San Juan 3:18 - Ti Baro a Naimbag a Damag Biblia

¹⁸ Saan a maukom ti siasinoman a mamati iti Anak. Ngem naukomen ti di mamati agsipud ta saan a namati iti Bugbugtong nga Anak ti Dios.

Ti Biblia (1973)

¹⁸ Ti mamati kencuana, saan a maocom; ngem ti di mamati kencuana, naocomen, agsipud ta saan a namati iti nagan ti Bugbugtong nga Anac ti Dios.

San Juan 3:18 Iomraidhean Croise

San Marcos 16:16

Ti mamati ken mabuniagan, maisalakanto. Ngem ti di mamati, madusanto.

San Juan 1:12

Ngem adda met dagiti immawat ken namati kenkuana, isut' gapuna nga inikkanna ida iti kalintegan nga agbalin nga annak ti Dios.

San Juan 1:18

Awan pay ti nakakita iti Dios. Ti laeng Bugbugtong nga Anak, a kadua ti Ama, isu ti nangipakaammo kenkuana.

San Juan 20:31

Dagiti nailanad iti daytoy a libro, naisuratda tapno mamatikayo a ni Jesus isu ti Cristo nga Anak ti Dios, ket babaen iti daytoy a pammati, maaddaankayo koma iti biag gapu kenkuana.

San Juan 3:16

Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.

San Juan 3:36

Ti siasinoman a mamati iti Anak maaddaan iti biag nga agnanayon. Siasinoman a di agtulnog iti Anak, dinanto maragpat ti biag, no di ket agtalinaed kenkuana ti pannusa ti Dios.

San Juan 5:24

“Ibagak ti pudno kadakayo: Ti siasinoman a dumngeg kadagiti saok ken mamati iti nangibaon kaniak, maaddaan iti biag nga agnanayon. Saanton a maukom, no di ket nalasatnan ni patay ket simreken iti biag.

San Juan 6:40

Ta pagayatan ni Amak nga amin a makakita ken mamati iti Anak adda biagna nga agnanayon. Ket pagungarekto ida inton maudi nga aldaw.”

San Juan 6:47

“Ibagak kadakayo ti pudno: Ti mamati adda biagna nga agnanayon.

Taga-Roma 5:1

Itan ta napalintegtayo babaen iti pammati, naikappiatayon iti Dios gapu ken ni Apotayo a Jesu-Cristo.

Taga-Roma 8:1

Ngarud, saan a masentensiaan a madusa dagiti agbibiag ken ni Cristo Jesus.

Taga-Roma 8:34

Siasino ngarud ti makabalin a mangsentensia kadakuada? Ni Cristo Jesus kadi nga adda iti makannawan ti Dios? Saan! Ta saan la a natay no di ket isu pay ti mangibabaet kadatayo.

Hebreo 12:25

Agannadkayo ngarud ket ipangagyo ti agsasao. No saan a nakalisi dagidi saan a nangipangag iti nasantoan a mensahe, ad-addanto pay a ditayo makalisi no tallikudantayo ti agsasao manipud langit!

Hebreo 2:3

Kasanonto ngarud ti panaglisitayo no ditay ikankano daytoy a naindaklan a pannakaisalakan? Ti Apo a mismo ti immuna a nangipakaammo iti daytoy a pannakaisalakan. Dagiti nakangngeg kenkuana ti nangpatalged kadatayo a pudno daytoy.

Hebreo 3:19

Makitatayo ngarud a dida nakastrek agsipud ta dida namati.

1 Juan 3:23

Daytoy ti bilinna: Masapul a mamatitayo iti nagan ni Jesu-Cristo nga Anakna ken agiinnayattayo a kas imbilin ni Cristo.

1 Juan 4:9

Kastoy ti panangipakita ti Dios nga ay-ayatennatayo: Imbaonna ditoy lubong ti bugbugtong nga Anakna tapno maaddaantayo iti biag babaen kenkuana.

1 Juan 5:10

Ngarud, siasinoman a mamati iti Anak ti Dios adda kenkuana daytoy a pammaneknek. Ngem ti di mamati iti Dios, pinagbalinna nga ulbod ti Dios, ta dina pinati ti pammaneknekna maipapan iti Anakna.

1 Juan 5:12

Ti tao a pagtaengan ti Anak, agtaeng met kenkuana ti biag; ti saan a pagtaengan ti Anak ti Dios, saan met nga agtaeng kenkuana ti biag.