San Juan 4:10 - Ti Baro a Naimbag a Damag Biblia

¹⁰ “No ammom la koma ti sagut nga ited ti Dios ken no siasino ti dumawdawat kenka iti inumen, dumawatka koma kenkuana ket ikkannaka iti nabiag a danum,” insungbat ni Jesus.

Ti Biblia (1973)

¹⁰ Simmungbat ni Jesus ket kinunana kencuana: No mailasinmo coma ti sagut ti Dios, ken no siasino ti agcuna kenca: Iccannac ti inumen, dimmawatca coma kencuana, ket iniccannaca coma ti danum a nabiag.

San Juan 4:10 Iomraidhean Croise

Dagiti Salmo 10:17

Mangngegmo, O Apo, ti kararag dagiti nanumo; papigsaem ti pakinakemda.

Dagiti Salmo 46:4

Adda karayan a mangted rag-o iti siudad ti Dios, iti nasantoan a pagtaengan ti Kangatoan.

Exodo 17:6

Agtakderakto iti imatangyo iti bato iti Bantay Horeb. Ibautmo ti sarukodmo iti bato ket agpussuakto iti danum nga inumen dagiti tattao.” Kasta ti inaramid ni Moises iti imatang dagiti pangulo ti Israel.

Kanta ni Solomon 4:15

Ubbog ti mangpadanum iti hardin, wen, danum nga agayus manipud iti Bantay Libano.”

Isaias 12:3

Kas iti mawaw a siraragsak a mangtako iti danum, kasta met dagiti tattao ti Dios no isalakanna ida.”

Isaias 35:6

Aglagto ken agsalanto dagiti pilay, ket agkantanto dagiti umel gapu iti rag-o. Agayusto ti danum iti let-ang;

Isaias 42:6

“Siak, ni Yahweh, inayabanka; inikkanka iti pannakabalin tapno kitaem a maipakat ti hustisia iti daga. Sika ti pannakabagik a makitulagto kadagiti amin a tattao; pannakabagika a mangyeg iti lawag kadagiti pagilian.

Isaias 43:20

Uray dagiti atap nga animal itan-okdakto; idaydayawdakto dagiti abestrus ken lobo inton pagayusek dagiti karayan iti let-ang tapno adda inumen dagiti pinilik a tattao.

Isaias 44:3

“Ibuyatkonto ti danum iti namaga a daga; pataudekto dagiti karayan iti let-ang. Ibukbukkonto ti Espirituk kadagiti annakmo; bendisionakto dagiti kaputotam.

Isaias 49:10

pulos a didanto mawaw wenno mabisinan. Didanto agsagaba iti pudot ti init ken ti let-ang; ta idalanto ida ti mangay-ayat kadakuada. Iturongnanto ida kadagiti ubbog ti danum.

Isaias 9:6

Naipasngay kadatayo ti maysa nga ubing! Adda ubing a lalaki a naited kadatayo! Ket isunto ti mangituray kadatayo! Maawaganto iti, “Nakaskasdaw a Mammagbaga,” “Mannakabalin a Dios,” “Agnanayon nga Ama,” “Prinsipe ti Kappia.”

Jeremias 2:13

Adda dua a basol dagiti tattaok: binaybay-andak nga ubbog ti danum a sibibiag, nagkalida kadagiti bubon a di mabalin a pagurnongan iti danum.

Ezekiel 16:35

Ita, Jerusalem, sika a balangkantis a babai, denggem ti sao ti Apo.

Zacarias 13:1

Kuna ni Yahweh a Mannakabalin-amin, “Inton dumteng dayta a tiempo, addanto ubbog a maluktan nga agpaay kadagiti kaputotan ni David ken dagiti tattao iti Jerusalem tapno maugasan ti basol ken kinarugitda.

Zacarias 14:8

Inton dumteng dayta nga aldaw, addanto nabiag a danum nga aggapu iti Jerusalem. Agturongto ti kaguduana iti Natay a Baybay ket ti kaguduana iti Taaw Mediterranean. Saanto nga agpatingga ti panagayusna, uray iti kalgaw wenno tudtudo.

