San Juan 21:23 - Ti Baro a Naimbag a Damag Biblia

²³ Gapu itoy, nagdinamag kadagiti pasurot ni Jesus a dinto matay daytoy nga adalan. Ngem saan nga imbaga ni Jesus a dinto matay daytoy a tao, no di ket kinunana, “No kayatko nga agbiag agingga iti yaayko, apay a maseknanka?”

Ti Biblia (1973)

²³ Nagwara ngarud daytoy a sao cadagiti agcacabsat, a daydi nga adalan saanto a matay. Ngem ni Jesus saanna a sinao kencuana a saanto a matay, no di ket: No cayatco nga agbati nga agingga iti umayac, ania dayta kenca?

San Juan 21:23 Iomraidhean Croise

Ti Libro ni Job 28:28

Kinuna ti Dios kadagiti tattao: “Tapno sumiribkayo, agbutengkayo iti Apo. Tapno maaddaankay pannakaawat, laksiden ti dakes.”

Ti Libro ni Job 33:13

Apay a makisuppiatka iti Dios? Apay a kunam a dina ipangag ti asug ti tao?

Daniel 4:35

Ibilangna dagiti tattao ti daga a kasla awan serserbida; iturayanna dagiti angheles sadi langit ken dagiti tattao ditoy daga. Awan ti sumupring iti pagayatanna, wenno mangbabalaw iti aramidna.

San Mateo 16:27

Ta dandanin umay ti Anak ti Tao agraman dagiti anghelesna. Umay iti dayag ni Amana, ket gunggonaannanto ti tunggal maysa kas mayannatup kadagiti aramidna.

Dagiti Aramid 1:15

Kalpasan ti sumagmamano nga aldaw, naguurnong ti agsangagasut ket duapulo a mamati. Nagtakder ni Pedro iti sangoananda ket kinunana:

Dagiti Aramid 28:14

Nakasarakkami sadiay iti sumagmamano a kakabsat iti pammati, ket inawisdakami a makipagtaeng kadakuada iti makalawas. Kamaudiananna, dimmanonkam idiay Roma.

Dagiti Aramid 6:3

Pumilikayo ngarud, kakabsat, iti pito a lallaki iti grupoyo a nasayaat ti damagna, masirib ken napno iti Espiritu Santo. Isuda ti isaadtayo a mangasikaso kadagitoy a bambanag.

1 Taga-Corinto 11:26

Kaipapananna daytoy a tunggal mangankayo iti daytoy a tinapay ken uminumkayo iti daytoy a kopa, ipakaammoyo ti ipapatay ti Apo agingga iti panagsublina.

1 Taga-Corinto 4:5

Ngarud, saankay a mangukom agingga iti dumteng ti naituding a tiempo. Wen, urayenyo ti yaay ti Apo ta isunto ti mangilatak kadagiti palimed ken mangibutaktak kadagiti panggep a naitalimeng iti puso ti tao. Ket awatento ti tunggal tao ti kaikarianna a pammadayaw nga aggapu iti Dios.

Deuteronomio 29:29

“Adda dagiti palimed a saan nga impakaammo ti Apo a Diostayo. Ngem kukuatayo iti agnanayon, datayo ken dagiti kaputotantayo, dagiti naipakaammo a palimed tapno tungpalentayo dagiti amin nga alagaden daytoy a linteg.”

Santiago 5:7

Aganuskayo ngarud, kakabsatko, agingga iti yaay ti Apo. Kitaenyo ti anus ti mannalon iti panangurayna kadagiti napateg a bunga dagiti mulana. Siaanus nga aguray iti damo ken iti naladaw a tudo.

Paltiing 2:25

Ngem masapul a pagtalinaedenyo a natibker ti adda kadakayo agingga iti yaayko.