San Juan 4:15 - Ti Baro a Naimbag a Damag Biblia

¹⁵ “Apo,” kinuna ti babai, “itedmo kaniak daytoy a danum tapno diakton mawaw wenno umay sumakdo ditoy.”

Ti Biblia (1973)

¹⁵ Ti babai cunana kencuana: Apo, itedmo caniac daytoy a danum, tapno saanac a mawaw, ken tapno diac umayen ditoy a sumacdu.

San Juan 4:15 Iomraidhean Croise

Dagiti Salmo 4:6

Adu ti agkuna iti kararagda, “Yad-adum koma ti bendisionmi! O Apo, maasika kadi kadakami!”

San Juan 4:16

“Inka ayaban ti asawam saka agsubli ditoy,” kinuna ni Jesus.

San Juan 6:26

“Ibagak kadakayo ti pudno: Sapsapulendak gapu ta nangankay iti tinapay ket nabsogkayo, saan a gapu ta nakitayo dagiti nakaskasdaaw nga aramidko,” insungbat ni Jesus.

San Juan 6:34

“Apo,” kinunada kenkuana, “ikkannakami man a kanayon iti kasta a tinapay.”

San Juan 6:35

Kinuna ni Jesus kadakuada, “Siak ti tinapay ti biag. Ti umay kaniak, dinto mabisinan, ket ti mamati kaniak, dinto mawaw.

Taga-Roma 6:23

Ta patay ti supapak ti basol. Ngem biag nga agnanayon ti isagut ti Dios gapu iti pannakikaykaysatayo ken ni Cristo Jesus nga Apotayo.

Taga-Roma 8:5

Dagiti agbibiag kas mayannurot iti lasag, paiturayan ti panunotda iti kayat ti lasag. Dagiti agbibiag kas mayannurot iti Espiritu, paiturayan ti panunotda iti kayat ti Espiritu.

1 Taga-Corinto 2:14

Ngem ti tao nga awanan iti Espiritu, dinanto awaten dagiti sagut nga aggapu iti Espiritu ti Dios. Saanna a maawatan dagitoy ta minamaagda kenkuana. Ngamin, mabigbig laeng ti pategda babaen iti espiritu.

Santiago 4:3

Ket no agdawatkayo, awan maawatyo. Ngamin, dakes ti panggepyo; dagiti laeng bukod a pagragsakanyo ti dawatenyo.

1 Juan 5:20

Ammotayo nga immayen ti Anak ti Dios, ket inikkannatayo iti pannakaawat tapno maammoantayo daydiay a pudno. Addatayo kenkuana a pudno, wen, addatayo ken ni Jesu-Cristo nga Anakna. Isu ti pudno a Dios ken ti biag nga agnanayon.