San Juan 3:8 - Ti Baro a Naimbag a Damag Biblia

⁸ Agpuyupoy ti angin iti sadinoman a kaykayatna. Mangngegmo ti awerna, ngem dimo ammo ti paggapuan wenno pagturonganna. Kasta met ti mapasamak iti tunggal maysa a mayanak iti Espiritu.”

Ti Biblia (1973)

⁸ Ti angin agpuyupuy iti pagayatanna, ket mangngegmo ti awerna; ngem dica ammo no adino ti paggapuanna ken adino ti papananna: casta ti amin a mayanac iti Espiritu.

San Juan 3:8 Iomraidhean Croise

Dagiti Salmo 107:25

Nagbilin ket nagangin iti napigsa; dadakkel a dalluyon ti pinataudna.

Dagiti Salmo 107:29

Pinagkalmana ti bagio a napigsa ket dagiti dalluyon nagtalnada.

Dagiti Salmo 135:7

Manipud pungto ti daga, alaenna dagiti ulep a mangyeg bagio; parnuayenna ti kimat nga agpaay iti tudo, ket iruarna ti angin iti pagiduldulinanna.

Eclesiastes 1:6

Agpa-abagatan ti angin, agpa-amianan—agrikusrikos sa agsubli manen.

Ezekiel 37:9

Kinuna ti Dios kaniak, “Anak ti tao, agipadtoka iti angin. Ibagam iti angin a siak nga Apo a Dios ibilinko kenkuana nga umay manipud iti nadumaduma a suli ket angsanna dagitoy a bangkay tapno agbiagda manen.”

San Juan 1:13

Saanda a nagbalin nga annak ti Dios kas iti gagangay a pannakaipasngay ti tao; ta ti Dios a mismo ti Amada.

San Juan 3:7

Dika masdaaw no kunak kenka, ‘Masapul a mayanakkayo manen.’

San Juan 3:9

“Kasano a maaramid daytoy?” sinaludsod ni Nicodemo.

Dagiti Aramid 2:2

Pagammoan, nakangngegda iti daranudor a naggapu sadi langit; kasla ungor ti napigsa nga angin a nangpunno iti entero a balay nga ayanda.

Dagiti Aramid 4:31

Nagunggon ti balay a naguummonganda kalpasan ti panagkararagda. Napnoda amin iti Espiritu Santo, ket situturedda a nangiwaragawag iti sao ti Dios.

1 Taga-Corinto 12:11

Ngem maymaysa nga Espiritu ti mangar-aramid amin kadagitoy; kas pagayatanna, nadumaduma a sagut ti itedna kadagiti tattao.

1 Taga-Corinto 2:11

Ti laeng panunot ti maysa a tao ti makaammo iti adda iti nakem dayta a tao, kasta met a ti laeng Espiritu ti Dios ti makaammo iti panunot ti Dios.

1 Juan 2:29

Ammoyo a nalinteg ni Cristo. Masapul nga ammoyo met nga annak ti Dios ti amin nga agaramid iti nalinteg.