San Juan 4:21 - Ti Baro a Naimbag a Damag Biblia

²¹ “Babai,” kinuna ni Jesus, “patiem ti kunak nga umayto ti tiempo a saan a ditoy a bantay wenno idiay Jerusalem ti pagdaydayawan iti Ama.

Ti Biblia (1973)

²¹ Cuna kencuana ni Jesus: Patiennac, babai, nga umay ti haras nga uray ditoy a bantay, uray idiay Jerusalem, dicayto agdaydayaw ken Ama.

San Juan 4:21 Iomraidhean Croise

Isaias 66:1

Kuna ti Apo, “Ti langit ti tronok ket ti daga ti pagbatayak. Ania ngarud a kita ti balay ti mabalinyo a bangonen nga agpaay kaniak? Ania a kita ti lugar ti mabalinyo nga isagana a pagnaedak?

Ezekiel 14:3

Kinunana, “Anak ti tao, inyawat dagitoy a tattao ti pusoda kadagiti imahen ket yaw-awan ida dagitoy a didiosen tapno agbasolda. Saanko ida a sungbatan iti pannakiumanda kaniak.

Ezekiel 20:3

Kinunana, “Anak ti tao, ibagam kadagitoy a panglakayen a kastoy ti kunak, ni Yahweh a Dios: ‘Immaykayo kadi tapno ammoenyo ti pagayatak? Iti naganko, siak a sibibiag a Dios, isapatak a diak ipalubos nga agsaludsodkayo kaniak.’” Daytoy ti kuna ti Apo a Dios.

Malakias 1:11

Agraem kaniak dagiti amin a tattao ditoy lubong. Iti sadinoman a disso, agpuorda iti insenso a maipaay kaniak ket agidatagda kadagiti makaay-ayo a daton. Isuda amin raemendak.

San Mateo 18:20

Ta no sadino ti ayan ti dua wenno tallo nga aguummong gapu iti naganko, addaak kaduada sadiay.”

San Mateo 28:19

Inkay ngarud kadagiti amin a tattao iti amin a lugar, ket pagbalinenyo ida nga adalak: buniaganyo ida iti nagan ti Ama, ti Anak ken ti Espiritu Santo,

San Lucas 21:24

Addanto dagiti mapapatay iti kampilan ket maipanto ti dadduma a kas balud kadagiti amin a pagilian. Baddebaddekento dagiti Hentil ti Jerusalem, agingga iti panagpatingga dagiti aldaw dagiti Hentil.”

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

San Juan 16:2

Pagtalawendakayto kadagiti sinagogada. Umayto ti tiempo nga ipagarup ti pumatay kadakayo nga aramidenna daytoy a kas pagrebbenganna iti Dios.

San Juan 16:32

“Umayen ti oras, ket dimtengen. Mawarawarakayto amin. Agawidto ti tunggal maysa iti balayna ket baybay-andakton nga agmaymaysa. Ngem iti kinapudnona, saanak nga agmaymaysa agsipud ta adda kaniak ti Ama.

San Juan 4:23

Ngem umasideg ti tiempo, ket dimtengen, a dagiti napaypayso nga agdaydayaw, daydayawendanto ti Ama iti espiritu ken kinapudno. Ta dagiti kakasta ti sapsapulen ti Ama nga agdayaw kenkuana.

San Juan 5:25

“Ibagak ti pudno kadakayo: Adtoyen ti tiempo a mangngeg dagiti natay ti timek ti Anak ti Dios, ket agbiagto dagiti makangngeg.

San Juan 5:28

“Diyo pagsiddaawan daytoy, ta umayen ti tiempo a dagiti amin a natay nga adda kadagiti tantanem mangngegdanto ti timekna,

Dagiti Aramid 6:14

Nangngegmi a kunana a rebbaen daytoy Jesus a taga-Nazaret ti Templo ket balbaliwanna dagiti ugali nga impatawid ni Moises kadatayo!”

Taga-Efeso 2:18

Gapu ken Cristo, mabalintay amin ti umasideg iti Ama, Judio man wenno Hentil, babaen iti maymaysa nga Espiritu.

Taga-Efeso 3:14

Daytoy ti gapuna nga agparintumengak iti sangoanan ti Ama a paggapuan ti pudno a nagan ti tunggal familia sadi langit ken ditoy daga.

1 Timoteo 2:8

Iti amin nga iglesia, tarigagayak nga agkararag dagiti lallaki. Masapul a napudnoda iti Dios ket masapul nga ingatoda ti imada bayat ti panagkararagda, nga awan pungtot wenno tarigagay a makisuppiat.

1 Pedro 1:17

Awan idumduma ti Dios. Ukomenna dagiti tattao kas mayannurot iti aramidda. Kunayo, “Amami” no agkararagkayo iti Dios. Ngarud, no kasta ti awagyo, masapul nga agbuteng ken agraemkayo kenkuana bayat ti panagbiagyo ditoy daga.

Paltiing 21:22

Nadlawko nga awan templo iti siudad agsipud ta ni Apo Dios a Mannakabalin-amin ken ti Kordero ti pannakatemplona.