San Lucas 11:13

No dakayo, idinto a dakeskayo, ammoyo ti mangted iti naimbag kadagiti annakyo, dinto ket ad-addan ti pannangted ti Ama sadi langit iti Espiritu Santo kadagiti agdawat kenkuana!”

San Juan 16:3

Aramidendanto dagitoy kadakayo ta didak am-ammo, kasta met ti Ama.

San Juan 17:3

Ket ti biag nga agnanayon isu daytoy: ti pannakaammo dagiti tattao kenka, a sika ti kakaisuna a pudno a Dios, ken ti pannakaammoda ken ni Jesu-Cristo nga imbaonmo.

San Juan 3:16

Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

San Juan 6:35

Kinuna ni Jesus kadakuada, “Siak ti tinapay ti biag. Ti umay kaniak, dinto mabisinan, ket ti mamati kaniak, dinto mawaw.

San Juan 6:51

Siak ti sibibiag a tinapay a naggapu sadi langit. No kanen ti siasinoman daytoy a tinapay, agbiagto nga agnanayon. Ket ti tinapay nga itedkonto isu ti lasagko. Wen, itedko tapno agbiag ti lubong.”

Dagiti Aramid 9:11

“Tumakderka,” kinuna ti Apo, “ket inka iti kalsada a managan Nalinteg. Inka iti balay ni Judas. Damagem sadiay ti maysa a lalaki nga agnagan Saulo a taga-Tarso. Madama nga agkarkararag ita.

Taga-Roma 8:32

Dina impaidam ti mismo nga Anakna, no di ket indatonna nga agpaay kadatayo amin! No impaayna ti Anakna kadatayo, dinto kadi sisasagana a mangted met kadatayo iti isuamin?

1 Taga-Corinto 1:30

Ngem inyasidegnakayo ti Dios ken ni Cristo Jesus tapno makikadkaduatayo kenkuana, ket pinagbalinna nga isu ti kinasiribtayo. Babaen ken ni Cristo, mapalintegtayo iti Dios, mapagsantotayo ken mawayawayaantayo.

1 Taga-Corinto 10:4

Imminumda amin iti maymaysa a naespirituan a danum. Imminumda manipud iti naespirituan a bato a kimmuykuyog kadakuada. Ni Cristo dayta a bato.

2 Taga-Corinto 9:15

Agyamantayo iti Dios gapu iti saan a magatadan a sagutna!

Taga-Efeso 2:8

Ta gapu iti parabur ti Dios, naisalakantayo babaen iti pammati. Saanyo nga insalakan ti bagiyo gapu iti inaramidyo. Insagut kadakayo ti Dios ti pannakaisalakanyo tapno awan ti mangipasindayag iti daytoy.

Hebreo 6:4

Saanen a mapagbabawi dagiti simmina iti pammati tapno agsublida manen. Addada idin iti silaw ti Dios. Linak-amda ti nailangitan a sagut. Inawatda ti pannakabagida iti Espiritu Santo.

1 Juan 5:20

Ammotayo nga immayen ti Anak ti Dios, ket inikkannatayo iti pannakaawat tapno maammoantayo daydiay a pudno. Addatayo kenkuana a pudno, wen, addatayo ken ni Jesu-Cristo nga Anakna. Isu ti pudno a Dios ken ti biag nga agnanayon.

Paltiing 21:6

Kinunana pay, “Natungpalen! Siak ti Alfa ken ti Omega, ti pangrugian ken ti panungpalan. Siasinoman a mawaw, ikkakto iti kalintegan nga uminum iti ubbog ti danum ti biag.

Paltiing 22:17

“Umayka!” kuna ti Espiritu ken ti Babai a Maikallaysa. “Umayka!” kuna met ti amin a makangngeg iti daytoy. Umasideg ti siasinoman a mawaw. Awaten ti siasinoman a mayat ti danum ti biag a kas sagut.

Paltiing 7:17

agsipud ta pastordanton ti Kordero nga adda iti tengnga ti trono. Iturongnanto ida kadagiti ubbog ti danum a sibibiag. Punasento ti Dios dagiti amin a luada.”