San Juan 21:22 - Ti Baro a Naimbag a Damag Biblia

²² “No kayatko nga agbiag agingga iti yaayko, apay a maseknanka?” insungbat ni Jesus. “Surotennak!”

Ti Biblia (1973)

²² Cuna kencuana ni Jesus: No cayatco nga agbati nga agingga iti umayac, ania dayta kenca? Surutennac.

San Juan 21:22 Iomraidhean Croise

San Mateo 16:24

Kalpasanna, kinuna ni Jesus kadagiti adalanna: “Ti agtarigagay a sumurot kaniak masapul a tallikudanna ti bagina, ibaklayna ti krusna, ket surotennak.

San Mateo 24:27

Ta umayto ti Anak ti Tao a kas iti kapardas ti kimat nga aggilap iti daya nga agpa-laud.

San Mateo 24:3

Agtugtugaw ni Jesus idiay Bantay Olivo idi umasideg kenkuana dagiti adalan. “Ibagam man kadakami no kaanonto a mapasamak dagitoy?” sinaludsodda. “Anianto ti mapasamak a mangipakita iti yaaymo ken iti panungpalan ti lubong?”

San Mateo 24:44

Daytoy ti gapuna a masapul a kanayon a sisasaganakayo, ta umayto ti Anak ti Tao iti tiempo a diyo ipagpagarup.”

San Mateo 25:31

“Inton umay ti Anak ti Tao a kas Ari a kuyogen dagiti amin nga angheles, agtugawto iti nadayag a tronona.

San Mateo 8:22

Insungbat ni Jesus, “Bay-am dagiti natay a mangipumpon kadagiti minatayda; umayka ket surotennak.”

San Marcos 9:1

Kinunana pay, “Laglagipenyo daytoy! Adda sumagmamano kadakayo ditoy a saanto pay a matay agingga a makitada ti yaay ti Pagarian ti Dios agraman ti amin a pannakabalin.”

San Juan 21:19

(Iti panangisao ni Jesus iti daytoy, impakaammona no kasano ti ipapatay ni Pedro tapno maidaydayaw ti Dios.) Kalpasanna, kinuna ni Jesus kenkuana, “Surotennak.”

San Juan 21:21

Idi makita ni Pedro ti adalan, kinunana ken ni Jesus, “Apo, anianto ngarud ti mapasamak iti daytoy a tao?”

1 Taga-Corinto 11:26

Kaipapananna daytoy a tunggal mangankayo iti daytoy a tinapay ken uminumkayo iti daytoy a kopa, ipakaammoyo ti ipapatay ti Apo agingga iti panagsublina.

1 Taga-Corinto 4:5

Ngarud, saankay a mangukom agingga iti dumteng ti naituding a tiempo. Wen, urayenyo ti yaay ti Apo ta isunto ti mangilatak kadagiti palimed ken mangibutaktak kadagiti panggep a naitalimeng iti puso ti tao. Ket awatento ti tunggal tao ti kaikarianna a pammadayaw nga aggapu iti Dios.

1 Taga-Tesalonica 2:19

Awan sabali a namnamami no di dakayo. Dakayo ti ragsakmi. Dakayo ti korona ti balligi a pagpannakkelmi iti sangoanan ni Apotayo a Jesus inton umay manen.

Santiago 5:7

Aganuskayo ngarud, kakabsatko, agingga iti yaay ti Apo. Kitaenyo ti anus ti mannalon iti panangurayna kadagiti napateg a bunga dagiti mulana. Siaanus nga aguray iti damo ken iti naladaw a tudo.

Santiago 5:8

Nasken met nga aganuskayo. Papigsaenyo ti namnamayo ta asidegen ti yaay ti Apo.

Paltiing 1:7

Kitaenyo, umayen ni Jesus a silulugan kadagiti ulep! Makitanto ti tunggal maysa, agraman dagiti nangduyok kenkuana. Dung-awanto dagiti tattao iti amin a pagilian ditoy lubong. Maaramid koma a kasta! Amen.

Paltiing 2:25

Ngem masapul a pagtalinaedenyo a natibker ti adda kadakayo agingga iti yaayko.

Paltiing 22:20

Kuna ti mangpaneknek iti daytoy, “Agpayso nga umayakon!” Amen! Umaykan, Apo Jesus!

Paltiing 22:7

Umayakon! Nagasat dagiti agtungpal kadagiti padto a nailanad iti daytoy a libro!”

Paltiing 3:11

Umayak iti mabiit. Saluadam ngarud ti adda kenka tapno awan ti mangagaw iti gunggonam.