San Juan 4:24 - Ti Baro a Naimbag a Damag Biblia

²⁴ Ti Dios ket Espiritu. Ngarud, dagiti agdaydayaw kenkuana masapul nga agdaydayawda iti Espiritu ken kinapudno.”

Ti Biblia (1973)

²⁴ Ti Dios maysa nga Espiritu; ket dagiti agdaydayaw kencuana, masapul nga agdaydayawda iti espiritu ken kinapudno.

San Juan 4:24 Iomraidhean Croise

Dagiti Salmo 145:18

Asideg ti Apo kadagiti amin nga umawag kenkuana; wen, kadagiti napudno nga agdawat iti tulongna.

Dagiti Salmo 50:23

Ti mangipaay iti sakrifisio mangted iti pannakapadayawko ket awan duadua a ti agtulnog kaniak isalakanko.”

Dagiti Salmo 51:17

O Dios, ti napakumbaba nga espiritu ti sakrifisiok kenka; dimonto laksiden ti puso a napakumbaba ken nagbabawi.

Dagiti Salmo 66:18

No diak inkankano dagiti basolko, saannak koma nga impangag ti Apo.

Isaias 57:15

“Siak ti nangato ken Nasantoan a Dios nga agbiag iti agnanayon. Agnaedak iti nangato ken nasantoan a lugar ngem makipagnaedak met kadagiti tattao a napakumbaba ken nakakaasi, tapno mapasublik ti panagtalek ken namnamada.

San Juan 4:23

Ngem umasideg ti tiempo, ket dimtengen, a dagiti napaypayso nga agdaydayaw, daydayawendanto ti Ama iti espiritu ken kinapudno. Ta dagiti kakasta ti sapsapulen ti Ama nga agdayaw kenkuana.

2 Taga-Corinto 1:12

Daytoy ti pagpasindayagmi: Paneknekan ti konsensiami a ti panagbiagmi ditoy lubong, nangruna ti pannakipulapolmi kadakayo, ket inturayan ti nadalus a panggep ken nadiosan a kinapudno, babaen iti pannakabalin ti parabur ti Dios, a saan a ti sirib ti tao.

2 Taga-Corinto 3:17

“Ti Apo” iti daytoy a paset, isu ti Espiritu, ket iti sadinoman a yan ti Espiritu ti Apo, adda wayawaya.

Taga-Filipos 3:3

Datayo, saan nga isuda, ti pudno a nakugit ta agdaydayawtayo iti Dios babaen iti Espirituna. Agrag-otayo ta ti biagtayo adda ken Cristo Jesus ket saantayo nga agtalek kadagiti seremonia.

1 Timoteo 1:17

Iti agnanayon nga Ari a saan a matay ken saan a makita, isu a kakaisuna a Dios, maited koma ti dayaw ken dayag iti agnanayon nga awan inggana. Amen.

1 Samuel 16:7

Ngem kinuna ni Yahweh kenkuana, “Dimo kitaen ti kinaguapo ken kinatayagna. Saan nga isu ti pinilik. Ti pagbatayak ket saan a ti pagbatayan ti tao. Kitaen ti tao ti akinruar a langa, ngem siak, kitaek ti puso.”