San Juan 3:15 - Ti Baro a Naimbag a Damag Biblia

¹⁵ tapno agbiag nga agnanayon ti siasinoman a mamati kenkuana.”

Ti Biblia (1973)

¹⁵ Tapno amin a mamati kencuana maaddaan ti biag nga agnanayon.

San Juan 3:15 Iomraidhean Croise

Isaias 11:10

Iti dayta nga aldaw, maibayogto ti ramut ni Jesse ket maibilangto a pagilasinan dagiti nasion. Aguummongdanto iti naarian a siudadna ket ipaaydanto ti pammadayaw kenkuana.

Isaias 45:22

“Agsublikayo kaniak tapno maisalakankayo, dakay a tattao iti entero a daga. Siak ti Dios, awan ti sabali.

Numero 21:9

Nangaramid ngarud ni Moises iti sinan-uleg, ket inkabilna iti kayo. No adda kagaten ti uleg, umimbag no kitaenna ti sinan-uleg.

San Mateo 18:10

“Kitaenyo diyo laisen ti uray maysa kadagitoy nga ubbing. Ibagak kadakayo a dagiti anghelesda idiay langit, kankanayon nga addada iti imatang ni Amak nga adda sadi langit.

San Mateo 25:46

Ngarud, dagitoyto ti mapan iti agnanayon a pannakadusa. Ngem mapanto dagiti nalinteg iti agnanayon a biag.”

San Marcos 16:16

Ti mamati ken mabuniagan, maisalakanto. Ngem ti di mamati, madusanto.

San Lucas 19:10

Immay ti Anak ti Tao a mangbirok ken mangisalakan iti napukaw.”

San Juan 1:12

Ngem adda met dagiti immawat ken namati kenkuana, isut' gapuna nga inikkanna ida iti kalintegan nga agbalin nga annak ti Dios.

San Juan 16:33

Imbagak daytoy kadakayo tapno adda talnayo iti pannakikaduayo kaniak. Parigatennakayto ti lubong. Ngem papigsaenyo ti nakemyo! Naparmekkon ti lubong!”

San Juan 20:31

Dagiti nailanad iti daytoy a libro, naisuratda tapno mamatikayo a ni Jesus isu ti Cristo nga Anak ti Dios, ket babaen iti daytoy a pammati, maaddaankayo koma iti biag gapu kenkuana.

San Juan 3:16

Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.

San Juan 3:36

Ti siasinoman a mamati iti Anak maaddaan iti biag nga agnanayon. Siasinoman a di agtulnog iti Anak, dinanto maragpat ti biag, no di ket agtalinaed kenkuana ti pannusa ti Dios.

San Juan 5:24

“Ibagak ti pudno kadakayo: Ti siasinoman a dumngeg kadagiti saok ken mamati iti nangibaon kaniak, maaddaan iti biag nga agnanayon. Saanton a maukom, no di ket nalasatnan ni patay ket simreken iti biag.

San Juan 6:27

“Dikay agbannog gapu iti taraon a madadael. Agbannogkayo ketdi gapu iti taraon nga agpaut iti biag nga agnanayon. Daytoy ti taraon nga itedto kadakayo ti Anak ti Tao, ta inted ti Dios Ama kenkuana ti yaanamongna.”

San Juan 6:40

Ta pagayatan ni Amak nga amin a makakita ken mamati iti Anak adda biagna nga agnanayon. Ket pagungarekto ida inton maudi nga aldaw.”

San Juan 6:47

“Ibagak kadakayo ti pudno: Ti mamati adda biagna nga agnanayon.

Dagiti Aramid 13:41

‘Kitaenyo, dakayo a nauyaw! Agsiddaaw ken mataykayo! Ta ti ar-aramidek iti panawenyo, Pulos a diyonto patien, Uray no adda mangilawlawag kadakayo.’”

Dagiti Aramid 8:36

Intuloyda ti panagdaliasatda agingga a dimtengda iti lugar nga adda danum. Kinuna ti ofisial ken ni Felipe, “Adtoy ti danum. Ania ti makatiped iti panagbuniagko?”

Taga-Roma 5:21

Ngarud, kas ti panagturay ti basol babaen ken ni patay, kasta met ti panagturay ti parabur ti Dios babaen iti kinalinteg a mangiturong kadatayo iti biag nga agnanayon babaen ken ni Jesu-Cristo nga Apotayo.

1 Taga-Corinto 1:18

Ta kadagiti mapukaw, kinamaag ti mensahe maipapan iti pannakatay ni Cristo iti krus. Ngem kadatayo a maisalakan, daytoy ti pannakabalin ti Dios.

2 Taga-Corinto 4:3

No kas pangarigan nailemmeng ti ebanghelio nga ikaskasabami, nailemmeng laeng kadagiti mayaw-awan.

Taga-Galacia 2:16

Nupay kasta, ammomi a mapalinteg ti tao iti sangoanan ti Dios babaen iti panamatina ken ni Jesu-Cristo, a saan ketdi a babaen iti panangtungpalna iti ipaannurot ti Linteg. Namatikami met ken ni Cristo Jesus tapno agbalinkami a nalinteg iti sangoanan ti Dios babaen iti pammatimi ken Cristo, saan a babaen iti panagtungpal iti ipaannurot ti Linteg. Ta awan ti tao a mapalinteg iti sangoanan ti Dios babaen iti panangtungpalna iti ipaannurot ti Linteg.

Taga-Galacia 2:20

Iti kasta, saanen a siak ti agbibiag, no di ket ni Cristo ti agbibiag kaniak. No kasano ti panagbiagko itan, agbiagak a maipaay iti pammati iti Anak ti Dios a nagayat kaniak ken nangted iti biagna gapu kaniak.

Hebreo 10:39

Saantayo a kas kadagiti nangiwaksi iti pammatida ket napukawda. Addaantayo ketdi iti pammati ket maisalakan ti kararuatayo.

Hebreo 7:25

Isut' gapuna a kabaelanna nga isalakan dagiti umasideg iti Dios babaen kenkuana agsipud ta agbiag nga agnanayon a mangibabaet kadakuada iti Dios.

1 Juan 2:25

ket daytoy ti inkari ni Cristo kadatayo—ti biag nga agnanayon.

1 Juan 5:1

Anak ti Dios ti siasinoman a mamati a ni Jesus isu ti Cristo, ket ti siasinoman nga agayat iti maysa nga ama, ayatenna met ti anak dayta nga ama.

1 Juan 5:20

Ammotayo nga immayen ti Anak ti Dios, ket inikkannatayo iti pannakaawat tapno maammoantayo daydiay a pudno. Addatayo kenkuana a pudno, wen, addatayo ken ni Jesu-Cristo nga Anakna. Isu ti pudno a Dios ken ti biag nga agnanayon.