San Juan 4:40 - Ti Baro a Naimbag a Damag Biblia

⁴⁰ Isut' gapuna nga idi napanda ken ni Jesus, indawatda a makipagyan kadakuada. Nagbati sadiay ni Jesus iti dua nga aldaw.

Ti Biblia (1973)

⁴⁰ Gapuna nga idi immay dagiti taga Samaria kencuana, inuyutanda nga agbati cadacuada: ket nagbati sadiay iti dua nga aldaw.

San Juan 4:40 Iomraidhean Croise

Genesis 32:26

Kinuna ti lalaki, “Ibbatannakon ta bumigaten.” “Dika palusposan no dinak umuna a bendisionan,” insungbat ni Jacob.

Dagiti Proverbio 4:13

Laglagipem a kankanayon ti inadalmo. Ti adalmo isut' biagmo—aluadam a naimbag.

Kanta ni Solomon 3:4

Idi makapanawakon iti ayan dagiti guardia, nasarakak ti kaayan-ayatko. Inarakupko ket diak pinalubosan agingga nga inyawidko iti balay ni inak, iti kuarto a nakaipasngayak.

Jeremias 14:8

Sika laeng ti namnama ti Israel, sika ti mangisalakan kadakami iti pakarigatanmi. Apay a kaska la ganggannaet iti dagami? Mayarigka iti agbibiahe nga agdagus laeng iti maysa a rabii.

San Lucas 10:39

Adda kabsatna nga agnagan Maria a nagtugaw iti sakaanan ti Apo ket nagdengngeg iti pannursurona.

San Lucas 24:29

Ngem inggawidda. “Makidaguskan kadakami,” kinunada, “ta sumipngeten.” Iti kasta, nakidagus kadakuada.

San Lucas 8:38

Nagpakpakaasi ken Jesus ti lalaki a nakapaksiatan dagiti demonio a makikuyog koma kenkuana. Ngem pinagawid ni Jesus a kunana:

San Juan 4:39

Adu a Samaritano iti dayta nga ili ti namati ken ni Jesus gapu ta kinuna ti babai: “Imbagana kaniak ti amin nga inar-aramidko.”

San Juan 4:41

Adu pay dagiti namati ken ni Jesus gapu iti insursurona.

San Juan 4:43

Kalpasan ti dua nga aldaw a panagyan ni Jesus idiay Samaria, pimmanaw ket napan idiay Galilea.

Dagiti Aramid 16:15

Nagbuniag ni Lydia ken dagiti kabbalayna. Kalpasanna, inawisnakam a kunana, “No namnamaenyo a mamatiak a sipupudno iti Apo, umaykay agdagus idiay balay.” Ket saankami a nakapagkedked.

Dagiti Aramid 8:8

Ket kasta unay ti rag-o dagiti tattao iti dayta a siudad.

Paltiing 3:20

Denggem, addaak nga agtatakder iti ruar ket agtuktuktokak iti ruangan. No adda makangngeg iti timekko ket luktanna ti ruangan, sumrekakto iti balayna ket agkalanglangkamto a mangan.