San Juan 4:23 - Ti Baro a Naimbag a Damag Biblia

²³ Ngem umasideg ti tiempo, ket dimtengen, a dagiti napaypayso nga agdaydayaw, daydayawendanto ti Ama iti espiritu ken kinapudno. Ta dagiti kakasta ti sapsapulen ti Ama nga agdayaw kenkuana.

Ti Biblia (1973)

²³ Ngem ti horas umay, ket adda itan, a dagiti pudno nga agdaydayaw agdaydayawdanto iti Ama iti espiritu ken iti kinapudno; ta ni Ama sapulenna dagiti cacasta nga agdaydayaw kencuana.

San Juan 4:23 Iomraidhean Croise

1 Cronicas 29:17

Ammok a suotem ti puso ti tunggal maysa ket maragsakanka kadagiti nalinteg a tattao. Napudno ken napasnekak a nangted amin kadagitoy kenka. Nakitak ti ragsak dagiti amin a tattaom a naummong ditoy a mangyeg kadagiti sagutda kenka.

Dagiti Salmo 147:11

Ngem maay-ayo kadagiti agbuteng kenkuana, kadagiti agtalek iti napudno nga ayatna.

Dagiti Salmo 17:1

Denggem, O Apo, ti asugko a mangtunton iti kalintegak; ti panagdawatko iti tulong imdengannak. Ipangagmo daytoy napudno a kararag.

Dagiti Salmo 32:2

Nagasat ti tao nga awan ti ipabasol ni Yahweh kenkuana, ket awan kinasikap a masarakan iti pusona.

Dagiti Salmo 51:6

Tarigagayam ti kinapudno ken nadalus a puso; punnoem ti panunotko iti siribmo.

Dagiti Proverbio 15:8

Maay-ayo ti Apo no agkararag dagiti naimbag, ngem kagurana dagiti daton nga idatag kenkuana dagiti managdakdakes.

Kanta ni Solomon 2:14

Arigmot' kalapati nga aglemlemmeng iti rengngat ti kabatoan. Kitaek man ti nalibnos a rupam, denggek man ti nasam-it a timekmo.

Isaias 10:20

Dumtengen ti tiempo a dinton agtalek dagiti nakalasat nga Israelita iti pagilian a dandani nangdadael kadakuada. Agtalekdanto a sipupudno iti Apo, ti Nasantoan a Dios ti Israel.

Isaias 29:13

Kinuna ti Apo, “Ibagbaga dagitoy a tattao nga agdaydayawda kaniak ngem barengbareng ti saoda ket adayo ti pusoda kaniak. Awan mamaay ti panagdaydayawda, ta alagaden ken linteg laeng ti tao ti inkabesada.

Isaias 43:21

Isuda dagiti tattao a pinarsuak nga agpaay kaniak— ket ikankantadanto ti pakaidaydayawak!”

Isaias 58:2

Inaldaw nga agdaydayawda kaniak. Kunada nga aggagarda a makaammo kadagiti dalanko ken mangtungpal kadagiti lintegko. Kunada nga ikkak ida kadagiti linteg nga awan idumdumana ken pagaayatda ti agdaydayaw kaniak.”

Jeremias 3:10

Kalpasan amin dagitoy, naginsusubli kaniak ti Juda, ti manangallilaw a kabsat ti Israel. Saanna nga impapuso ti panagsublina. Siak, ni Yahweh, ti nagsao iti daytoy.”

Jeremias 4:2

tumutopto ti panagsapatayo iti naganko. Iti kasta, dawatento dagiti amin a nasion a bendisionak ida, ket idaydayawdakto.”

Ezekiel 22:30

Nangbirokak iti makabael a mangbangon iti bakud ken mangtarimaan kadagiti narba a paset ti bakud ken mangikaluya iti daga inton dandani agdissuor ti pungtotko. Ngem awan ti nasarakak.

San Juan 1:17

Inted ti Dios ti Linteg babaen ken ni Moises, ngem immay ti parabur ken kinapudno babaen ken Jesu-Cristo.

San Juan 12:23

Kinuna ni Jesus kadakuada, “Dimtengen ti oras a maitan-ok ti Anak ti Tao.

