San Juan 21:25 - Ti Baro a Naimbag a Damag Biblia

²⁵ Wen, adu pay dagiti sabali nga inar-aramid ni Jesus. No maisuratda koma amin, pagarupek a di malaon ti lubong dagiti libro a pakaisuratanda.

Ti Biblia (1973)

²⁵ Ket adda pay adu a sabsabali nga inaramid ni Jesus, a no maisuratda coma a masaggaysa, pagarupec nga uray daytoy lubong saanna a malaon dagiti libro a pacaisuratanda coma.

San Juan 21:25 Iomraidhean Croise

Ti Libro ni Job 26:14

Ngem rissik la dagitoy ti pannakabalinna; arasaas laeng ti nangngegtayo maipapan kenkuana. Siasino kadi ti makaawat iti pudno a kinatan-ok ti Dios?

Dagiti Salmo 40:5

Adu ti impapaaymo kadakami, O Apo a Diosmi. Awan ti kas kenka. Adu dagiti nakaskasdaaw a panggepmo kadakami. Diak maisao amin ida, ta naruayda.

Dagiti Salmo 71:15

Saritaekto ti kinaimbagmo; sawekto nga agmalmalem ti panangisalakanmo, adunto pay laeng ti diak maawatan.

Eclesiastes 12:12

Anakko, adda maysa a banag a siputam. Awan gibus ti panagsurat kadagiti libro ket mapaksuyanka no palaloam ti agadal.

Amos 7:10

Nagipulong ni Amazias a padi ti Betel ken ni Jeroboam nga ari ti Israel. Kinunana: “Isiksikatnaka ni Amos kadagiti Israelita. Madadaelto ti pagilian gapu kadagiti ibagbagana.

San Mateo 11:5

makakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay, ket maikaskasaba ti Naimbag a Damag kadagiti napanglaw.

San Mateo 19:24

Ulitek: narigrigat ti iseserrek ti baknang iti Pagarian ti Dios ngem ti ilulusot ti kamelio iti abut ti dagum.”

San Marcos 5:16

Dagiti nakakita iti daytoy impadamagda kadagiti tattao ti napasamak iti naluganan a lalaki ken kadagidi baboy.

Dagiti Aramid 10:38

“Ammoyo ti maipapan ken ni Jesus a taga-Nazaret, ken ti panangkonsagrar ti Dios kenkuana babaen iti pannangtedna kenkuana iti Espiritu Santo ken pannakabalin. Iti sadinoman a lugar a napanan ni Jesus, nagar-aramid iti naimbag ken nangpapaimbag kadagiti pinarparigat ti Diablo, gapu ta adda kenkuana ti Dios.

Dagiti Aramid 20:35

Iti kastoy, impakitak kadakayo a babaen iti napasnek a panagtrabaho, masapul a tulongantayo dagiti nakapuy. Laglagipentayo ti kinuna ni Apo Jesus, ‘Nagasgasat ti mangted ngem ti umawat.’”

Hebreo 11:32

Ituloyko pay kadi ti agsarita? Awanen ti tiempok a mangibaga iti pakasaritaan da Gideon, Barac, Samson, Jefte, David, Samuel ken dagiti profeta.