San Juan 3:34 - Ti Baro a Naimbag a Damag Biblia

³⁴ Ta ti imbaon ti Dios sawenna dagiti sao ti Dios, agsipud ta inted ti Dios kenkuana ti Espirituna.

Ti Biblia (1973)

³⁴ Ta ti imbaon ti Dios, saoenna dagiti sao ti Dios; ta ti Dios saanna a rucrucoden ti Espiritu nga itdenna.

San Juan 3:34 Iomraidhean Croise

2 Ar-ari 2:9

Sadiay, kinuna ni Elias ken ni Eliseo, “Ania ti kayatmo nga ipaayko kenka sakbay a maipanawak?” “Ibingayannak iti pannakabalinmo a mangpabileg a sumukat kenka,” insungbat ni Eliseo.

Dagiti Salmo 45:7

ayatem ti naimbag ket guraem ti dakes. Isu a pinilinaka ti Dios; wen, ti Diosmo ket ad-adu a bendision ti impaayna kenka ngem ti uray siasinoman nga ari.

Isaias 59:21

Ket makitulagak kadakayo: Intedkon a kukuayo iti agnanayon ti pannakabalinko ken dagiti pannursurok. Manipud ita, masapul a tungpalendak ken isuroyo dagiti annakyo ken dagiti kaputotanyo nga agtungpal kaniak iti amin a tiempo.”

Levitico 7:35

Daytoy ti paset ti daton a mapuoran a naidatag iti Apo a naited ken ni Aaron ken kadagiti annakna idi agserbida a kas padi.

Numero 11:25

Ket bimmaba ni Yahweh iti maysa nga ulep. Nagsao ken ni Moises, nangala iti espiritu nga intedna idi kenkuana sana inted kadagiti 70 a pangulo. Idi simrek kadakuada ti espiritu, inrugidan ti agipadto ngem saan a nagbayag.

San Mateo 12:18

“Adtoy ti adipenko a pinilik, Ti ay-ayatek ken pakaay-ayoak unay. Itedkonto ti Espirituk kenkuana, Ket ipakaammonanto kadagiti amin a tattao ti yaay ti tiempo ti hustisia.

San Lucas 4:18

“Adda kaniak ti Espiritu ti Apo. Pinilinak a mangikasaba iti Naimbag a Damag kadagiti napanglaw, Imbaonnak a mangiwaragawag iti pannakawayawaya dagiti balud, Iti pannakakita manen dagiti bulsek, Iti pannakaruk-at dagiti maparparigat,

San Juan 1:16

Gapu ta nabuslon ti paraburna, inawattayo amin ti bendisionna. Wen, nawadwad a bendision ti impaayna kadatayo.

San Juan 15:26

“Umayto ti Mammagbaga—ti Espiritu ti kinapudno manipud iti Ama. Ibaonkonto kadakayo manipud iti Ama, ket agsaonto a mangpaneknek iti maipapan kaniak.

San Juan 16:7

Ngem ibagak ti pudno kadakayo: Pagimbaganyo met laeng no pumanawak, ta no diak pumanaw, dinto umay kadakayo ti Mammagbaga. Ngem no pumanawak, ibaonkonto kadakayo.

San Juan 3:17

Ta saan nga imbaon ti Dios ti Anakna ditoy lubong tapno ukomenna ti lubong, no di ket tapno isalakanna.

San Juan 5:26

Ta ti Ama met laeng ti pagtaudan ti biag. Pinagbalinna met ti Anakna a pagtaudan ti biag.

San Juan 7:16

“Saanko a bukod a pannursuro ti isursurok, no di ket agtaud iti Dios a nangibaon kaniak,” insungbat ni Jesus.

San Juan 8:40

Awan ti inaramidko no di imbagak laeng kadakayo ti pudno a nangngegko iti Dios. Nupay kasta, kayatdak a papatayen. Awan ti kasta nga inaramid ni Abraham.

San Juan 8:47

Ti agtaud iti Dios, denggenna dagiti sao ti Dios. Ngem saankayo a nagtaud iti Dios, ket daytoy ti gapuna a dikay dumngeg.”

Dagiti Aramid 1:2

agingga iti aldaw a yuulina sadi langit. Sakbay ti yuulina babaen iti pannakabalin ti Espiritu Santo, binilinna dagiti pinilina nga apostoles.

Dagiti Aramid 10:38

“Ammoyo ti maipapan ken ni Jesus a taga-Nazaret, ken ti panangkonsagrar ti Dios kenkuana babaen iti pannangtedna kenkuana iti Espiritu Santo ken pannakabalin. Iti sadinoman a lugar a napanan ni Jesus, nagar-aramid iti naimbag ken nangpapaimbag kadagiti pinarparigat ti Diablo, gapu ta adda kenkuana ti Dios.

Taga-Roma 8:2

Ta ti linteg ti Espiritu a mangted kadatayo iti biag iti kaaddatayo ken ni Cristo Jesus, winayawayaannak iti linteg ti basol ken ti patay.

Taga-Efeso 3:8

Siak ti kanumoan kadagiti nanumo a tattao ti Dios, ngem siak ti pinili ti Dios a mangipakaammo kadagiti Hentil iti di matukod a kinabaknang ni Cristo,

Taga-Colosas 1:19

Ta inkeddeng ti Dios nga agtaeng ti naan-anay a galadna iti Anak.

Taga-Colosas 2:9

Ngamin, agtaeng ken Cristo a kas tao ti amin a galad ti Dios,

Paltiing 21:6

Kinunana pay, “Natungpalen! Siak ti Alfa ken ti Omega, ti pangrugian ken ti panungpalan. Siasinoman a mawaw, ikkakto iti kalintegan nga uminum iti ubbog ti danum ti biag.

Paltiing 22:1

Impakita pay ti anghel ti karayan ti danum ti biag. Nalitnaw a kas kristal ti danumna nga agubbog manipud iti trono ti Dios ken ti Kordero.