sadiay a paralitiko ti maysa nga imana. Ket gapu ta kayat ti sumagmamano a tattao sadiay nga idarum ni Jesus, sinaludsodda, “Iparit aya ti Lintegtayo ti panangagas iti Aldaw a Panaginana?”

San Marcos 2:24

Sinaludsod dagiti Fariseo ken ni Jesus, “Kitaem, apay nga ar-aramiden dagiti adalam ti maisalungasing iti Aldaw a Panaginana?”

San Marcos 3:4

Ket sinaludsodna kadagiti tattao: “Ania ti ipalubos ti Linteg nga aramidentayo iti Aldaw a Panaginana? Tumulong wenno mangranggas? Mangispal iti tao wenno mangpatay?” Ngem nagulimekda.

San Lucas 13:14

Nakapungtot ti agturay iti sinagoga, gapu ta nangagas ni Jesus iti Aldaw a Panaginana ket kinunana kadagiti tattao, “Innem nga aldaw ti panagtrabahotayo. Ngarud, umaykayo agpaagas kadagita nga aldaw, a saan ketdi nga iti Aldaw a Panaginana!”

San Lucas 23:56

Kalpasanna, nagawidda ket insaganada dagiti bangbanglo ken sapsapo nga agpaay iti bangkay. Ket iti Aldaw a Panaginana, naginanada kas sagudayen ti Linteg.

San Lucas 6:2

Kinuna ti sumagmamano a Fariseo, “Apay nga aramidenyo ti iparit ti Lintegtayo iti Aldaw a Panaginana?”

San Juan 1:19

Nangibaon dagiti Judio a papangulo idiay Jerusalem iti sumagmamano a papadi ken Levita a mapan ken ni Juan tapno saludsodenda kenkuana, “Siasinoka?”

San Juan 5:11

“Imbaga ti tao a nangpaimbag kaniak a bagkatek ti iddak ket magnaak,” insungbat ti lalaki.

San Juan 5:15

Pimmanaw ti lalaki ket impakaammona kadagiti papangulo a Judio a ni Jesus gayam ti nangpaimbag kenkuana.

San Juan 5:16

Gapu iti daytoy, rinugianda nga indadanes ni Jesus agsipud ta nangpaimbag iti Aldaw a Panaginana.

San Juan 7:23

No maipalubos a makugit ti ubing iti Aldaw a Panaginana tapno saan a masalungasing ti Linteg ni Moises, apay a kaungetdak gapu ta pinaimbagko ti maysa a tao iti Aldaw a Panaginana?

San Juan 9:16

Kinuna ti sumagmamano a Fariseo, “Saan a naggapu iti Dios ti tao a nangaramid iti daytoy, agsipud ta dina annuroten ti paglintegan iti Aldaw a Panaginana.” Kinuna met ti dadduma, “Kasano ti pannakabalin ti maysa a managbasol nga agaramid kadagiti kakasta a nakaskasdaaw a pagilasinan?” Agsusupadi ti pampanunotda.