San Juan 3:21 - Ti Baro a Naimbag a Damag Biblia

²¹ Ngem ti agbiag iti kinapudno, umasideg iti silaw tapno maipakita a mayannurot iti Dios dagiti aramidna.

Ti Biblia (1973)

²¹ Ngem ti agaramid iti pudno, umay iti lawag, tapno dagiti aramidna maiparangarang a naaramidda a mayannurot iti Dios.

San Juan 3:21 Iomraidhean Croise

Dagiti Salmo 119:105

Ti saom ti silaw a mangidalan kaniak, maysa a lawag iti dana a pagnaak.

Dagiti Salmo 119:80

Aramidek ti amin a kabaelak nga agtungpal kadagiti bilbilinmo tapno saanak a maibabain.

Isaias 26:12

O Apo, sika ti mangted iti talna kadakami; amin a magun-odmi bunga dagiti aramidmo.

Isaias 8:20

Kastoyto ti isungbatyo kadakuada, “Ipangagyo ti isursuro kadakayo ti Apo! Diyo ipangag dagiti makiuman kadagiti natay ta awan magunggonayo iti ibagada kadakayo.”

Oseas 14:8

Ania pay la ti pakasapulan dagiti tattao ti Israel kadagiti didiosen idinto a siak ti mangted iti dawatda ken mangaywan kadakuada? Siak ti saleng a salinongda. Siak ti pagtaudan ti amin a bendisionda.”

San Juan 1:47

Idi makita ni Jesus nga agturong ni Natanael iti ayanna, kinunana maipapan kenkuana, “Adtoy ti pudno nga Israelita. Awan kenkuana ti aniaman a kinaulbod.”

San Juan 3:20

Ti siasinoman nga agaramid iti dakes, kagurana ti lawag ket saan nga umasideg iti silaw agsipud ta dina kayat a maipakita dagiti dakes nga aramidna.

San Juan 5:39

“Ad-adalenyo dagiti Sursurat agsipud ta ipagarupyo a masarakan kadagitoy ti biag nga agnanayon. Ket dagitoy met laeng a Sursurat ti agsao maipapan kaniak.

San Juan 7:17

“Ti siasinoman a mayat nga agaramid iti pagayatan ti Dios, maammoannanto no agtaud iti Dios ti isursurok wenno agsaoak iti kabukbukodak a turay.

1 Taga-Corinto 15:10

Ngem gapu iti parabur ti Dios, nagbalinak nga apostol ket natulongannak ti paraburna. Saan la a dayta, napingpingetak a nagtrabaho ngem dagiti amin nga apostoles, nupay iti kinapudnona, saan a siak ti akin-aramid no di ket ti parabur ti Dios nga adda kaniak.

2 Taga-Corinto 1:12

Daytoy ti pagpasindayagmi: Paneknekan ti konsensiami a ti panagbiagmi ditoy lubong, nangruna ti pannakipulapolmi kadakayo, ket inturayan ti nadalus a panggep ken nadiosan a kinapudno, babaen iti pannakabalin ti parabur ti Dios, a saan a ti sirib ti tao.

Taga-Galacia 6:8

No agmula nga agpaay iti bukodna a naindagaan a tarigagay, apitennanto ti patay. No agmula nga agpaay iti Espiritu, apitennanto ti biag nga agnanayon.

Taga-Efeso 5:9

Ta ti lawag ti mangyeg iti nawadwad a bunga ti amin a kita ti kinaimbag, kinalinteg ken kinapudno.

Taga-Filipos 1:11

Mapnonto ti biagyo iti pudno a kinaimbag a ni laeng Jesu-Cristo ti makaaramid ket daytoy ti pakaitan-okan ken pakaidaydayawan ti Dios.

Taga-Filipos 2:13

Kankanayon ngamin nga agtrabaho ti Dios kadakayo tapno pagbalinennakayo a siaayat ken madadaan nga agtungpal iti panggepna.

Taga-Colosas 1:29

Tapno maaramid daytoy, agbannog ken agrigatak ket aramatek ti amin a bileg ken pannakabalin nga agtaud ken ni Cristo.

1 Pedro 1:22

Babaen iti panagtungpalyo iti kinapudno, napakawan dagiti basbasolyo ket nadalusankayo. Gapu ta addan pudno a panagayatyo kadagiti kakabsatyo iti pammati, agiinnayatkayo ngarud iti amin a pusoyo.

1 Juan 1:6

No kunatayo a makikadkaduatayo kenkuana, ngem agbibiagtayo met iti sipnget, ulbodtayo iti sao ken aramid.

3 Juan 1:11

Patgek a gayyem, dimo tuladen ti dakes nga aramid. Tuladem ketdi ti naimbag. Kukua ti Dios ti agaramid iti naimbag. Ngem ti agaramid iti dakes, dina nakita ti Dios.

Paltiing 3:15

Ammok ti ar-aramidem. Ammok a saanka a nalamiis wenno napudot. Tarigagayak unay a nalamiis wenno napudotka koma.