San Juan 4:22 - Ti Baro a Naimbag a Damag Biblia

²² Dakayo a Samaritano, diyo ammo no siasino ti daydayawenyo. Dakami, ammomi ti daydayawenmi ta aggapu kadagiti Judio ti pannakaisalakan.

Ti Biblia (1973)

²² Agdaydayawcayo iti dicay ammo: agdaydayawcami iti ammomi, ta ti pannacaisalacan aggapu cadagiti Judio.

San Juan 4:22 Iomraidhean Croise

Genesis 49:10

Ikutan ni Juda ti setro, agnanayon nga agturay dagiti kaputotanna. Yegto dagiti nasion dagiti sagut a pagbayadda kenkuana. Ket agtamedda a mangipakita iti panagtulnogda.

ESDRAS 4:2

Napanda ngarud ken ni Zerubbabel ken kadagiti papangulo dagiti familia ket kinunada: “Tulongandakayo a mangbangon iti templo. Agdaydayawkam iti isu met laeng a Dios a pagdaydayawanyo. Nagidatdatagkami kenkuana kadagiti daton manipud imbaonnakami nga agnaed ditoy ni Esarhadon nga ari ti Asiria.”

Dagiti Salmo 147:19

Ipakaammona ti saona ken ni Jacob, dagiti alagaden ken paglinteganna iti Israel.

Dagiti Salmo 68:20

Dios a mangisalakan ti Diostayo; isu ti Apo nga Apotayo; ket iti patay, ispalennatayo.

Isaias 12:2

Ti Dios ti mangisalakan kaniak, agtalekak kenkuana ket awan pagbutngak. Ti Apo ti mangted iti bileg ken pigsak, wen, isu ti mangisalakan kaniak.

Isaias 12:6

Agpukkaw ken agkanta koma dagiti amin nga agnaed iti Sion! Naindaklan ti Nasantoan a Dios ti Israel, ket agnaed iti sidong dagiti tattaona.”

Isaias 2:3

ket kunanto dagiti tattaoda, “Sumang-attayo iti bantay ti Apo, intayo iti Templo ti Dios ti Israel. Isuronatayo ti kayatna nga aramidentayo; magnatay iti dalan a pinilina. Aggapu iti Jerusalem ti pannursuro ti Apo; manipud Sion agsao kadagiti tattaona.”

Isaias 46:13

Yasidegko ti aldaw ti panagballigi— saan unayen a mabayag. Saanto a mataktak ti panagballigik; isalakankonto ti Jerusalem, ket itedkonto ti dayaw ti Israel sadiay.”

Zacarias 9:9

Agrag-okayo, tattao ti Sion, agrag-okayo! Agdir-ikay iti ragsak, tattao ti Jerusalem! Kitaenyo, umayen kadakayo ti ariyo! Umay a sibaballigi ngem napakumbaba; umay a nakasakay iti asno, iti urbon ti asno.

San Lucas 24:47

Iti naganna, maikasabanto kadagiti amin a nasion, manipud Jerusalem, ti mensahe maipapan ti panagbabawi ken pannakapakawan dagiti basbasol.’

Dagiti Aramid 17:23

Ta iti panagpasiarko iti siudadyo ken pannakakitak kadagiti disso a pagdaydayawanyo, nasarakak ti maysa nga altar a nakaisuratan ti kastoy: ‘Maipaay iti Dios a di Am-ammo.’ Nupay diyo am-ammo dayta a pagdaydayawanyo, isu ita ti ipakaammok kadakayo.

Dagiti Aramid 17:30

Pinalabas ti Dios dagiti tiempo a di pannakaammo kenkuana ti tao. Ngem ita, bilinenna ti amin a tattao a tallikudanda ti kinadakesda.

Dagiti Aramid 3:26

Daytoy ti gapuna a pinili ti Dios ti Adipenna ket imbaonna nga immuna kadakayo tapno bendisionannakayo babaen iti panamagbabawina kadakayo kadagiti kinadakesyo.”

Taga-Roma 11:18

Dimo ngarud laisen dagiti nasip-ak a sanga. Apay nga agtangsitka? Maysaka laeng a sanga. Laglagipem a saan a sika ti mangtaraon iti ramut, no di ket sika ti taraonanna.

Hebreo 7:14

Nalawag a nagtaud ti Apotayo iti tribu ti Juda, ket awan ti nadakamat ni Moises maipapan iti daytoy a tribu idi nagsao maipapan kadagiti papadi.