San Juan 4:36 - Ti Baro a Naimbag a Damag Biblia

³⁶ Matangdanan ti agani ket urnongenna ti apit para iti biag nga agnanayon. Iti kasta, agpadpada nga agragsak ti agmula ken ti agani.

Ti Biblia (1973)

³⁶ Ti agani umawat ti tangdan, ket agurnong ti bunga a maipaay iti biag nga agnanayon; tapno ti agmula ken ti agani aggiddanda nga agrag-o.

San Juan 4:36 Iomraidhean Croise

Dagiti Proverbio 11:18

Awan magangganab dagiti managdakdakes, ngem no agaramidka iti naimbag awan duadua a magunggonaanka.

Dagiti Proverbio 11:30

Biag ti ited ti kinalinteg, ngem babaen iti kinaranggas, maikkat ti biag.

Daniel 12:3

Agraniagto dagiti mamasirib a kas iti lawag ti langit. Aglawagto nga agnanayon a kas kadagiti bituen dagiti nangisuro kadagiti adu a tattao nga agaramid iti naimbag.”

San Mateo 19:29

Ket siasinoman a nangpanaw iti balay, kakabsat, nagannak, annak wenno dagdagana gapu kaniak, umawatto iti maminggasut a kaadu ket tawidennanto ti biag nga agnanayon.

San Juan 3:36

Ti siasinoman a mamati iti Anak maaddaan iti biag nga agnanayon. Siasinoman a di agtulnog iti Anak, dinanto maragpat ti biag, no di ket agtalinaed kenkuana ti pannusa ti Dios.

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

San Juan 5:24

“Ibagak ti pudno kadakayo: Ti siasinoman a dumngeg kadagiti saok ken mamati iti nangibaon kaniak, maaddaan iti biag nga agnanayon. Saanton a maukom, no di ket nalasatnan ni patay ket simreken iti biag.

Taga-Roma 1:13

Kakabsat, kayatko a maammoanyo koma a namin-adun a pinanggepko ti sumarungkar kadakayo ngem adda latta makalapped kaniak. Tarigagayak ngamin nga adda met koma mapasurotko kadakayo a kas iti kaadda dagiti Hentil a napasurotkon.

Taga-Roma 2:7

Adda tattao a naanus nga agaramid iti naimbag tapno magun-odda ti dayag, dayaw ken biag nga awan patinggana. Itedto ti Dios kadakuada ti biag nga agnanayon.

Taga-Roma 6:22

Ngem ita, nawayawayaankayon iti basol, ket tagabunakayon ti Dios. Nagun-odyo ti biag a naan-anay a naidaton kenkuana, ket biag nga agnanayon ti banagna.

Taga-Roma 6:23

Ta patay ti supapak ti basol. Ngem biag nga agnanayon ti isagut ti Dios gapu iti pannakikaykaysatayo ken ni Cristo Jesus nga Apotayo.

1 Taga-Corinto 9:17

No bukodko a nakem ti panangaramidko iti trabahok, namnamaek a matangdananak. Ngem aramidek a kas pagrebbengak agsipud ta inted kaniak ti Dios daytoy a trabaho.

1 Taga-Corinto 9:18

Ania ngarud ti tangdanko? Isu daytoy: ti gundawayko a mangikasaba iti Naimbag a Damag a diak patangdanan. Iti sabali a pannao, diak kalikaguman ti kalintegak a kas agserserbi iti ebanghelio.

1 Taga-Tesalonica 2:19

Awan sabali a namnamami no di dakayo. Dakayo ti ragsakmi. Dakayo ti korona ti balligi a pagpannakkelmi iti sangoanan ni Apotayo a Jesus inton umay manen.

1 Timoteo 4:16

Annadam ta bagim ken ti isursurom. Ipasnekmo nga aramiden dagitoy tapno maisalakanmonto ti mismo a bagim agraman dagiti dumngeg kenka.