San Juan 4:46 - Ti Baro a Naimbag a Damag Biblia

⁴⁶ Kalpasanna, nagsubli ni Jesus iti ili a Cana idiay Galilea, ti lugar a namagbalinanna iti danum nga arak. Adda idi sadiay ti maysa nga ofisial ti gobierno a masakit ti anakna a lalaki idiay Capernaum.

Ti Biblia (1973)

⁴⁶ Immay ngarud manen ni Jesus idiay Cana ti Galilea, isu a namagbalinanna ti danum nga arac. Ket adda ti maysa a tao ti ari, a ti anacna adda idi a masakit idiay Capernaum.

San Juan 4:46 Iomraidhean Croise

Dagiti Salmo 50:15

No umay ti riribuk, awagannak; ispalenkanto ket idaydayawnakto.”

Dagiti Salmo 78:34

Tunggal adda dagiti papatayenna kadakuada, isu metten ti panagbirok kenkuana dagiti dadduma, agbabawida ket sipapasnekda nga agkararag kenkuana.

Oseas 5:15

“Panawakto dagiti tattaok agingga nga umdas ti panagsagabada gapu kadagiti basbasolda. Nalabit nga iti panagsagabada, ikagumaandakto a biroken.”

San Mateo 15:22

Napan kenkuana ti maysa a babai a taga-Canaan ken agnaed iti dayta a disso ket kinunana, “Apo, Anak ni David, kaasiannak kadi! Linuganan ti demonio ti anakko a babai ket marigatan unay.”

San Mateo 4:13

Saan a nagtaeng idiay Nazaret. Napan ketdi nagnaed idiay Capernaum, maysa nga ili iti igid ti Dan-aw ti Galilea, iti sakup dagiti daga ti Zabulon ken Neftali.

San Mateo 9:18

Madama a sarsaritaen ni Jesus daytoy kadakuada idi immasideg ti maysa a pangulo a Judio. Nagparintumeng iti sangoanan ni Jesus sana kinuna, “Kapatpatay ti anakko a balasitang. Umaymo kadi ipatay ta imam kenkuana ket agbiagto.”

San Lucas 4:23

Ngem simmungbat ni Jesus, “Awan duadua nga ibagayo kaniak daytoy a pagsasao: ‘Doktor, agasam ta bagim.’ Kunayo ngata pay: ‘Aramidem ditoy ilim dagiti nadamagmi nga inar-aramidmo idiay Capernaum.’”

San Lucas 7:2

Adda sadiay ti maysa a kapitan dagiti soldado ti Roma. Masakit ti patpatgenna unay nga adipen ket dandanin matay.

San Lucas 8:42

Dandani ngamin matay ti kakaisuna nga anakna a babai nga agtawen iti sangapulo ket dua. Idi magmagna ni Jesus, inaribungbongan dagiti tattao.

San Juan 2:12

Kalpasan daytoy, napan ni Jesus idiay Capernaum. Kaduana ni inana, dagiti kakabsatna a lallaki ken dagiti adalanna ket nagyanda sadiay iti sumagmamano nga aldaw.

San Juan 21:2

Adda sadiay da Simon Pedro, Tomas (a maaw-awagan iti “Singin”), Natanael (ti taga-Cana idiay Galilea), dagiti annak ni Zebedeo, agraman dua pay nga adalan ni Jesus.

Josue 19:28

Jebron, Rehob, Hammon, Cana agingga iti dakkel a Sidon.