San Juan 3:32 - Ti Baro a Naimbag a Damag Biblia

³² Paneknekanna ti nakita ken nangngegna, ngem awan umawat iti mensahena.

Ti Biblia (1973)

³² Ti nakitana ken nangngegna, isu ti sacsianna; ket awan ti umawat ti pangpanecnecna.

San Juan 3:32 Iomraidhean Croise

Isaias 50:2

“Apay a di nagtignay dagiti tattaok idi napanak kadakuada tapno isalakanko ida? Apay a dida simmungbat idi immawagak? Awan kadi ti bilegko a mangisalakan kadakuada? Mabalinko a bilinen ti taaw tapno agmaga; mapagbalinko a let-ang dagiti karayan ket matay dagiti ikan gapu iti kaawan ti danumda.

Isaias 53:1

Isungbat dagiti tattao: “Adda ngata mamati iti ipadamagmi ita? Siasino ngata ti makabigbig iti pannakabalin ti Apo iti daytoy?

San Mateo 7:8

Ta ti amin nga agdawat, maikkan; ti agsapul, makabirok; ti agtuktok, mailukatto kenkuana ti ruangan.

San Juan 1:11

Napan iti ilina, ngem saan nga inawat dagiti kailianna.

San Juan 15:15

Saankayon nga ibilang nga adipen, ta saan nga ammo ti adipen ti ar-aramiden ti apona. Ngem ibilangkayo a gagayyem ta impakaammok kadakayo ti amin a nangngegko ken ni Amak.

San Juan 18:37

Isut' gapuna a sinaludsod ni Pilato, “No kasta, maysaka nga ari?” “Nasaomon,” insungbat ni Jesus. “Nayanakak ditoy lubong tapno paneknekak ti pudno. Dumngeg kaniak ti siasinoman nga adda iti pudno.”

San Juan 3:11

Ibagak kenka ti pudno: Sawenmi ti ammomi, ket ibagami ti nakitami. Ngem diyo patien ti pammaneknekmi.

San Juan 3:26

Napanda ngarud ken ni Juan ket kinunada kenkuana, “Maestro, malagipmo daydi immay kenka iti akindaya a ballasiw ti Jordan, daydi imbagam kadakami? Mamumbuniagen, ket mapmapan kenkuana dagiti amin a tattao!”

San Juan 3:33

Ti siasinoman nga umawat iti mensahena, pasingkedanna a pudno ti Dios.

San Juan 5:20

Ta ayaten ti Ama ti Anak ket ipakitana kenkuana ti amin nga ar-aramidenna. Ipakitana kenkuana dagiti aramid a daddadakkel pay ngem dagitoy, tapno agsiddaawkayo.

San Juan 8:26

No maipapan kadakayo, adu ti masaok ken babalawek. Ngem pudno ti nangibaon kaniak, ket ibagak iti lubong ti nangngegko kenkuana,” insungbat ni Jesus.