San Juan 16:2

Pagtalawendakayto kadagiti sinagogada. Umayto ti tiempo nga ipagarup ti pumatay kadakayo nga aramidenna daytoy a kas pagrebbenganna iti Dios.

San Juan 16:32

“Umayen ti oras, ket dimtengen. Mawarawarakayto amin. Agawidto ti tunggal maysa iti balayna ket baybay-andakton nga agmaymaysa. Ngem iti kinapudnona, saanak nga agmaymaysa agsipud ta adda kaniak ti Ama.

San Juan 4:21

“Babai,” kinuna ni Jesus, “patiem ti kunak nga umayto ti tiempo a saan a ditoy a bantay wenno idiay Jerusalem ti pagdaydayawan iti Ama.

San Juan 5:25

“Ibagak ti pudno kadakayo: Adtoyen ti tiempo a mangngeg dagiti natay ti timek ti Anak ti Dios, ket agbiagto dagiti makangngeg.

San Juan 5:28

“Diyo pagsiddaawan daytoy, ta umayen ti tiempo a dagiti amin a natay nga adda kadagiti tantanem mangngegdanto ti timekna,

Taga-Roma 1:9

Masaksian ti Dios a pudno ti ibagbagak; wen, ti Dios a pagserserbiak iti amin a pusok babaen iti panangikaskasabak iti Naimbag a Damag maipapan iti Anakna. Ammo ti Dios a kanayon a silalagipak kadakayo

Taga-Roma 8:15

Ta saannakayo a pagbalinen a tagabu ti Espiritu nga inted ti Dios kadakayo. Saannakayo met a pagbutngen. Pagbalinennakayo ketdi nga annak ti Dios, ket babaen iti pannakabalin ti Espiritu, umawagtayo iti Dios a kunatayo, “Ama, O Amak!”

Taga-Roma 8:26

Kasta met nga iti kinakapuytayo, umaynatayo tulongan ti Espiritu. Ta ditay ammo ti umno a panagkararag. Ti Espiritu a mismo ti mangidawdawat kadatayo iti Dios kadagiti asug a di kabaelan nga ibalikas.

Taga-Galacia 4:6

Tapno maipakita nga annaknakayo ti Dios, imbaonna ti Espiritu ti Anakna iti puspusotayo. Daytoy ti Espiritu nga umawag iti “Ama! Tatangko!”

Taga-Efeso 6:18

Agkararagkayo bayat ti panangaramidyo kadagitoy ket iti panagkararagyo, dawatenyo a tulongannakayo ti Dios. Aniaman nga aramidenyo, agkararagkayo kas idalan ti Espiritu. Gapu iti daytoy, agsalukagkayo ket dikayo maupay. Kanayon nga idawdawatanyo dagiti amin a tattao ti Dios.

Taga-Filipos 3:3

Datayo, saan nga isuda, ti pudno a nakugit ta agdaydayawtayo iti Dios babaen iti Espirituna. Agrag-otayo ta ti biagtayo adda ken Cristo Jesus ket saantayo nga agtalek kadagiti seremonia.

Josue 24:14

“Ita,” intuloy ni Josue, “agbutengkayo ngarud iti Apo ket agserbikayo kenkuana a sipupudno ken iti amin a pusoyo. Iwaksiyo dagiti didiosen a nagdaydayawan dagidi kapuonanyo idiay Mesopotamia ken Egipto. Ti laeng Apo ti pagserbianyo.

1 Pedro 2:9

Ngem dakayo ti napili a puli. Papadikayo nga agserbi iti Dios nga Ari. Nasionkayo a nasantoan. Tattaonakayo ti Dios. Inruarnakayo iti kasipngetan ket impannakayo iti nakaskasdaaw a lawagna. Pinilinakayo a nangipakaammo kadagiti nakaskasdaaw nga aramidna.

1 Samuel 12:24

Agbutengkayo iti Apo ket agserbikayo a sipupudno kenkuana iti amin a pusoyo. Lagipenyo dagiti naindaklan a banag nga impaayna kadakayo.