San Juan 3:33 - Ti Baro a Naimbag a Damag Biblia

³³ Ti siasinoman nga umawat iti mensahena, pasingkedanna a pudno ti Dios.

Ti Biblia (1973)

³³ Ti umawat ti pangpanecnecna, pinanecnecanna a ti Dios pudno.

San Juan 3:33 Iomraidhean Croise

San Juan 6:27

“Dikay agbannog gapu iti taraon a madadael. Agbannogkayo ketdi gapu iti taraon nga agpaut iti biag nga agnanayon. Daytoy ti taraon nga itedto kadakayo ti Anak ti Tao, ta inted ti Dios Ama kenkuana ti yaanamongna.”

San Juan 8:26

No maipapan kadakayo, adu ti masaok ken babalawek. Ngem pudno ti nangibaon kaniak, ket ibagak iti lubong ti nangngegko kenkuana,” insungbat ni Jesus.

Taga-Roma 15:28

Inton malpasko daytoy annongko ket mayawatkonton ti amin a naur-or a kuarta nga agpaay kadakuada, agrubbuatakton nga agpa-Espania ket dumagasakto dita.

Taga-Roma 4:11

Naud-udi ti pannakakugitna, ket ti pannakakugitna ti mangpaneknek nga inawat ti Dios a kas nalinteg ni Abraham gapu iti pammatina sakbay a nakugit. Iti kasta, ni Abraham ti naespirituan nga ama dagiti amin a mamati iti Dios, ket awaten ti Dios a kas nalintegda uray pay no saanda a nakugit.

1 Taga-Corinto 9:2

Uray no di bigbigen dagiti dadduma a maysaak nga apostol, awan duadua a dakayo, bigbigendak, ta ti kaaddayo iti sidong ti Apo ipaneknekna ti kinaapostolko.

2 Taga-Corinto 1:18

Ngem kas iti kinapudno ti Dios, saan nga agbalbaliw a “Wen” ken “Saan” ti karimi kadakayo.

2 Taga-Corinto 1:22

Isu ti nangikabil iti marka a kukuanakami ken isu ti nangted iti Espiritu Santo iti pusomi a kas talged ti amin nga ipaayna kadakami.

Taga-Efeso 1:13

Nagbalinkayo met a tattao ti Dios idi nangngegyo ti pudno a mensahe, ti Naimbag a Damag a nangyeg iti pannakaisalakanyo. Namatikayo ken Cristo ket minarkannakayo ti Dios babaen iti pannangtedna iti Espiritu Santo nga inkarina kas pakakitaan iti panangtagikuana kadakayo.

Taga-Efeso 4:30

Ket diyo pagleddaangen ti Espiritu Santo ti Dios, ta isu ti marka ti Dios iti panangtagikuana kadatayo, maysa a pammatalged a dumtengto ti Aldaw a panangwayawaya ti Dios kadatayo.

2 Timoteo 2:19

Ngem natibker ken di magunggon ti fondasion nga impasdek ti Dios. Nailanad dagitoy a balikas: “Ammo ti Apo no siasino dagiti tattaona,” ken “Siasinoman nga agkuna a mamati iti Apo, masapul nga adaywanna dagiti dakes nga aramid.”

Hebreo 6:17

Agsipud ta kayat ti Dios nga ipakita a silalawag kadagiti umawat iti karina a dina baliwan ti panggepna, pinatalgedanna ti kari babaen iti panagsapatana.

1 Juan 1:10

No kunatayo a ditay nagbasol, pagbalinentayo nga ulbod ti Dios, ket saan nga agtaeng ti saona kadatayo.