San Juan 21:16 - Ti Baro a Naimbag a Damag Biblia

¹⁶ Pinidua ni Jesus a sinaludsod, “Simon nga anak ni Juan, dungdungngoennak kadi?” “Wen, Apo,” insungbatna, “ammom nga ay-ayatenka.” Kinuna ni Jesus kenkuana, “Aywanam dagiti karnerok.”

Ti Biblia (1973)

¹⁶ Cunana kencuana iti maicadua: Simon, nga anac ni Juan, ayatennac? Simmungbat kencuana: Wen, Apo, sica ammom nga ayatenca Cunana kencuana; Ipaarabmo dagiti carneroc.

San Juan 21:16 Iomraidhean Croise

Dagiti Salmo 100:3

Bigbigenyo a ti Apo ket Dios. Isu ti namarsua kadatayo, ket kukuanatayo. Wen, tattaonatayo, ket datayo ti arbanna.

Dagiti Salmo 95:7

Isu ti Diostayo; datayo dagiti tattaona nga ay-aywananna, ti arban a tartaraonanna. Ita nga aldaw, denggenyo ti ibagana:

Zacarias 13:7

Kuna ni Yahweh a Mannakabalin-amin: “Tumakderka, kampilan, ket darupem ti agpaspastor a katulongak. Papatayem tapno mawarawara dagiti karnero. Darupek dagiti tattaok

San Mateo 2:6

‘Sika, Betlehem, iti daga ti Juda, Saanka a maudi kadagiti ili iti Juda; Ta tumaudto kenka ti maysa a pangulo A mangaywan iti ilik nga Israel.’”

San Mateo 25:32

Matipontiponto amin a nasion iti sangoananna. Paglasinennanto ida iti dua a grupo a kas iti panamaglalasin ti agay-aywan kadagiti karnero ken kalding.

San Mateo 26:72

Naglibak manen ni Pedro ket kinunana: “Isapatak a diak am-ammo dayta a tao.”

San Lucas 19:10

Immay ti Anak ti Tao a mangbirok ken mangisalakan iti napukaw.”

San Juan 18:17

Kinuna ti babai ken ni Pedro, “Saanka aya a maysa kadagiti adalan dayta a tao?” “Saan,” insungbat ni Pedro.

San Juan 18:25

Adda pay laeng ni Pedro nga agtaktakder sadiay nga agin-inudo. Kinuna dagiti dadduma kenkuana, “Saanka kadi a maysa kadagiti adalan dayta a tao?” Ngem naglibak ni Pedro. “Saan,” kinunana.

San Juan 21:17

Pinitlo ni Jesus a sinaludsod, “Simon nga anak ni Juan, ay-ayatennak kadi?” Nagliday ni Pedro gapu ta namitlon a sinaludsod ni Jesus kenkuana, “Ay-ayatennak kadi?” Kinuna ni Pedro, “Apo, ammom amin a banag. Ammom nga ay-ayatenka!” Kinuna ni Jesus kenkuana, “Aywanam dagiti karnerok.

Dagiti Aramid 20:28

Annadanyo ngarud ti bagbagiyo ken ti amin nga arban nga impaaywan ti Espiritu Santo kadakayo. Wen, aywananyo ti iglesia ti Dios a ginatangna babaen iti dara ti Anakna.

Hebreo 13:20

Pinagungar ti Dios ni Apotayo a Jesus a nagbalin a Naindaklan a Pastor dagiti karnero gapu iti ipapatayna a kas daton a nangpatalged iti agnanayon a tulag. Sapay koma ta ti Dios a gubbuayan ti talna ipaayna kadakayo ti amin a naimbag a banag a kasapulanyo tapno maaramidyo ti pagayatanna. Sapay koma ta aramidenna kadatayo ti makaparagsak kenkuana babaen ken ni Jesu-Cristo, isu a madaydayaw iti agnanayon nga awan inggana! Amen.

1 Pedro 2:25

Mayarigkay idi kadagiti karnero a nayaw-awan. Ngem ita, naisublikayon a sumurot iti Pastor ken Agaywan kadagiti kararuayo.

1 Pedro 5:2

aywananyo ti grupo dagiti mamati, ti arban nga inted ti Dios kadakayo, kas iti panangaywan ti maysa a tao iti arban ti karnero. Aywananyo a siaayat ti arban a kas iti kayat ti Dios nga aramidenyo. Saankayo koma a mapilpilit. Agtrabahokayo, saan a gapu iti tangdan, no di ket gapu iti pudno a tarigagay iti panagserbi.

Paltiing 7:17

agsipud ta pastordanton ti Kordero nga adda iti tengnga ti trono. Iturongnanto ida kadagiti ubbog ti danum a sibibiag. Punasento ti Dios dagiti amin a luada.”