San Juan 3:17 - Ti Baro a Naimbag a Damag Biblia

¹⁷ Ta saan nga imbaon ti Dios ti Anakna ditoy lubong tapno ukomenna ti lubong, no di ket tapno isalakanna.

Ti Biblia (1973)

¹⁷ Ta saan nga imbaon ti Dios ti Anacna iti lubong, a mangocom iti lubong; no di ket tapno ti lubong, maisalacan gapu kencuana.

San Juan 3:17 Iomraidhean Croise

Zacarias 9:9

Agrag-okayo, tattao ti Sion, agrag-okayo! Agdir-ikay iti ragsak, tattao ti Jerusalem! Kitaenyo, umayen kadakayo ti ariyo! Umay a sibaballigi ngem napakumbaba; umay a nakasakay iti asno, iti urbon ti asno.

San Mateo 1:23

“Agsikogto ti birhen a balasang. Ipasngaynanto ti maysa a lalaki, ket mapanagananto iti Immanuel a kayatna a sawen, ‘Adda kadatayo ti Dios.’”

San Mateo 18:10

“Kitaenyo diyo laisen ti uray maysa kadagitoy nga ubbing. Ibagak kadakayo a dagiti anghelesda idiay langit, kankanayon nga addada iti imatang ni Amak nga adda sadi langit.

San Lucas 19:10

Immay ti Anak ti Tao a mangbirok ken mangisalakan iti napukaw.”

San Lucas 9:56

Kalpasanna, napan ni Jesus ken dagiti adalanna iti sabali a barrio.

San Juan 1:29

Iti sumuno nga aldaw, nakita ni Juan nga agturong ni Jesus iti yanna. “Daytoy ti Kordero ti Dios a mangikkat iti basol ti lubong!” kinuna ni Juan.

San Juan 10:36

No maipapan kaniak, pinilinak ti Ama ket imbaonnak ditoy lubong. Gapu ta kinunak a siak ti Anak ti Dios, kunayon a nagsaoak iti maikontra iti Dios?

San Juan 11:42

Ammok nga ipangagnak a kanayon, ngem kunak daytoy gapu kadagitoy a tattao tapno patienda nga imbaonnak.”

San Juan 17:18

Kas iti panangibaonmo kaniak ditoy lubong, kasta met ti panangibaonko kadakuada iti lubong.

San Juan 17:21

Ikarkararagko nga agmaymaysada amin. Ama, addada koma kadata, a kas iti kaaddam kaniak ken iti kaaddak kenka. Agmaymaysada koma tapno patien ti lubong nga imbaonnak.

San Juan 17:23

Addaak kadakuada ket addaka kaniak tapno naan-anay ti panagmaymaysada. Iti kasta, maammoan ti lubong nga imbaonnak ken kasta met nga ay-ayatem ida a kas iti panagayatmo kaniak.

San Juan 17:25

Nalinteg nga Ama, saannaka nga am-ammo ti lubong, ngem am-ammoka, ket ammoda nga imbaonnak.

San Juan 17:3

Ket ti biag nga agnanayon isu daytoy: ti pannakaammo dagiti tattao kenka, a sika ti kakaisuna a pudno a Dios, ken ti pannakaammoda ken ni Jesu-Cristo nga imbaonmo.

San Juan 17:8

Intedko kadakuada ti mensahe nga intedmo kaniak, ket inawatda. Ammoda a pudno a naggapuak kenka ket patienda nga imbaonnak.

San Juan 20:21

Kinuna manen ni Jesus kadakuada, “Adda koma kappia kadakayo. Kas iti panangibaon kaniak ti Ama, kasta met ti panangibaonko kadakayo.”

San Juan 3:34

Ta ti imbaon ti Dios sawenna dagiti sao ti Dios, agsipud ta inted ti Dios kenkuana ti Espirituna.

San Juan 5:36

Ngem adda agsaksi kaniak a nangnangruna ngem ni Juan. Isu dagiti aramidko nga impaaramid kaniak ti Ama. Dagitoy nga aramid ti mangipakita nga imbaonnak ti Ama.

San Juan 5:38

ket saan nga agtalinaed ti saona kadakayo, ta diyo pay patien ti imbaonna.

San Juan 5:45

Diyo ipagarup nga idarumkayo iti Ama. Ni Moises a nangitalkanyo iti namnamayo ti mangidarum kadakayo.

San Juan 6:29

“Daytoy ti kayat ti Dios nga aramidenyo: Patienyo ti imbaonna,” insungbat ni Jesus.

San Juan 6:38

Ta bimmabaak manipud langit tapno aramidek ti pagayatan ti nangibaon kaniak, saan a ti pagayatak.

San Juan 6:40

Ta pagayatan ni Amak nga amin a makakita ken mamati iti Anak adda biagna nga agnanayon. Ket pagungarekto ida inton maudi nga aldaw.”

San Juan 6:57

Imbaonnak ti sibibiag nga Ama, ket agbiagak met gapu kenkuana. Kasta met a ti mangan kaniak, agbiagto gapu kaniak.

San Juan 7:29

Am-ammok ti nangibaon kaniak ta naggapuak kenkuana.”

San Juan 8:11

“Awan, Apo,” insungbatna. Kinuna ni Jesus, “Uray siak, saanka a dusaen. Inkan, ket saanka nga agbasolen.”]

San Juan 8:42

“No agpayso met laeng nga amayo ti Dios,” kinuna ni Jesus, “ayatendak met koma; ta naggapuak iti Dios, ket ita, addaak ditoyen. Diak immay a naknakemko, no di ket imbaonnak ti Dios.

1 Juan 2:2

Ni Cristo met laeng ti pakapakawanan dagiti basoltayo, ket saan laeng a dagiti basoltayo, no di pay ket dagiti basol ti amin a tao.

1 Juan 4:14

Nakita ken paneknekanmi nga imbaon ti Ama ti Anakna a Mangisalakan iti lubong.