San Juan 3:29 - Ti Baro a Naimbag a Damag Biblia

²⁹ Ti nobio ti akinkukua iti nobia; ti gayyem ti nobio agsiput ken agdengngeg ket maragsakan no mangngegna ti timek ti nobio. Ngarud, naan-anayen ti ragsakko.

Ti Biblia (1973)

²⁹ Ti makinasawa iti novia, isu ti novio; ngem ti gayyem ti novio nga umimimatang ket mangngegna, agragrag-o unay gapu ti timec ti novio: Ngarud daytoy rag-oc nagdanunan.

San Juan 3:29 Iomraidhean Croise

Kanta ni Solomon 3:11

Babbai iti Sion, umayyo kitaen ni Ari Solomon. Insaad ni inana ti korona iti ulona iti aldaw a panagkasarna; wen, iti aldaw ti rag-o ken ragsakna.”

Kanta ni Solomon 5:1

“Addaak iti hardinko, ay-ayatek ken nobiak. Agal-alaak iti mirra ken balsamok; kankanek ti rara ken ti dirok, in-inumek ti arak ken gatasko.” “Mangan ken uminumkayo, agayan-ayat, agingga a mabartekkayo iti ayat!”

Isaias 54:5

Kaslanto maysa nga asawa ti pannakilangen kenka ti Namarsua— Apo a Mannakabalin-amin ti naganna. Isalakannakanto ti Nasantoan a Dios ti Israel— isu ti agturay iti entero a lubong.

Isaias 66:11

Mairanudkayto iti kinarang-ayna, kas iti maladaga a sumuso iti inana.

Jeremias 2:2

nga innak ipakaammo daytoy a mensahe kadagiti amin nga agnaed idiay Jerusalem: “Malagipko ti kinapudnom idi ubingka; malagipko met ti ayatmo kaniak idi kakaskasarta. Sinurotnak idiay let-ang, iti maysa a daga nga awan pay mulana.

Ezekiel 16:8

“Idi lumabasak manen, nakitak a dimtengen ti tiempo a makiinnayatka. Inabbongak ti lamolamo a bagim iti kagayko ket inkarik nga ayatenka. Wen, nakitulagak kenka nga asawaenka ket tinagikuaka.” Daytoy ti kuna ti Apo a Dios.

Oseas 2:19

Israel, pagbalinenkanto nga asawak; Napudnoakto ket dikanto baybay-an; Ipakitakto kenka ti di agbalbaliw nga ayat ken panangngaasi ket agnanayonto a kukuaka.

San Mateo 22:2

“Mayarig ti Pagarian ti Langit iti kastoy: Adda idi maysa nga ari a nagpadaya gapu iti panagkasar ti anakna a lalaki.

San Mateo 25:1

“Inton dumteng dayta nga aldaw, mayarigto ti Pagarian ti Langit iti kastoy: Adda idi sangapulo a babbalasang a nangala kadagiti pagsilawanda tapno mapanda sabten ti nobio.

San Mateo 9:15

Sinaludsod met ni Jesus, “Agladingit kadi dagiti makiboda no adda ti nobio iti arpadda? Saan a mabalin! Ngem dumtengto ti tiempo a maipanaw ti nobio kadakuada; isunton ti panagayunarda.

San Lucas 15:6

nga isangpet idiay balayna. Ayabanna dagiti gagayyem ken kaarrubana ket kunana kadakuada, ‘Maragsakanak unay ta nabirokak met laeng ti napukaw a karnerok! Agrambaktayo!’

San Juan 15:11

“Imbagak daytoy tapno ti ragsakko adda koma kadakayo ket naan-anay koma ti ragsakyo.

San Juan 16:24

Agpapan ita, awan pay ti dinawatyo iti naganko. Agdawatkayo ket umawatkayto tapno naan-anay ti ragsakyo.”

San Juan 17:13

Ita, umayakon kenka, ket sawek dagitoy ditoy lubong tapno adda kadakuada ti naan-anay a ragsakko.

San Juan 3:30

Isun ti rumbeng a maitan-ok, ket siak ti maipababa.”

2 Taga-Corinto 11:2

Agimonak kadakayo, kas iti panagimon ti Dios. Mayarigkayo iti natarnaw a balasang nga intulagko a mayasawa laeng ken ni Cristo.

Taga-Filipos 2:2

Dawatek ngarud kadakayo nga itedyo ti naan-anay a ragsakko babaen iti panagmaymaysayo iti panunot, ayat, kararua ken nakem.

1 Juan 1:4

Isuratmi daytoy tapno naan-anay ti rag-omi.

2 Juan 1:12

Adu pay koma ti ibagak kadakayo, ngem diak kayat nga isurat iti papel ken tinta. Uray ta panggepko ti sumarungkar kadakayo ket kasaokayto laengen a personal tapno naan-anay ti ragsaktayo.

Paltiing 21:9

Inasitgannak ti maysa kadagiti pito nga angheles nga addaan iti pito a malukong a napno kadagiti pito a maudi a didigra. “Umayka,” kinunana, “ket ipakitak kenka ti babai nga ikasar ti Kordero.”